1 vnumber="1"> וידבר יהוה אל משה לאמר
2 vnumber="2"> צו את בני ישראל ואמרת אלהם כי אתם באים אל הארץ כנען זאת הארץ אשר תפל לכם בנחלה ארץ כנען לגבלתיה
3 vnumber="3"> והיה לכם פאת נגב ממדבר צן על ידי אדום והיה לכם גבול נגב מקצה ים המלח קדמה
4 vnumber="4"> ונסב לכם הגבול מנגב למעלה עקרבים ועבר צנה והיה (והיו) תוצאתיו מנגב לקדש ברנע ויצא חצר אדר ועבר עצמנה
5 vnumber="5"> ונסב הגבול מעצמון נחלה מצרים והיו תוצאתיו הימה
6 vnumber="6"> וגבול ים והיה לכם הים הגדול וגבול זה יהיה לכם גבול ים
7 vnumber="7"> וזה יהיה לכם גבול צפון מן הים הגדל תתאו לכם הר ההר
8 vnumber="8"> מהר ההר תתאו לבא חמת והיו תוצאת הגבל צדדה
9 vnumber="9"> ויצא הגבל זפרנה והיו תוצאתיו חצר עינן זה יהיה לכם גבול צפון
10 vnumber="10"> והתאויתם לכם לגבול קדמה מחצר עינן שפמה
11 vnumber="11"> וירד הגבל משפם הרבלה מקדם לעין וירד הגבל ומחה על כתף ים כנרת קדמה
12 vnumber="12"> וירד הגבול הירדנה והיו תוצאתיו ים המלח זאת תהיה לכם הארץ לגבלתיה סביב
13 vnumber="13"> ויצו משה את בני ישראל לאמר זאת הארץ אשר תתנחלו אתה בגורל אשר צוה יהוה לתת לתשעת המטות וחצי המטה
14 vnumber="14"> כי לקחו מטה בני הראובני לבית אבתם ומטה בני הגדי לבית אבתם וחצי מטה מנשה לקחו נחלתם
15 vnumber="15"> שני המטות וחצי המטה לקחו נחלתם מעבר לירדן ירחו--קדמה מזרחה {פ}
art="x-p"/>
16 vnumber="16"> וידבר יהוה אל משה לאמר
17 vnumber="17"> אלה שמות האנשים אשר ינחלו לכם את הארץ אלעזר הכהן ויהושע בן נון
18 vnumber="18"> ונשיא אחד נשיא אחד ממטה--תקחו לנחל את הארץ
19 vnumber="19"> ואלה שמות האנשים למטה יהודה כלב בן יפנה
20 vnumber="20"> ולמטה בני שמעון שמואל בן עמיהוד
21 vnumber="21"> למטה בנימן אלידד בן כסלון
22 vnumber="22"> ולמטה בני דן נשיא--בקי בן יגלי
23 vnumber="23"> לבני יוסף למטה בני מנשה נשיא--חניאל בן אפד
24 vnumber="24"> ולמטה בני אפרים נשיא--קמואל בן שפטן
25 vnumber="25"> ולמטה בני זבולן נשיא--אליצפן בן פרנך
26 vnumber="26"> ולמטה בני יששכר נשיא--פלטיאל בן עזן
27 vnumber="27"> ולמטה בני אשר נשיא--אחיהוד בן שלמי
28 vnumber="28"> ולמטה בני נפתלי נשיא--פדהאל בן עמיהוד
29 vnumber="29"> אלה אשר צוה יהוה לנחל את בני ישראל בארץ כנען {פ}
art="x-p"/>