1 vnumber="1"> דבר יהוה אשר היה אל מיכה המרשתי בימי יותם אחז יחזקיה מלכי יהודה--אשר חזה על שמרון וירושלם
2 vnumber="2"> שמעו עמים כלם הקשיבי ארץ ומלאה ויהי אדני יהוה בכם לעד אדני מהיכל קדשו
3 vnumber="3"> כי הנה יהוה יצא ממקומו וירד ודרך על במותי (במתי) ארץ
4 vnumber="4"> ונמסו ההרים תחתיו והעמקים יתבקעו כדונג מפני האש כמים מגרים במורד
5 vnumber="5"> בפשע יעקב כל זאת ובחטאות בית ישראל מי פשע יעקב הלוא שמרון ומי במות יהודה הלוא ירושלם
6 vnumber="6"> ושמתי שמרון לעי השדה למטעי כרם והגרתי לגי אבניה ויסדיה אגלה
7 vnumber="7"> וכל פסיליה יכתו וכל אתנניה ישרפו באש וכל עצביה אשים שממה כי מאתנן זונה קבצה ועד אתנן זונה ישובו
8 vnumber="8"> על זאת אספדה ואילילה אילכה שילל (שולל) וערום אעשה מספד כתנים ואבל כבנות יענה
9 vnumber="9"> כי אנושה מכותיה כי באה עד יהודה--נגע עד שער עמי עד ירושלם
10 vnumber="10"> בגת אל תגידו--בכו אל תבכו בבית לעפרה עפר התפלשתי (התפלשי)
11 vnumber="11"> עברי לכם יושבת שפיר עריה בשת לא יצאה יושבת צאנן--מספד בית האצל יקח מכם עמדתו
12 vnumber="12"> כי חלה לטוב יושבת מרות כי ירד רע מאת יהוה לשער ירושלם
13 vnumber="13"> רתם המרכבה לרכש יושבת לכיש ראשית חטאת היא לבת ציון כי בך נמצאו פשעי ישראל
14 vnumber="14"> לכן תתני שלוחים על מורשת גת בתי אכזיב לאכזב למלכי ישראל
15 vnumber="15"> עד הירש אבי לך יושבת מרשה עד עדלם יבוא כבוד ישראל
16 vnumber="16"> קרחי וגזי על בני תענוגיך הרחבי קרחתך כנשר כי גלו ממך {ס}
art="x-p"/>