1 vnumber="1"> css="font-weight:bold"> א וידבר יהוה אל משה לאמר
2 vnumber="2"> css="font-weight:bold"> ב נקם נקמת בני ישראל מאת המדינים אחר תאסף אל עמיך
3 vnumber="3"> css="font-weight:bold"> ג וידבר משה אל העם לאמר החלצו מאתכם אנשים לצבא ויהיו על מדין לתת נקמת יהוה במדין
4 vnumber="4"> css="font-weight:bold"> ד אלף למטה אלף למטה--לכל מטות ישראל תשלחו לצבא
5 vnumber="5"> css="font-weight:bold"> ה וימסרו מאלפי ישראל אלף למטה--שנים עשר אלף חלוצי צבא
6 vnumber="6"> css="font-weight:bold"> ו וישלח אתם משה אלף למטה לצבא אתם ואת פינחס בן אלעזר הכהן לצבא וכלי הקדש וחצצרות התרועה בידו
7 vnumber="7"> css="font-weight:bold"> ז ויצבאו על מדין כאשר צוה יהוה את משה ויהרגו כל זכר
8 vnumber="8"> css="font-weight:bold"> ח ואת מלכי מדין הרגו על חלליהם את אוי ואת רקם ואת צור ואת חור ואת רבע--חמשת מלכי מדין ואת בלעם בן בעור הרגו בחרב
9 vnumber="9"> css="font-weight:bold"> ט וישבו בני ישראל את נשי מדין ואת טפם ואת כל בהמתם ואת כל מקנהם ואת כל חילם בזזו
10 vnumber="10"> css="font-weight:bold"> י ואת כל עריהם במושבתם ואת כל טירתם--שרפו באש
11 vnumber="11"> css="font-weight:bold"> יא ויקחו את כל השלל ואת כל המלקוח--באדם ובבהמה
12 vnumber="12"> css="font-weight:bold"> יב ויבאו אל משה ואל אלעזר הכהן ואל עדת בני ישראל את השבי ואת המלקוח ואת השלל--אל המחנה אל ערבת מואב אשר על ירדן ירחו {ס} art="x-p"/>
13 vnumber="13"> css="font-weight:bold"> יג ויצאו משה ואלעזר הכהן וכל נשיאי העדה--לקראתם אל מחוץ למחנה
14 vnumber="14"> css="font-weight:bold"> יד ויקצף משה על פקודי החיל שרי האלפים ושרי המאות הבאים מצבא המלחמה
15 vnumber="15"> css="font-weight:bold"> טו ויאמר אליהם משה החייתם כל נקבה
16 vnumber="16"> css="font-weight:bold"> טז הן הנה היו לבני ישראל בדבר בלעם למסר מעל ביהוה על דבר פעור ותהי המגפה בעדת יהוה
17 vnumber="17"> css="font-weight:bold"> יז ועתה הרגו כל זכר בטף וכל אשה ידעת איש למשכב זכר--הרגו
18 vnumber="18"> css="font-weight:bold"> יח וכל הטף בנשים אשר לא ידעו משכב זכר--החיו לכם
19 vnumber="19"> css="font-weight:bold"> יט ואתם חנו מחוץ למחנה--שבעת ימים כל הרג נפש וכל נגע בחלל תתחטאו ביום השלישי וביום השביעי--אתם ושביכם
20 vnumber="20"> css="font-weight:bold"> כ וכל בגד וכל כלי עור וכל מעשה עזים וכל כלי עץ--תתחטאו {ס} art="x-p"/>
21 vnumber="21"> css="font-weight:bold"> כא ויאמר אלעזר הכהן אל אנשי הצבא הבאים למלחמה זאת חקת התורה אשר צוה יהוה את משה
22 vnumber="22"> css="font-weight:bold"> כב אך את הזהב ואת הכסף את הנחשת את הברזל את הבדיל ואת העפרת
23 vnumber="23"> css="font-weight:bold"> כג כל דבר אשר יבא באש תעבירו באש וטהר--אך במי נדה יתחטא וכל אשר לא יבא באש תעבירו במים
24 vnumber="24"> css="font-weight:bold"> כד וכבסתם בגדיכם ביום השביעי וטהרתם ואחר תבאו אל המחנה {ס} art="x-p"/>
25 vnumber="25"> css="font-weight:bold"> כה ויאמר יהוה אל משה לאמר
26 vnumber="26"> css="font-weight:bold"> כו שא את ראש מלקוח השבי באדם ובבהמה--אתה ואלעזר הכהן וראשי אבות העדה
27 vnumber="27"> css="font-weight:bold"> כז וחצית את המלקוח בין תפשי המלחמה היצאים לצבא--ובין כל העדה
28 vnumber="28"> css="font-weight:bold"> כח והרמת מכס ליהוה מאת אנשי המלחמה היצאים לצבא--אחד נפש מחמש המאות מן האדם ומן הבקר ומן החמרים ומן הצאן
29 vnumber="29"> css="font-weight:bold"> כט ממחציתם תקחו ונתתה לאלעזר הכהן תרומת יהוה
30 vnumber="30"> css="font-weight:bold"> ל וממחצת בני ישראל תקח אחד אחז מן החמשים מן האדם מן הבקר מן החמרים ומן הצאן--מכל הבהמה ונתתה אתם ללוים שמרי משמרת משכן יהוה
31 vnumber="31"> css="font-weight:bold"> לא ויעש משה ואלעזר הכהן כאשר צוה יהוה את משה
32 vnumber="32"> css="font-weight:bold"> לב ויהי המלקוח--יתר הבז אשר בזזו עם הצבא צאן שש מאות אלף ושבעים אלף--וחמשת אלפים
33 vnumber="33"> css="font-weight:bold"> לג ובקר שנים ושבעים אלף
34 vnumber="34"> css="font-weight:bold"> לד וחמרים אחד וששים אלף
35 vnumber="35"> css="font-weight:bold"> לה ונפש אדם--מן הנשים אשר לא ידעו משכב זכר כל נפש שנים ושלשים אלף
36 vnumber="36"> css="font-weight:bold"> לו ותהי המחצה--חלק היצאים בצבא מספר הצאן שלש מאות אלף ושלשים אלף ושבעת אלפים וחמש מאות
37 vnumber="37"> css="font-weight:bold"> לז ויהי המכס ליהוה מן הצאן--שש מאות חמש ושבעים
38 vnumber="38"> css="font-weight:bold"> לח והבקר--ששה ושלשים אלף ומכסם ליהוה שנים ושבעים
39 vnumber="39"> css="font-weight:bold"> לט וחמרים שלשים אלף וחמש מאות ומכסם ליהוה אחד וששים
40 vnumber="40"> css="font-weight:bold"> מ ונפש אדם ששה עשר אלף ומכסם ליהוה--שנים ושלשים נפש
41 vnumber="41"> css="font-weight:bold"> מא ויתן משה את מכס תרומת יהוה לאלעזר הכהן--כאשר צוה יהוה את משה
42 vnumber="42"> css="font-weight:bold"> מב וממחצית בני ישראל אשר חצה משה מן האנשים הצבאים
43 vnumber="43"> css="font-weight:bold"> מג ותהי מחצת העדה מן הצאן--שלש מאות אלף ושלשים אלף שבעת אלפים וחמש מאות
44 vnumber="44"> css="font-weight:bold"> מד ובקר ששה ושלשים אלף
45 vnumber="45"> css="font-weight:bold"> מה וחמרים שלשים אלף וחמש מאות
46 vnumber="46"> css="font-weight:bold"> מו ונפש אדם ששה עשר אלף
47 vnumber="47"> css="font-weight:bold"> מז ויקח משה ממחצת בני ישראל את האחז אחד מן החמשים--מן האדם ומן הבהמה ויתן אתם ללוים שמרי משמרת משכן יהוה כאשר צוה יהוה את משה
48 vnumber="48"> css="font-weight:bold"> מח ויקרבו אל משה הפקדים אשר לאלפי הצבא--שרי האלפים ושרי המאות
49 vnumber="49"> css="font-weight:bold"> מט ויאמרו אל משה עבדיך נשאו את ראש אנשי המלחמה אשר בידנו ולא נפקד ממנו איש
50 vnumber="50"> css="font-weight:bold"> נ ונקרב את קרבן יהוה איש אשר מצא כלי זהב אצעדה וצמיד טבעת עגיל וכומז--לכפר על נפשתינו לפני יהוה
51 vnumber="51"> css="font-weight:bold"> נא ויקח משה ואלעזר הכהן את הזהב--מאתם כל כלי מעשה
52 vnumber="52"> css="font-weight:bold"> נב ויהי כל זהב התרומה אשר הרימו ליהוה--ששה עשר אלף שבע מאות וחמשים שקל מאת שרי האלפים ומאת שרי המאות
53 vnumber="53"> css="font-weight:bold"> נג אנשי הצבא בזזו איש לו
54 vnumber="54"> css="font-weight:bold"> נד ויקח משה ואלעזר הכהן את הזהב מאת שרי האלפים והמאות ויבאו אתו אל אהל מועד זכרון לבני ישראל לפני יהוה {פ} art="x-p"/>