1 vnumber="1"> ויען אליהוא ויאמר br
2 vnumber="2"> שמעו חכמים מלי וידעים האזינו לי br
3 vnumber="3"> כי-אזן מלין תבחן וחך יטעם לאכל br
4 vnumber="4"> משפט נבחרה-לנו נדעה בינינו מה-טוב br
5 vnumber="5"> כי-אמר איוב צדקתי ואל הסיר משפטי br
6 vnumber="6"> על-משפטי אכזב אנוש חצי בלי-פשע br
7 vnumber="7"> מי-גבר כאיוב ישתה-לעג כמים br
8 vnumber="8"> וארח לחברה עם-פעלי און וללכת עם-אנשי-רשע br
9 vnumber="9"> כי-אמר לא יסכן-גבר-- ברצתו עם-אלהים br
10 vnumber="10"> לכן אנשי לבב-- שמעו-לי br חללה לאל מרשע ושדי מעול br
11 vnumber="11"> כי פעל אדם ישלם-לו וכארח איש ימצאנו br
12 vnumber="12"> אף-אמנם אל לא-ירשיע ושדי לא-יעות משפט br
13 vnumber="13"> מי-פקד עליו ארצה ומי שם תבל כלה br
14 vnumber="14"> אם-ישים אליו לבו רוחו ונשמתו אליו יאסף br
15 vnumber="15"> יגוע כל-בשר יחד ואדם על-עפר ישוב br
16 vnumber="16"> ואם-בינה שמעה-זאת האזינה לקול מלי br
17 vnumber="17"> האף שונא משפט יחבוש ואם-צדיק כביר תרשיע br
18 vnumber="18"> האמר למלך בליעל-- רשע אל-נדיבים br
19 vnumber="19"> אשר לא-נשא פני שרים ולא נכר-שוע לפני-דל br כי-מעשה ידיו כלם br
20 vnumber="20"> רגע ימתו-- וחצות לילה br יגעשו עם ויעברו ויסירו אביר לא ביד br
21 vnumber="21"> כי-עיניו על-דרכי-איש וכל-צעדיו יראה br
22 vnumber="22"> אין-חשך ואין צלמות-- להסתר שם פעלי און br
23 vnumber="23"> כי לא על-איש ישים עוד-- להלך אל-אל במשפט br
24 vnumber="24"> ירע כבירים לא-חקר ויעמד אחרים תחתם br
25 vnumber="25"> לכן--יכיר מעבדיהם והפך לילה וידכאו br
26 vnumber="26"> תחת-רשעים ספקם-- במקום ראים br
27 vnumber="27"> אשר על-כן סרו מאחריו וכל-דרכיו לא השכילו br
28 vnumber="28"> להביא עליו צעקת-דל וצעקת עניים ישמע br
29 vnumber="29"> והוא ישקט ומי ירשע-- ויסתר פנים ומי ישורנו br ועל-גוי ועל-אדם יחד br
30 vnumber="30"> ממלך אדם חנף-- ממקשי עם br
31 vnumber="31"> כי-אל-אל האמר נשאתי-- לא אחבל br
32 vnumber="32"> בלעדי אחזה אתה הרני אם-עול פעלתי לא אסיף br
33 vnumber="33"> המעמך ישלמנה כי-מאסת--כי-אתה תבחר ולא-אני ומה-ידעת דבר br
34 vnumber="34"> אנשי לבב יאמרו לי וגבר חכם שמע לי br
35 vnumber="35"> איוב לא-בדעת ידבר ודבריו לא בהשכיל br
36 vnumber="36"> אבי--יבחן איוב עד-נצח על-תשבת באנשי-און br
37 vnumber="37"> כי יסיף על-חטאתו פשע בינינו יספוק וירב אמריו לאל
art="x-p"/>