1 vnumber="1"> ואם זבח שלמים קרבנו--אם מן הבקר הוא מקריב אם זכר אם נקבה תמים יקריבנו לפני יהוה
2 vnumber="2"> וסמך ידו על ראש קרבנו ושחטו פתח אהל מועד וזרקו בני אהרן הכהנים את הדם על המזבח--סביב
3 vnumber="3"> והקריב מזבח השלמים אשה ליהוה--את החלב המכסה את הקרב ואת כל החלב אשר על הקרב
4 vnumber="4"> ואת שתי הכלית ואת החלב אשר עלהן אשר על הכסלים ואת היתרת על הכבד על הכליות יסירנה
5 vnumber="5"> והקטירו אתו בני אהרן המזבחה על העלה אשר על העצים אשר על האש--אשה ריח ניחח ליהוה {פ}
art="x-p"/>
6 vnumber="6"> ואם מן הצאן קרבנו לזבח שלמים ליהוה--זכר או נקבה תמים יקריבנו
7 vnumber="7"> אם כשב הוא מקריב את קרבנו--והקריב אתו לפני יהוה
8 vnumber="8"> וסמך את ידו על ראש קרבנו ושחט אתו לפני אהל מועד וזרקו בני אהרן את דמו על המזבח--סביב
9 vnumber="9"> והקריב מזבח השלמים אשה ליהוה--חלבו האליה תמימה לעמת העצה יסירנה ואת החלב המכסה את הקרב ואת כל החלב אשר על הקרב
10 vnumber="10"> ואת שתי הכלית ואת החלב אשר עלהן אשר על הכסלים ואת היתרת על הכבד על הכלית יסירנה
11 vnumber="11"> והקטירו הכהן המזבחה--לחם אשה ליהוה {פ}
art="x-p"/>
12 vnumber="12"> ואם עז קרבנו--והקריבו לפני יהוה
13 vnumber="13"> וסמך את ידו על ראשו ושחט אתו לפני אהל מועד וזרקו בני אהרן את דמו על המזבח--סביב
14 vnumber="14"> והקריב ממנו קרבנו אשה ליהוה--את החלב המכסה את הקרב ואת כל החלב אשר על הקרב
15 vnumber="15"> ואת שתי הכלית ואת החלב אשר עלהן אשר על הכסלים ואת היתרת על הכבד על הכלית יסירנה
16 vnumber="16"> והקטירם הכהן המזבחה--לחם אשה לריח ניחח כל חלב ליהוה
17 vnumber="17"> חקת עולם לדרתיכם בכל מושבתיכם--כל חלב וכל דם לא תאכלו {פ}
art="x-p"/>