1 vnumber="1"> css="font-weight:bold"> א ויהי כאשר תמו כל הגוי לעבור את הירדן {פ} art="x-p"/> ויאמר יהוה אל יהושע לאמר
2 vnumber="2"> css="font-weight:bold"> ב קחו לכם מן העם שנים עשר אנשים--איש אחד איש אחד משבט
3 vnumber="3"> css="font-weight:bold"> ג וצוו אותם לאמר שאו לכם מזה מתוך הירדן ממצב רגלי הכהנים הכין שתים עשרה אבנים והעברתם אותם עמכם והנחתם אותם במלון אשר תלינו בו הלילה {ס} art="x-p"/>
4 vnumber="4"> css="font-weight:bold"> ד ויקרא יהושע אל שנים העשר איש אשר הכין מבני ישראל--איש אחד איש אחד משבט
5 vnumber="5"> css="font-weight:bold"> ה ויאמר להם יהושע עברו לפני ארון יהוה אלהיכם אל תוך הירדן והרימו לכם איש אבן אחת על שכמו למספר שבטי בני ישראל
6 vnumber="6"> css="font-weight:bold"> ו למען תהיה זאת אות--בקרבכם כי ישאלון בניכם מחר לאמר מה האבנים האלה לכם
7 vnumber="7"> css="font-weight:bold"> ז ואמרתם להם אשר נכרתו מימי הירדן מפני ארון ברית יהוה--בעברו בירדן נכרתו מי הירדן והיו האבנים האלה לזכרון לבני ישראל--עד עולם
8 vnumber="8"> css="font-weight:bold"> ח ויעשו כן בני ישראל כאשר צוה יהושע וישאו שתי עשרה אבנים מתוך הירדן כאשר דבר יהוה אל יהושע למספר שבטי בני ישראל ויעברום עמם אל המלון וינחום שם
9 vnumber="9"> css="font-weight:bold"> ט ושתים עשרה אבנים הקים יהושע בתוך הירדן--תחת מצב רגלי הכהנים נשאי ארון הברית ויהיו שם עד היום הזה
10 vnumber="10"> css="font-weight:bold"> י והכהנים נשאי הארון עמדים בתוך הירדן עד תם כל הדבר אשר צוה יהוה את יהושע לדבר אל העם ככל אשר צוה משה את יהושע וימהרו העם ויעברו
11 vnumber="11"> css="font-weight:bold"> יא ויהי כאשר תם כל העם לעבור ויעבר ארון יהוה והכהנים לפני העם
12 vnumber="12"> css="font-weight:bold"> יב ויעברו בני ראובן ובני גד וחצי שבט המנשה חמשים לפני בני ישראל--כאשר דבר אליהם משה
13 vnumber="13"> css="font-weight:bold"> יג כארבעים אלף חלוצי הצבא--עברו לפני יהוה למלחמה אל ערבות יריחו {ס} art="x-p"/>
14 vnumber="14"> css="font-weight:bold"> יד ביום ההוא גדל יהוה את יהושע בעיני כל ישראל ויראו אתו כאשר יראו את משה כל ימי חייו {פ} art="x-p"/>
15 vnumber="15"> css="font-weight:bold"> טו ויאמר יהוה אל יהושע לאמר
16 vnumber="16"> css="font-weight:bold"> טז צוה את הכהנים נשאי ארון העדות ויעלו מן הירדן
17 vnumber="17"> css="font-weight:bold"> יז ויצו יהושע את הכהנים לאמר עלו מן הירדן
18 vnumber="18"> css="font-weight:bold"> יח ויהי בעלות (כעלות) הכהנים נשאי ארון ברית יהוה מתוך הירדן נתקו כפות רגלי הכהנים אל החרבה וישבו מי הירדן למקומם וילכו כתמול שלשום על כל גדותיו
19 vnumber="19"> css="font-weight:bold"> יט והעם עלו מן הירדן בעשור לחדש הראשון ויחנו בגלגל בקצה מזרח יריחו
20 vnumber="20"> css="font-weight:bold"> כ ואת שתים עשרה האבנים האלה אשר לקחו מן הירדן--הקים יהושע בגלגל
21 vnumber="21"> css="font-weight:bold"> כא ויאמר אל בני ישראל לאמר אשר ישאלון בניכם מחר את אבותם לאמר מה האבנים האלה
22 vnumber="22"> css="font-weight:bold"> כב והודעתם את בניכם לאמר ביבשה עבר ישראל את הירדן הזה
23 vnumber="23"> css="font-weight:bold"> כג אשר הוביש יהוה אלהיכם את מי הירדן מפניכם--עד עברכם כאשר עשה יהוה אלהיכם לים סוף אשר הוביש מפנינו עד עברנו
24 vnumber="24"> css="font-weight:bold"> כד למען דעת כל עמי הארץ את יד יהוה כי חזקה היא--למען יראתם את יהוה אלהיכם כל הימים {פ} art="x-p"/>