1 vnumber="1"> css="font-weight:bold"> א ויפתח הגלעדי היה גבור חיל והוא בן אשה זונה ויולד גלעד את יפתח
2 vnumber="2"> css="font-weight:bold"> ב ותלד אשת גלעד לו בנים ויגדלו בני האשה ויגרשו את יפתח ויאמרו לו לא תנחל בבית אבינו--כי בן אשה אחרת אתה
3 vnumber="3"> css="font-weight:bold"> ג ויברח יפתח מפני אחיו וישב בארץ טוב ויתלקטו אל יפתח אנשים ריקים ויצאו עמו {פ} art="x-p"/>
4 vnumber="4"> css="font-weight:bold"> ד ויהי מימים וילחמו בני עמון עם ישראל
5 vnumber="5"> css="font-weight:bold"> ה ויהי כאשר נלחמו בני עמון עם ישראל וילכו זקני גלעד לקחת את יפתח מארץ טוב
6 vnumber="6"> css="font-weight:bold"> ו ויאמרו ליפתח--לכה והייתה לנו לקצין ונלחמה בבני עמון
7 vnumber="7"> css="font-weight:bold"> ז ויאמר יפתח לזקני גלעד הלא אתם שנאתם אותי ותגרשוני מבית אבי ומדוע באתם אלי עתה כאשר צר לכם
8 vnumber="8"> css="font-weight:bold"> ח ויאמרו זקני גלעד אל יפתח לכן עתה שבנו אליך והלכת עמנו ונלחמת בבני עמון והיית לנו לראש לכל ישבי גלעד
9 vnumber="9"> css="font-weight:bold"> ט ויאמר יפתח אל זקני גלעד אם משיבים אתם אותי להלחם בבני עמון ונתן יהוה אותם לפני--אנכי אהיה לכם לראש
10 vnumber="10"> css="font-weight:bold"> י ויאמרו זקני גלעד אל יפתח יהוה יהיה שמע בינותינו--אם לא כדברך כן נעשה
11 vnumber="11"> css="font-weight:bold"> יא וילך יפתח עם זקני גלעד וישימו העם אותו עליהם לראש ולקצין וידבר יפתח את כל דבריו לפני יהוה במצפה {פ} art="x-p"/>
12 vnumber="12"> css="font-weight:bold"> יב וישלח יפתח מלאכים אל מלך בני עמון לאמר מה לי ולך כי באת אלי להלחם בארצי
13 vnumber="13"> css="font-weight:bold"> יג ויאמר מלך בני עמון אל מלאכי יפתח כי לקח ישראל את ארצי בעלותו ממצרים מארנון ועד היבק ועד הירדן ועתה השיבה אתהן בשלום
14 vnumber="14"> css="font-weight:bold"> יד ויוסף עוד יפתח וישלח מלאכים אל מלך בני עמון
15 vnumber="15"> css="font-weight:bold"> טו ויאמר לו כה אמר יפתח לא לקח ישראל את ארץ מואב ואת ארץ בני עמון
16 vnumber="16"> css="font-weight:bold"> טז כי בעלותם ממצרים וילך ישראל במדבר עד ים סוף ויבא קדשה
17 vnumber="17"> css="font-weight:bold"> יז וישלח ישראל מלאכים אל מלך אדום לאמר אעברה נא בארצך ולא שמע מלך אדום וגם אל מלך מואב שלח ולא אבה וישב ישראל בקדש
18 vnumber="18"> css="font-weight:bold"> יח וילך במדבר ויסב את ארץ אדום ואת ארץ מואב ויבא ממזרח שמש לארץ מואב ויחנון בעבר ארנון ולא באו בגבול מואב כי ארנון גבול מואב
19 vnumber="19"> css="font-weight:bold"> יט וישלח ישראל מלאכים אל סיחון מלך האמרי מלך חשבון ויאמר לו ישראל נעברה נא בארצך עד מקומי
20 vnumber="20"> css="font-weight:bold"> כ ולא האמין סיחון את ישראל עבר בגבלו ויאסף סיחון את כל עמו ויחנו ביהצה וילחם עם ישראל
21 vnumber="21"> css="font-weight:bold"> כא ויתן יהוה אלהי ישראל את סיחון ואת כל עמו ביד ישראל--ויכום ויירש ישראל את כל ארץ האמרי יושב הארץ ההיא
22 vnumber="22"> css="font-weight:bold"> כב ויירשו את כל גבול האמרי--מארנון ועד היבק ומן המדבר ועד הירדן
23 vnumber="23"> css="font-weight:bold"> כג ועתה יהוה אלהי ישראל הוריש את האמרי מפני עמו ישראל ואתה תירשנו
24 vnumber="24"> css="font-weight:bold"> כד הלא את אשר יורישך כמוש אלהיך--אותו תירש ואת כל אשר הוריש יהוה אלהינו מפנינו--אותו נירש
25 vnumber="25"> css="font-weight:bold"> כה ועתה הטוב טוב אתה מבלק בן צפור מלך מואב הרוב רב עם ישראל אם נלחם נלחם בם
26 vnumber="26"> css="font-weight:bold"> כו בשבת ישראל בחשבון ובבנותיה ובערעור ובבנותיה ובכל הערים אשר על ידי ארנון שלש מאות שנה--ומדוע לא הצלתם בעת ההיא
27 vnumber="27"> css="font-weight:bold"> כז ואנכי לא חטאתי לך ואתה עשה אתי רעה להלחם בי ישפט יהוה השפט היום בין בני ישראל ובין בני עמון
28 vnumber="28"> css="font-weight:bold"> כח ולא שמע מלך בני עמון אל דברי יפתח אשר שלח אליו {פ} art="x-p"/>
29 vnumber="29"> css="font-weight:bold"> כט ותהי על יפתח רוח יהוה ויעבר את הגלעד ואת מנשה ויעבר את מצפה גלעד וממצפה גלעד עבר בני עמון
30 vnumber="30"> css="font-weight:bold"> ל וידר יפתח נדר ליהוה ויאמר אם נתון תתן את בני עמון בידי
31 vnumber="31"> css="font-weight:bold"> לא והיה היוצא אשר יצא מדלתי ביתי לקראתי בשובי בשלום מבני עמון--והיה ליהוה והעליתיהו עלה {פ} art="x-p"/>
32 vnumber="32"> css="font-weight:bold"> לב ויעבר יפתח אל בני עמון להלחם בם ויתנם יהוה בידו
33 vnumber="33"> css="font-weight:bold"> לג ויכם מערוער ועד באך מנית עשרים עיר ועד אבל כרמים מכה גדולה מאד ויכנעו בני עמון מפני בני ישראל {פ} art="x-p"/>
34 vnumber="34"> css="font-weight:bold"> לד ויבא יפתח המצפה אל ביתו והנה בתו יצאת לקראתו בתפים ובמחלות ורק היא יחידה אין לו ממנו בן או בת
35 vnumber="35"> css="font-weight:bold"> לה ויהי כראותו אותה ויקרע את בגדיו ויאמר אהה בתי הכרע הכרעתני ואת היית בעכרי ואנכי פציתי פי אל יהוה ולא אוכל לשוב
36 vnumber="36"> css="font-weight:bold"> לו ותאמר אליו אבי פציתה את פיך אל יהוה--עשה לי כאשר יצא מפיך אחרי אשר עשה לך יהוה נקמות מאיביך--מבני עמון
37 vnumber="37"> css="font-weight:bold"> לז ותאמר אל אביה יעשה לי הדבר הזה הרפה ממני שנים חדשים ואלכה וירדתי על ההרים ואבכה על בתולי אנכי ורעיתי (ורעותי)
38 vnumber="38"> css="font-weight:bold"> לח ויאמר לכי וישלח אותה שני חדשים ותלך היא ורעותיה ותבך על בתוליה על ההרים
39 vnumber="39"> css="font-weight:bold"> לט ויהי מקץ שנים חדשים ותשב אל אביה ויעש לה את נדרו אשר נדר והיא לא ידעה איש ותהי חק בישראל
40 vnumber="40"> css="font-weight:bold"> מ מימים ימימה תלכנה בנות ישראל לתנות לבת יפתח הגלעדי--ארבעת ימים בשנה {פ} art="x-p"/>