1 vnumber="1"> אף-לזאת יחרד לבי ויתר ממקומו br
2 vnumber="2"> שמעו שמוע ברגז קלו והגה מפיו יצא br
3 vnumber="3"> תחת-כל-השמים ישרהו ואורו על-כנפות הארץ br
4 vnumber="4"> אחריו ישאג-קול-- ירעם בקול גאונו br ולא יעקבם כי-ישמע קולו br
5 vnumber="5"> ירעם אל בקולו נפלאות עשה גדלות ולא נדע br
6 vnumber="6"> כי לשלג יאמר-- הוא-ארץ br וגשם מטר וגשם מטרות עזו br
7 vnumber="7"> ביד-כל-אדם יחתום-- לדעת כל-אנשי מעשהו br
8 vnumber="8"> ותבוא חיה במו-ארב ובמעונתיה תשכן br
9 vnumber="9"> מן-החדר תבוא סופה וממזרים קרה br
10 vnumber="10"> מנשמת-אל יתן-קרח ורחב מים במוצק br
11 vnumber="11"> אף-ברי יטריח עב יפיץ ענן אורו br
12 vnumber="12"> והוא מסבות מתהפך בתחבולתו לפעלם br כל אשר יצום על-פני תבל ארצה br
13 vnumber="13"> אם-לשבט אם-לארצו-- אם-לחסד ימצאהו br
14 vnumber="14"> האזינה זאת איוב עמד והתבונן נפלאות אל br
15 vnumber="15"> התדע בשום-אלוה עליהם והפיע אור עננו br
16 vnumber="16"> התדע על-מפלשי-עב מפלאות תמים דעים br
17 vnumber="17"> אשר-בגדיך חמים-- בהשקט ארץ מדרום br
18 vnumber="18"> תרקיע עמו לשחקים חזקים כראי מוצק br
19 vnumber="19"> הודיענו מה-נאמר לו לא-נערך מפני-חשך br
20 vnumber="20"> היספר-לו כי אדבר אם-אמר איש כי יבלע br
21 vnumber="21"> ועתה לא ראו אור-- בהיר הוא בשחקים br ורוח עברה ותטהרם br
22 vnumber="22"> מצפון זהב יאתה על-אלוה נורא הוד br
23 vnumber="23"> שדי לא-מצאנהו שגיא-כח ומשפט ורב-צדקה לא יענה br
24 vnumber="24"> לכן יראוהו אנשים לא-יראה כל-חכמי-לב
art="x-p"/>