1 vnumber="1"> שוטטו בחוצות ירושלם וראו נא ודעו ובקשו ברחובותיה אם תמצאו איש אם יש עשה משפט מבקש אמונה--ואסלח לה
2 vnumber="2"> ואם חי יהוה יאמרו לכן לשקר ישבעו
3 vnumber="3"> יהוה עיניך הלוא לאמונה--הכיתה אתם ולא חלו כליתם מאנו קחת מוסר חזקו פניהם מסלע מאנו לשוב
4 vnumber="4"> ואני אמרתי אך דלים הם נואלו--כי לא ידעו דרך יהוה משפט אלהיהם
5 vnumber="5"> אלכה לי אל הגדלים ואדברה אותם--כי המה ידעו דרך יהוה משפט אלהיהם אך המה יחדו שברו על נתקו מוסרות
6 vnumber="6"> על כן הכם אריה מיער זאב ערבות ישדדם--נמר שקד על עריהם כל היוצא מהנה יטרף כי רבו פשעיהם עצמו משבותיהם
7 vnumber="7"> אי לזאת אסלוח (אסלח) לך--בניך עזבוני וישבעו בלא אלהים ואשבע אותם וינאפו ובית זונה יתגודדו
8 vnumber="8"> סוסים מיזנים משכים היו איש אל אשת רעהו יצהלו
9 vnumber="9"> העל אלה לוא אפקד נאם יהוה ואם בגוי אשר כזה לא תתנקם נפשי {ס}
art="x-p"/>
10 vnumber="10"> עלו בשרותיה ושחתו וכלה אל תעשו הסירו נטישותיה כי לוא ליהוה המה
11 vnumber="11"> כי בגוד בגדו בי בית ישראל ובית יהודה--נאם יהוה
12 vnumber="12"> כחשו ביהוה ויאמרו לוא הוא ולא תבוא עלינו רעה וחרב ורעב לוא נראה
13 vnumber="13"> והנביאים יהיו לרוח והדבר אין בהם כה יעשה להם {ס}
art="x-p"/>
14 vnumber="14"> לכן כה אמר יהוה אלהי צבאות יען דברכם את הדבר הזה הנני נתן דברי בפיך לאש והעם הזה עצים--ואכלתם
15 vnumber="15"> הנני מביא עליכם גוי ממרחק בית ישראל נאם יהוה גוי איתן הוא גוי מעולם הוא--גוי לא תדע לשנו ולא תשמע מה ידבר
16 vnumber="16"> אשפתו כקבר פתוח כלם גבורים
17 vnumber="17"> ואכל קצירך ולחמך יאכלו בניך ובנותיך--יאכל צאנך ובקרך יאכל גפנך ותאנתך ירשש ערי מבצריך אשר אתה בטח בהנה--בחרב
18 vnumber="18"> וגם בימים ההמה נאם יהוה לא אעשה אתכם כלה
19 vnumber="19"> והיה כי תאמרו תחת מה עשה יהוה אלהינו לנו את כל אלה ואמרת אליהם כאשר עזבתם אותי ותעבדו אלהי נכר בארצכם--כן תעבדו זרים בארץ לא לכם {פ}
art="x-p"/>
20 vnumber="20"> הגידו זאת בבית יעקב והשמיעוה ביהודה לאמר
21 vnumber="21"> שמעו נא זאת עם סכל ואין לב עינים להם ולא יראו אזנים להם ולא ישמעו
22 vnumber="22"> האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו
23 vnumber="23"> ולעם הזה היה לב סורר ומורה סרו וילכו
24 vnumber="24"> ולוא אמרו בלבבם נירא נא את יהוה אלהינו הנתן גשם וירה (יורה) ומלקוש בעתו שבעת חקות קציר ישמר לנו
25 vnumber="25"> עונותיכם הטו אלה וחטאותיכם מנעו הטוב מכם
26 vnumber="26"> כי נמצאו בעמי רשעים ישור כשך יקושים הציבו משחית אנשים ילכדו
27 vnumber="27"> ככלוב מלא עוף כן בתיהם מלאים מרמה על כן גדלו ויעשירו
28 vnumber="28"> שמנו עשתו גם עברו דברי רע--דין לא דנו דין יתום ויצליחו ומשפט אביונים לא שפטו
29 vnumber="29"> העל אלה לא אפקד נאם יהוה אם בגוי אשר כזה לא תתנקם נפשי {ס}
art="x-p"/>
30 vnumber="30"> שמה ושערורה נהיתה בארץ
31 vnumber="31"> הנבאים נבאו בשקר והכהנים ירדו על ידיהם ועמי אהבו כן ומה תעשו לאחריתה
art="x-p"/>