1 vnumber="1"> וידבר יהוה אל משה לאמר
2 vnumber="2"> דבר אל כל עדת בני ישראל ואמרת אלהם--קדשים תהיו כי קדוש אני יהוה אלהיכם
3 vnumber="3"> איש אמו ואביו תיראו ואת שבתתי תשמרו אני יהוה אלהיכם
4 vnumber="4"> אל תפנו אל האלילם ואלהי מסכה לא תעשו לכם אני יהוה אלהיכם
5 vnumber="5"> וכי תזבחו זבח שלמים ליהוה--לרצנכם תזבחהו
6 vnumber="6"> ביום זבחכם יאכל וממחרת והנותר עד יום השלישי באש ישרף
7 vnumber="7"> ואם האכל יאכל ביום השלישי--פגול הוא לא ירצה
8 vnumber="8"> ואכליו עונו ישא כי את קדש יהוה חלל ונכרתה הנפש ההוא מעמיה
9 vnumber="9"> ובקצרכם את קציר ארצכם לא תכלה פאת שדך לקצר ולקט קצירך לא תלקט
10 vnumber="10"> וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם
11 vnumber="11"> לא תגנבו ולא תכחשו ולא תשקרו איש בעמיתו
12 vnumber="12"> ולא תשבעו בשמי לשקר וחללת את שם אלהיך אני יהוה
13 vnumber="13"> לא תעשק את רעך ולא תגזל לא תלין פעלת שכיר אתך--עד בקר
14 vnumber="14"> לא תקלל חרש--ולפני עור לא תתן מכשל ויראת מאלהיך אני יהוה
15 vnumber="15"> לא תעשו עול במשפט--לא תשא פני דל ולא תהדר פני גדול בצדק תשפט עמיתך
16 vnumber="16"> לא תלך רכיל בעמיך לא תעמד על דם רעך אני יהוה
17 vnumber="17"> לא תשנא את אחיך בלבבך הוכח תוכיח את עמיתך ולא תשא עליו חטא
18 vnumber="18"> לא תקם ולא תטר את בני עמך ואהבת לרעך כמוך אני יהוה
19 vnumber="19"> את חקתי תשמרו--בהמתך לא תרביע כלאים שדך לא תזרע כלאים ובגד כלאים שעטנז לא יעלה עליך
20 vnumber="20"> ואיש כי ישכב את אשה שכבת זרע והוא שפחה נחרפת לאיש והפדה לא נפדתה או חפשה לא נתן לה--בקרת תהיה לא יומתו כי לא חפשה
21 vnumber="21"> והביא את אשמו ליהוה אל פתח אהל מועד--איל אשם
22 vnumber="22"> וכפר עליו הכהן באיל האשם לפני יהוה על חטאתו אשר חטא ונסלח לו מחטאתו אשר חטא {פ}
art="x-p"/>
23 vnumber="23"> וכי תבאו אל הארץ ונטעתם כל עץ מאכל--וערלתם ערלתו את פריו שלש שנים יהיה לכם ערלים--לא יאכל
24 vnumber="24"> ובשנה הרביעת יהיה כל פריו--קדש הלולים ליהוה
25 vnumber="25"> ובשנה החמישת תאכלו את פריו להוסיף לכם תבואתו אני יהוה אלהיכם
26 vnumber="26"> לא תאכלו על הדם לא תנחשו ולא תעוננו
27 vnumber="27"> לא תקפו פאת ראשכם ולא תשחית את פאת זקנך
28 vnumber="28"> ושרט לנפש לא תתנו בבשרכם וכתבת קעקע לא תתנו בכם אני יהוה
29 vnumber="29"> אל תחלל את בתך להזנותה ולא תזנה הארץ ומלאה הארץ זמה
30 vnumber="30"> את שבתתי תשמרו ומקדשי תיראו אני יהוה
31 vnumber="31"> אל תפנו אל האבת ואל הידענים אל תבקשו לטמאה בהם אני יהוה אלהיכם
32 vnumber="32"> מפני שיבה תקום והדרת פני זקן ויראת מאלהיך אני יהוה {ס}
art="x-p"/>
33 vnumber="33"> וכי יגור אתך גר בארצכם--לא תונו אתו
34 vnumber="34"> כאזרח מכם יהיה לכם הגר הגר אתכם ואהבת לו כמוך--כי גרים הייתם בארץ מצרים אני יהוה אלהיכם
35 vnumber="35"> לא תעשו עול במשפט במדה במשקל ובמשורה
36 vnumber="36"> מאזני צדק אבני צדק איפת צדק והין צדק--יהיה לכם אני יהוה אלהיכם אשר הוצאתי אתכם מארץ מצרים
37 vnumber="37"> ושמרתם את כל חקתי ואת כל משפטי ועשיתם אתם אני יהוה {פ}
art="x-p"/>