1 vnumber="1"> css="font-weight:bold"> א ויהי בחדש ניסן שנת עשרים לארתחשסתא המלך--יין לפניו ואשא את היין ואתנה למלך ולא הייתי רע לפניו
2 vnumber="2"> css="font-weight:bold"> ב ויאמר לי המלך מדוע פניך רעים ואתה אינך חולה--אין זה כי אם רע לב ואירא הרבה מאד
3 vnumber="3"> css="font-weight:bold"> ג ואמר למלך המלך לעולם יחיה מדוע לא ירעו פני אשר העיר בית קברות אבתי חרבה ושעריה אכלו באש {ס} art="x-p"/>
4 vnumber="4"> css="font-weight:bold"> ד ויאמר לי המלך על מה זה אתה מבקש ואתפלל אל אלהי השמים
5 vnumber="5"> css="font-weight:bold"> ה ואמר למלך--אם על המלך טוב ואם ייטב עבדך לפניך אשר תשלחני אל יהודה אל עיר קברות אבתי--ואבננה
6 vnumber="6"> css="font-weight:bold"> ו ויאמר לי המלך והשגל יושבת אצלו עד מתי יהיה מהלכך--ומתי תשוב וייטב לפני המלך וישלחני ואתנה לו זמן
7 vnumber="7"> css="font-weight:bold"> ז ואומר למלך--אם על המלך טוב אגרות יתנו לי על פחוות עבר הנהר אשר יעבירוני עד אשר אבוא אל יהודה
8 vnumber="8"> css="font-weight:bold"> ח ואגרת אל אסף שמר הפרדס אשר למלך אשר יתן לי עצים לקרות את שערי הבירה אשר לבית ולחומת העיר ולבית אשר אבוא אליו ויתן לי המלך כיד אלהי הטובה עלי
9 vnumber="9"> css="font-weight:bold"> ט ואבוא אל פחוות עבר הנהר ואתנה להם את אגרות המלך וישלח עמי המלך שרי חיל ופרשים {פ} art="x-p"/>
10 vnumber="10"> css="font-weight:bold"> י וישמע סנבלט החרני וטוביה העבד העמני וירע להם רעה גדלה אשר בא אדם לבקש טובה לבני ישראל
11 vnumber="11"> css="font-weight:bold"> יא ואבוא אל ירושלם ואהי שם ימים שלשה
12 vnumber="12"> css="font-weight:bold"> יב ואקום לילה אני ואנשים מעט עמי ולא הגדתי לאדם מה אלהי נתן אל לבי לעשות לירושלם ובהמה אין עמי כי אם הבהמה אשר אני רכב בה
13 vnumber="13"> css="font-weight:bold"> יג ואצאה בשער הגיא לילה ואל פני עין התנין ואל שער האשפת ואהי שבר בחומת ירושלם אשר המפרוצים (הם פרוצים) ושעריה אכלו באש
14 vnumber="14"> css="font-weight:bold"> יד ואעבר אל שער העין ואל ברכת המלך ואין מקום לבהמה לעבר תחתי
15 vnumber="15"> css="font-weight:bold"> טו ואהי עלה בנחל לילה ואהי שבר בחומה ואשוב ואבוא בשער הגיא--ואשוב
16 vnumber="16"> css="font-weight:bold"> טז והסגנים לא ידעו אנה הלכתי ומה אני עשה וליהודים ולכהנים ולחרים ולסגנים וליתר עשה המלאכה--עד כן לא הגדתי
17 vnumber="17"> css="font-weight:bold"> יז ואומר אלהם אתם ראים הרעה אשר אנחנו בה אשר ירושלם חרבה ושעריה נצתו באש לכו ונבנה את חומת ירושלם ולא נהיה עוד חרפה
18 vnumber="18"> css="font-weight:bold"> יח ואגיד להם את יד אלהי אשר היא טובה עלי ואף דברי המלך אשר אמר לי ויאמרו נקום ובנינו ויחזקו ידיהם לטובה {פ} art="x-p"/>
19 vnumber="19"> css="font-weight:bold"> יט וישמע סנבלט החרני וטביה העבד העמוני וגשם הערבי וילעגו לנו ויבזו עלינו ויאמרו מה הדבר הזה אשר אתם עשים--העל המלך אתם מרדים
20 vnumber="20"> css="font-weight:bold"> כ ואשיב אותם דבר ואומר להם אלהי השמים הוא יצליח לנו ואנחנו עבדיו נקום ובנינו ולכם אין חלק וצדקה וזכרון--בירושלם art="x-p"/>