1 vnumber="1"> css="font-weight:bold"> א וידבר יהוה אל משה לאמר
2 vnumber="2"> css="font-weight:bold"> ב עשה לך שתי חצוצרת כסף--מקשה תעשה אתם והיו לך למקרא העדה ולמסע את המחנות
3 vnumber="3"> css="font-weight:bold"> ג ותקעו בהן--ונועדו אליך כל העדה אל פתח אהל מועד
4 vnumber="4"> css="font-weight:bold"> ד ואם באחת יתקעו--ונועדו אליך הנשיאים ראשי אלפי ישראל
5 vnumber="5"> css="font-weight:bold"> ה ותקעתם תרועה--ונסעו המחנות החנים קדמה
6 vnumber="6"> css="font-weight:bold"> ו ותקעתם תרועה שנית--ונסעו המחנות החנים תימנה תרועה יתקעו למסעיהם
7 vnumber="7"> css="font-weight:bold"> ז ובהקהיל את הקהל--תתקעו ולא תריעו
8 vnumber="8"> css="font-weight:bold"> ח ובני אהרן הכהנים יתקעו בחצצרות והיו לכם לחקת עולם לדרתיכם
9 vnumber="9"> css="font-weight:bold"> ט וכי תבאו מלחמה בארצכם על הצר הצרר אתכם--והרעתם בחצצרת ונזכרתם לפני יהוה אלהיכם ונושעתם מאיביכם
10 vnumber="10"> css="font-weight:bold"> י וביום שמחתכם ובמועדיכם ובראשי חדשיכם--ותקעתם בחצצרת על עלתיכם ועל זבחי שלמיכם והיו לכם לזכרון לפני אלהיכם אני יהוה אלהיכם {פ} art="x-p"/>
11 vnumber="11"> css="font-weight:bold"> יא ויהי בשנה השנית בחדש השני--בעשרים בחדש נעלה הענן מעל משכן העדת
12 vnumber="12"> css="font-weight:bold"> יב ויסעו בני ישראל למסעיהם ממדבר סיני וישכן הענן במדבר פארן
13 vnumber="13"> css="font-weight:bold"> יג ויסעו בראשנה על פי יהוה ביד משה
14 vnumber="14"> css="font-weight:bold"> יד ויסע דגל מחנה בני יהודה בראשנה--לצבאתם ועל צבאו--נחשון בן עמינדב
15 vnumber="15"> css="font-weight:bold"> טו ועל צבא--מטה בני יששכר נתנאל בן צוער
16 vnumber="16"> css="font-weight:bold"> טז ועל צבא--מטה בני זבולן אליאב בן חלן
17 vnumber="17"> css="font-weight:bold"> יז והורד המשכן ונסעו בני גרשון ובני מררי נשאי המשכן
18 vnumber="18"> css="font-weight:bold"> יח ונסע דגל מחנה ראובן--לצבאתם ועל צבאו--אליצור בן שדיאור
19 vnumber="19"> css="font-weight:bold"> יט ועל צבא--מטה בני שמעון שלמיאל בן צורישדי
20 vnumber="20"> css="font-weight:bold"> כ ועל צבא מטה בני גד אליסף בן דעואל
21 vnumber="21"> css="font-weight:bold"> כא ונסעו הקהתים נשאי המקדש והקימו את המשכן עד באם
22 vnumber="22"> css="font-weight:bold"> כב ונסע דגל מחנה בני אפרים--לצבאתם ועל צבאו--אלישמע בן עמיהוד
23 vnumber="23"> css="font-weight:bold"> כג ועל צבא--מטה בני מנשה גמליאל בן פדהצור
24 vnumber="24"> css="font-weight:bold"> כד ועל צבא--מטה בני בנימן אבידן בן גדעוני
25 vnumber="25"> css="font-weight:bold"> כה ונסע דגל מחנה בני דן--מאסף לכל המחנת לצבאתם ועל צבאו--אחיעזר בן עמישדי
26 vnumber="26"> css="font-weight:bold"> כו ועל צבא--מטה בני אשר פגעיאל בן עכרן
27 vnumber="27"> css="font-weight:bold"> כז ועל צבא--מטה בני נפתלי אחירע בן עינן
28 vnumber="28"> css="font-weight:bold"> כח אלה מסעי בני ישראל לצבאתם ויסעו {ס} art="x-p"/>
29 vnumber="29"> css="font-weight:bold"> כט ויאמר משה לחבב בן רעואל המדיני חתן משה נסעים אנחנו אל המקום אשר אמר יהוה אתו אתן לכם לכה אתנו והטבנו לך כי יהוה דבר טוב על ישראל
30 vnumber="30"> css="font-weight:bold"> ל ויאמר אליו לא אלך כי אם אל ארצי ואל מולדתי אלך
31 vnumber="31"> css="font-weight:bold"> לא ויאמר אל נא תעזב אתנו כי על כן ידעת חנתנו במדבר והיית לנו לעינים
32 vnumber="32"> css="font-weight:bold"> לב והיה כי תלך עמנו והיה הטוב ההוא אשר ייטיב יהוה עמנו--והטבנו לך
33 vnumber="33"> css="font-weight:bold"> לג ויסעו מהר יהוה דרך שלשת ימים וארון ברית יהוה נסע לפניהם דרך שלשת ימים לתור להם מנוחה
34 vnumber="34"> css="font-weight:bold"> לד וענן יהוה עליהם יומם בנסעם מן המחנה {ס} {ס} art="x-p"/>
35 vnumber="35"> css="font-weight:bold"> לה ויהי בנסע הארן ויאמר משה קומה יהוה ויפצו איביך וינסו משנאיך מפניך
36 vnumber="36"> css="font-weight:bold"> לו ובנחה יאמר שובה יהוה רבבות אלפי ישראל {ס} {פ} art="x-p"/>