1 vnumber="1"> לא תעשו לכם אלילם ופסל ומצבה לא תקימו לכם ואבן משכית לא תתנו בארצכם להשתחות עליה כי אני יהוה אלהיכם
2 vnumber="2"> את שבתתי תשמרו ומקדשי תיראו אני יהוה {פ}
art="x-p"/>
3 vnumber="3"> אם בחקתי תלכו ואת מצותי תשמרו ועשיתם אתם
4 vnumber="4"> ונתתי גשמיכם בעתם ונתנה הארץ יבולה ועץ השדה יתן פריו
5 vnumber="5"> והשיג לכם דיש את בציר ובציר ישיג את זרע ואכלתם לחמכם לשבע וישבתם לבטח בארצכם
6 vnumber="6"> ונתתי שלום בארץ ושכבתם ואין מחריד והשבתי חיה רעה מן הארץ וחרב לא תעבר בארצכם
7 vnumber="7"> ורדפתם את איביכם ונפלו לפניכם לחרב
8 vnumber="8"> ורדפו מכם חמשה מאה ומאה מכם רבבה ירדפו ונפלו איביכם לפניכם לחרב
9 vnumber="9"> ופניתי אליכם--והפריתי אתכם והרביתי אתכם והקימתי את בריתי אתכם
10 vnumber="10"> ואכלתם ישן נושן וישן מפני חדש תוציאו
11 vnumber="11"> ונתתי משכני בתוככם ולא תגעל נפשי אתכם
12 vnumber="12"> והתהלכתי בתוככם והייתי לכם לאלהים ואתם תהיו לי לעם
13 vnumber="13"> אני יהוה אלהיכם אשר הוצאתי אתכם מארץ מצרים מהית להם עבדים ואשבר מטת עלכם ואולך אתכם קוממיות {פ}
art="x-p"/>
14 vnumber="14"> ואם לא תשמעו לי ולא תעשו את כל המצות האלה
15 vnumber="15"> ואם בחקתי תמאסו ואם את משפטי תגעל נפשכם לבלתי עשות את כל מצותי להפרכם את בריתי
16 vnumber="16"> אף אני אעשה זאת לכם והפקדתי עליכם בהלה את השחפת ואת הקדחת מכלות עינים ומדיבת נפש וזרעתם לריק זרעכם ואכלהו איביכם
17 vnumber="17"> ונתתי פני בכם ונגפתם לפני איביכם ורדו בכם שנאיכם ונסתם ואין רדף אתכם
18 vnumber="18"> ואם עד אלה--לא תשמעו לי ויספתי ליסרה אתכם שבע על חטאתיכם
19 vnumber="19"> ושברתי את גאון עזכם ונתתי את שמיכם כברזל ואת ארצכם כנחשה
20 vnumber="20"> ותם לריק כחכם ולא תתן ארצכם את יבולה ועץ הארץ לא יתן פריו
21 vnumber="21"> ואם תלכו עמי קרי ולא תאבו לשמע לי--ויספתי עליכם מכה שבע כחטאתיכם
22 vnumber="22"> והשלחתי בכם את חית השדה ושכלה אתכם והכריתה את בהמתכם והמעיטה אתכם ונשמו דרכיכם
23 vnumber="23"> ואם באלה--לא תוסרו לי והלכתם עמי קרי
24 vnumber="24"> והלכתי אף אני עמכם בקרי והכיתי אתכם גם אני שבע על חטאתיכם
25 vnumber="25"> והבאתי עליכם חרב נקמת נקם ברית ונאספתם אל עריכם ושלחתי דבר בתוככם ונתתם ביד אויב
26 vnumber="26"> בשברי לכם מטה לחם ואפו עשר נשים לחמכם בתנור אחד והשיבו לחמכם במשקל ואכלתם ולא תשבעו {ס}
art="x-p"/>
27 vnumber="27"> ואם בזאת--לא תשמעו לי והלכתם עמי בקרי
28 vnumber="28"> והלכתי עמכם בחמת קרי ויסרתי אתכם אף אני שבע על חטאתיכם
29 vnumber="29"> ואכלתם בשר בניכם ובשר בנתיכם תאכלו
30 vnumber="30"> והשמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשי אתכם
31 vnumber="31"> ונתתי את עריכם חרבה והשמותי את מקדשיכם ולא אריח בריח ניחחכם
32 vnumber="32"> והשמתי אני את הארץ ושממו עליה איביכם הישבים בה
33 vnumber="33"> ואתכם אזרה בגוים והריקתי אחריכם חרב והיתה ארצכם שממה ועריכם יהיו חרבה
34 vnumber="34"> אז תרצה הארץ את שבתתיה כל ימי השמה ואתם בארץ איביכם אז תשבת הארץ והרצת את שבתתיה
35 vnumber="35"> כל ימי השמה תשבת את אשר לא שבתה בשבתתיכם בשבתכם עליה
36 vnumber="36"> והנשארים בכם--והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף
37 vnumber="37"> וכשלו איש באחיו כמפני חרב ורדף אין ולא תהיה לכם תקומה לפני איביכם
38 vnumber="38"> ואבדתם בגוים ואכלה אתכם ארץ איביכם
39 vnumber="39"> והנשארים בכם ימקו בעונם בארצת איביכם ואף בעונת אבתם אתם ימקו
40 vnumber="40"> והתודו את עונם ואת עון אבתם במעלם אשר מעלו בי ואף אשר הלכו עמי בקרי
41 vnumber="41"> אף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם
42 vnumber="42"> וזכרתי את בריתי יעקוב ואף את בריתי יצחק ואף את בריתי אברהם אזכר--והארץ אזכר
43 vnumber="43"> והארץ תעזב מהם ותרץ את שבתתיה בהשמה מהם והם ירצו את עונם יען וביען--במשפטי מאסו ואת חקתי געלה נפשם
44 vnumber="44"> ואף גם זאת בהיותם בארץ איביהם לא מאסתים ולא געלתים לכלתם--להפר בריתי אתם כי אני יהוה אלהיהם
45 vnumber="45"> וזכרתי להם ברית ראשנים אשר הוצאתי אתם מארץ מצרים לעיני הגוים להיות להם לאלהים--אני יהוה
46 vnumber="46"> אלה החקים והמשפטים והתורת אשר נתן יהוה בינו ובין בני ישראל--בהר סיני ביד משה {פ}
art="x-p"/>