1 vnumber="1"> css="font-weight:bold"> א ויריחו סגרת ומסגרת מפני בני ישראל אין יוצא ואין בא {ס} art="x-p"/>
2 vnumber="2"> css="font-weight:bold"> ב ויאמר יהוה אל יהושע ראה נתתי בידך את יריחו ואת מלכה--גבורי החיל
3 vnumber="3"> css="font-weight:bold"> ג וסבתם את העיר כל אנשי המלחמה--הקיף את העיר פעם אחת כה תעשה ששת ימים
4 vnumber="4"> css="font-weight:bold"> ד ושבעה כהנים ישאו שבעה שופרות היובלים לפני הארון וביום השביעי תסבו את העיר שבע פעמים והכהנים יתקעו בשופרות
5 vnumber="5"> css="font-weight:bold"> ה והיה במשך בקרן היובל בשמעכם (כשמעכם) את קול השופר יריעו כל העם תרועה גדולה ונפלה חומת העיר תחתיה ועלו העם איש נגדו
6 vnumber="6"> css="font-weight:bold"> ו ויקרא יהושע בן נון אל הכהנים ויאמר אלהם שאו את ארון הברית ושבעה כהנים ישאו שבעה שופרות יובלים לפני ארון יהוה
7 vnumber="7"> css="font-weight:bold"> ז ויאמרו (ויאמר) אל העם עברו וסבו את העיר והחלוץ--יעבר לפני ארון יהוה
8 vnumber="8"> css="font-weight:bold"> ח ויהי כאמר יהושע אל העם ושבעה הכהנים נשאים שבעה שופרות היובלים לפני יהוה עברו ותקעו בשופרות וארון ברית יהוה הלך אחריהם
9 vnumber="9"> css="font-weight:bold"> ט והחלוץ הלך--לפני הכהנים תקעו (תקעי) השופרות והמאסף הלך אחרי הארון הלוך ותקוע בשופרות
10 vnumber="10"> css="font-weight:bold"> י ואת העם צוה יהושע לאמר לא תריעו ולא תשמיעו את קולכם ולא יצא מפיכם דבר עד יום אמרי אליכם הריעו--והריעתם
11 vnumber="11"> css="font-weight:bold"> יא ויסב ארון יהוה את העיר הקף פעם אחת ויבאו המחנה וילינו במחנה {פ} art="x-p"/>
12 vnumber="12"> css="font-weight:bold"> יב וישכם יהושע בבקר וישאו הכהנים את ארון יהוה
13 vnumber="13"> css="font-weight:bold"> יג ושבעה הכהנים נשאים שבעה שופרות היבלים לפני ארון יהוה הלכים הלוך ותקעו בשופרות והחלוץ הלך לפניהם והמאסף הלך אחרי ארון יהוה הולך (הלוך) ותקוע בשופרות
14 vnumber="14"> css="font-weight:bold"> יד ויסבו את העיר ביום השני פעם אחת וישבו המחנה כה עשו ששת ימים
15 vnumber="15"> css="font-weight:bold"> טו ויהי ביום השביעי וישכמו כעלות השחר ויסבו את העיר כמשפט הזה שבע פעמים רק ביום ההוא סבבו את העיר שבע פעמים
16 vnumber="16"> css="font-weight:bold"> טז ויהי בפעם השביעית תקעו הכהנים בשופרות ויאמר יהושע אל העם הריעו כי נתן יהוה לכם את העיר
17 vnumber="17"> css="font-weight:bold"> יז והיתה העיר חרם היא וכל אשר בה ליהוה רק רחב הזונה תחיה היא וכל אשר אתה בבית--כי החבאתה את המלאכים אשר שלחנו
18 vnumber="18"> css="font-weight:bold"> יח ורק אתם שמרו מן החרם פן תחרימו ולקחתם מן החרם ושמתם את מחנה ישראל לחרם ועכרתם אותו
19 vnumber="19"> css="font-weight:bold"> יט וכל כסף וזהב וכלי נחשת וברזל--קדש הוא ליהוה אוצר יהוה יבוא
20 vnumber="20"> css="font-weight:bold"> כ וירע העם ויתקעו בשפרות ויהי כשמע העם את קול השופר ויריעו העם תרועה גדולה ותפל החומה תחתיה ויעל העם העירה איש נגדו וילכדו את העיר
21 vnumber="21"> css="font-weight:bold"> כא ויחרימו את כל אשר בעיר מאיש ועד אשה מנער ועד זקן ועד שור ושה וחמור לפי חרב
22 vnumber="22"> css="font-weight:bold"> כב ולשנים האנשים המרגלים את הארץ אמר יהושע באו בית האשה הזונה והוציאו משם את האשה ואת כל אשר לה כאשר נשבעתם לה
23 vnumber="23"> css="font-weight:bold"> כג ויבאו הנערים המרגלים ויציאו את רחב ואת אביה ואת אמה ואת אחיה ואת כל אשר לה ואת כל משפחותיה הוציאו ויניחום--מחוץ למחנה ישראל
24 vnumber="24"> css="font-weight:bold"> כד והעיר שרפו באש וכל אשר בה רק הכסף והזהב וכלי הנחשת והברזל--נתנו אוצר בית יהוה
25 vnumber="25"> css="font-weight:bold"> כה ואת רחב הזונה ואת בית אביה ואת כל אשר לה החיה יהושע ותשב בקרב ישראל עד היום הזה כי החביאה את המלאכים אשר שלח יהושע לרגל את יריחו {פ} art="x-p"/>
26 vnumber="26"> css="font-weight:bold"> כו וישבע יהושע בעת ההיא לאמר ארור האיש לפני יהוה אשר יקום ובנה את העיר הזאת את יריחו--בבכרו ייסדנה ובצעירו יציב דלתיה {ס} art="x-p"/>
27 vnumber="27"> css="font-weight:bold"> כז ויהי יהוה את יהושע ויהי שמעו בכל הארץ art="x-p"/>