1 vnumber="1"> css="font-weight:bold"> א ויהי איש מהר אפרים ושמו מיכיהו
2 vnumber="2"> css="font-weight:bold"> ב ויאמר לאמו אלף ומאה הכסף אשר לקח לך ואתי (ואת) אלית וגם אמרת באזני הנה הכסף אתי אני לקחתיו ותאמר אמו ברוך בני ליהוה
3 vnumber="3"> css="font-weight:bold"> ג וישב את אלף ומאה הכסף לאמו ותאמר אמו הקדש הקדשתי את הכסף ליהוה מידי לבני לעשות פסל ומסכה ועתה אשיבנו לך
4 vnumber="4"> css="font-weight:bold"> ד וישב את הכסף לאמו ותקח אמו מאתים כסף ותתנהו לצורף ויעשהו פסל ומסכה ויהי בבית מיכיהו
5 vnumber="5"> css="font-weight:bold"> ה והאיש מיכה לו בית אלהים ויעש אפוד ותרפים וימלא את יד אחד מבניו ויהי לו לכהן
6 vnumber="6"> css="font-weight:bold"> ו בימים ההם אין מלך בישראל איש הישר בעיניו יעשה {פ} art="x-p"/>
7 vnumber="7"> css="font-weight:bold"> ז ויהי נער מבית לחם יהודה ממשפחת יהודה והוא לוי והוא גר שם
8 vnumber="8"> css="font-weight:bold"> ח וילך האיש מהעיר מבית לחם יהודה לגור באשר ימצא ויבא הר אפרים עד בית מיכה לעשות דרכו
9 vnumber="9"> css="font-weight:bold"> ט ויאמר לו מיכה מאין תבוא ויאמר אליו לוי אנכי מבית לחם יהודה ואנכי הלך לגור באשר אמצא
10 vnumber="10"> css="font-weight:bold"> י ויאמר לו מיכה שבה עמדי והיה לי לאב ולכהן ואנכי אתן לך עשרת כסף לימים וערך בגדים ומחיתך וילך הלוי
11 vnumber="11"> css="font-weight:bold"> יא ויואל הלוי לשבת את האיש ויהי הנער לו כאחד מבניו
12 vnumber="12"> css="font-weight:bold"> יב וימלא מיכה את יד הלוי ויהי לו הנער לכהן ויהי בבית מיכה
13 vnumber="13"> css="font-weight:bold"> יג ויאמר מיכה--עתה ידעתי כי ייטיב יהוה לי כי היה לי הלוי לכהן {פ} art="x-p"/>