1 vnumber="1"> css="font-weight:bold"> א ויהי היום--ויבאו בני האלהים להתיצב על יהוה ויבוא גם השטן בתכם להתיצב על יהוה
2 vnumber="2"> css="font-weight:bold"> ב ויאמר יהוה אל השטן אי מזה תבא ויען השטן את יהוה ויאמר משט בארץ ומהתהלך בה
3 vnumber="3"> css="font-weight:bold"> ג ויאמר יהוה אל השטן השמת לבך אל עבדי איוב--כי אין כמהו בארץ איש תם וישר ירא אלהים וסר מרע ועדנו מחזיק בתמתו ותסיתני בו לבלעו חנם
4 vnumber="4"> css="font-weight:bold"> ד ויען השטן את יהוה ויאמר עור בעד עור וכל אשר לאיש--יתן בעד נפשו
5 vnumber="5"> css="font-weight:bold"> ה אולם שלח נא ידך וגע אל עצמו ואל בשרו--אם לא אל פניך יברכך
6 vnumber="6"> css="font-weight:bold"> ו ויאמר יהוה אל השטן הנו בידך אך את נפשו שמר
7 vnumber="7"> css="font-weight:bold"> ז ויצא השטן מאת פני יהוה ויך את איוב בשחין רע מכף רגלו עד (ועד) קדקדו
8 vnumber="8"> css="font-weight:bold"> ח ויקח לו חרש להתגרד בו והוא ישב בתוך האפר
9 vnumber="9"> css="font-weight:bold"> ט ותאמר לו אשתו עדך מחזיק בתמתך ברך אלהים ומת
10 vnumber="10"> css="font-weight:bold"> י ויאמר אליה כדבר אחת הנבלות תדברי--גם את הטוב נקבל מאת האלהים ואת הרע לא נקבל בכל זאת לא חטא איוב בשפתיו {פ} art="x-p"/>
11 vnumber="11"> css="font-weight:bold"> יא וישמעו שלשת רעי איוב את כל הרעה הזאת הבאה עליו ויבאו איש ממקמו אליפז התימני ובלדד השוחי וצופר הנעמתי ויועדו יחדו לבוא לנוד לו ולנחמו
12 vnumber="12"> css="font-weight:bold"> יב וישאו את עיניהם מרחוק ולא הכירהו וישאו קולם ויבכו ויקרעו איש מעלו ויזרקו עפר על ראשיהם השמימה
13 vnumber="13"> css="font-weight:bold"> יג וישבו אתו לארץ שבעת ימים ושבעת לילות ואין דבר אליו דבר--כי ראו כי גדל הכאב מאד art="x-p"/>