1 vnumber="1"> css="font-weight:bold"> א וזאת תורת האשם קדש קדשים הוא
2 vnumber="2"> css="font-weight:bold"> ב במקום אשר ישחטו את העלה ישחטו את האשם ואת דמו יזרק על המזבח סביב
3 vnumber="3"> css="font-weight:bold"> ג ואת כל חלבו יקריב ממנו--את האליה ואת החלב המכסה את הקרב
4 vnumber="4"> css="font-weight:bold"> ד ואת שתי הכלית ואת החלב אשר עליהן אשר על הכסלים ואת היתרת על הכבד על הכלית יסירנה
5 vnumber="5"> css="font-weight:bold"> ה והקטיר אתם הכהן המזבחה אשה ליהוה אשם הוא
6 vnumber="6"> css="font-weight:bold"> ו כל זכר בכהנים יאכלנו במקום קדוש יאכל קדש קדשים הוא
7 vnumber="7"> css="font-weight:bold"> ז כחטאת כאשם--תורה אחת להם הכהן אשר יכפר בו לו יהיה
8 vnumber="8"> css="font-weight:bold"> ח והכהן--המקריב את עלת איש עור העלה אשר הקריב לכהן לו יהיה
9 vnumber="9"> css="font-weight:bold"> ט וכל מנחה אשר תאפה בתנור וכל נעשה במרחשת ועל מחבת--לכהן המקריב אתה לו תהיה
10 vnumber="10"> css="font-weight:bold"> י וכל מנחה בלולה בשמן וחרבה--לכל בני אהרן תהיה איש כאחיו {פ} art="x-p"/>
11 vnumber="11"> css="font-weight:bold"> יא וזאת תורת זבח השלמים אשר יקריב ליהוה
12 vnumber="12"> css="font-weight:bold"> יב אם על תודה יקריבנו--והקריב על זבח התודה חלות מצות בלולת בשמן ורקיקי מצות משחים בשמן וסלת מרבכת חלת בלולת בשמן
13 vnumber="13"> css="font-weight:bold"> יג על חלת לחם חמץ יקריב קרבנו על זבח תודת שלמיו
14 vnumber="14"> css="font-weight:bold"> יד והקריב ממנו אחד מכל קרבן תרומה ליהוה לכהן הזרק את דם השלמים--לו יהיה
15 vnumber="15"> css="font-weight:bold"> טו ובשר זבח תודת שלמיו--ביום קרבנו יאכל לא יניח ממנו עד בקר
16 vnumber="16"> css="font-weight:bold"> טז ואם נדר או נדבה זבח קרבנו--ביום הקריבו את זבחו יאכל וממחרת והנותר ממנו יאכל
17 vnumber="17"> css="font-weight:bold"> יז והנותר מבשר הזבח--ביום השלישי באש ישרף
18 vnumber="18"> css="font-weight:bold"> יח ואם האכל יאכל מבשר זבח שלמיו ביום השלישי לא ירצה--המקריב אתו לא יחשב לו פגול יהיה והנפש האכלת ממנו עונה תשא
19 vnumber="19"> css="font-weight:bold"> יט והבשר אשר יגע בכל טמא לא יאכל--באש ישרף והבשר--כל טהור יאכל בשר
20 vnumber="20"> css="font-weight:bold"> כ והנפש אשר תאכל בשר מזבח השלמים אשר ליהוה וטמאתו עליו--ונכרתה הנפש ההוא מעמיה
21 vnumber="21"> css="font-weight:bold"> כא ונפש כי תגע בכל טמא בטמאת אדם או בבהמה טמאה או בכל שקץ טמא ואכל מבשר זבח השלמים אשר ליהוה--ונכרתה הנפש ההוא מעמיה {פ} art="x-p"/>
22 vnumber="22"> css="font-weight:bold"> כב וידבר יהוה אל משה לאמר
23 vnumber="23"> css="font-weight:bold"> כג דבר אל בני ישראל לאמר כל חלב שור וכשב ועז--לא תאכלו
24 vnumber="24"> css="font-weight:bold"> כד וחלב נבלה וחלב טרפה יעשה לכל מלאכה ואכל לא תאכלהו
25 vnumber="25"> css="font-weight:bold"> כה כי כל אכל חלב מן הבהמה אשר יקריב ממנה אשה ליהוה--ונכרתה הנפש האכלת מעמיה
26 vnumber="26"> css="font-weight:bold"> כו וכל דם לא תאכלו בכל מושבתיכם לעוף ולבהמה
27 vnumber="27"> css="font-weight:bold"> כז כל נפש אשר תאכל כל דם--ונכרתה הנפש ההוא מעמיה
28 vnumber="28"> css="font-weight:bold"> כח וידבר יהוה אל משה לאמר
29 vnumber="29"> css="font-weight:bold"> כט דבר אל בני ישראל לאמר המקריב את זבח שלמיו ליהוה--יביא את קרבנו ליהוה מזבח שלמיו
30 vnumber="30"> css="font-weight:bold"> ל ידיו תביאינה את אשי יהוה את החלב על החזה יביאנו--את החזה להניף אתו תנופה לפני יהוה
31 vnumber="31"> css="font-weight:bold"> לא והקטיר הכהן את החלב המזבחה והיה החזה לאהרן ולבניו
32 vnumber="32"> css="font-weight:bold"> לב ואת שוק הימין תתנו תרומה לכהן מזבחי שלמיכם
33 vnumber="33"> css="font-weight:bold"> לג המקריב את דם השלמים ואת החלב--מבני אהרן לו תהיה שוק הימין למנה
34 vnumber="34"> css="font-weight:bold"> לד כי את חזה התנופה ואת שוק התרומה לקחתי מאת בני ישראל מזבחי שלמיהם ואתן אתם לאהרן הכהן ולבניו לחק עולם מאת בני ישראל
35 vnumber="35"> css="font-weight:bold"> לה זאת משחת אהרן ומשחת בניו מאשי יהוה ביום הקריב אתם לכהן ליהוה
36 vnumber="36"> css="font-weight:bold"> לו אשר צוה יהוה לתת להם ביום משחו אתם מאת בני ישראל--חקת עולם לדרתם
37 vnumber="37"> css="font-weight:bold"> לז זאת התורה לעלה למנחה ולחטאת ולאשם ולמלואים--ולזבח השלמים
38 vnumber="38"> css="font-weight:bold"> לח אשר צוה יהוה את משה בהר סיני ביום צותו את בני ישראל להקריב את קרבניהם ליהוה--במדבר סיני {פ} art="x-p"/>