1 vnumber="1"> רוחי חבלה ימי נזעכו קברים לי br
2 vnumber="2"> אם-לא התלים עמדי ובהמרותם תלן עיני br
3 vnumber="3"> שימה-נא ערבני עמך מי הוא לידי יתקע br
4 vnumber="4"> כי-לבם צפנת משכל על-כן לא תרמם br
5 vnumber="5"> לחלק יגיד רעים ועיני בניו תכלנה br
6 vnumber="6"> והציגני למשל עמים ותפת לפנים אהיה br
7 vnumber="7"> ותכה מכעש עיני ויצרי כצל כלם br
8 vnumber="8"> ישמו ישרים על-זאת ונקי על-חנף יתערר br
9 vnumber="9"> ויאחז צדיק דרכו וטהר-ידים יסיף אמץ br
10 vnumber="10"> ואולם--כלם תשבו ובאו נא ולא-אמצא בכם חכם br
11 vnumber="11"> ימי עברו זמתי נתקו-- מורשי לבבי br
12 vnumber="12"> לילה ליום ישימו אור קרוב מפני-חשך br
13 vnumber="13"> אם-אקוה שאול ביתי בחשך רפדתי יצועי br
14 vnumber="14"> לשחת קראתי אבי אתה אמי ואחתי לרמה br
15 vnumber="15"> ואיה אפו תקותי ותקותי מי ישורנה br
16 vnumber="16"> בדי שאל תרדנה אם-יחד על-עפר נחת
art="x-p"/>