1 vnumber="1"> לץ היין המה שכר וכל-שגה בו לא יחכם br
2 vnumber="2"> נהם ככפיר אימת מלך מתעברו חוטא נפשו br
3 vnumber="3"> כבוד לאיש שבת מריב וכל-אויל יתגלע br
4 vnumber="4"> מחרף עצל לא-יחרש ישאל (ושאל) בקציר ואין br
5 vnumber="5"> מים עמקים עצה בלב-איש ואיש תבונה ידלנה br
6 vnumber="6"> רב-אדם--יקרא איש חסדו ואיש אמונים מי ימצא br
7 vnumber="7"> מתהלך בתמו צדיק אשרי בניו אחריו br
8 vnumber="8"> מלך יושב על-כסא-דין-- מזרה בעיניו כל-רע br
9 vnumber="9"> מי-יאמר זכיתי לבי טהרתי מחטאתי br
10 vnumber="10"> אבן ואבן איפה ואיפה-- תועבת יהוה גם-שניהם br
11 vnumber="11"> גם במעלליו יתנכר-נער-- אם-זך ואם-ישר פעלו br
12 vnumber="12"> אזן שמעת ועין ראה-- יהוה עשה גם-שניהם br
13 vnumber="13"> אל-תאהב שנה פן-תורש פקח עיניך שבע-לחם br
14 vnumber="14"> רע רע יאמר הקונה ואזל לו אז יתהלל br
15 vnumber="15"> יש זהב ורב-פנינים וכלי יקר שפתי-דעת br
16 vnumber="16"> לקח-בגדו כי-ערב זר ובעד נכרים (נכריה) חבלהו br
17 vnumber="17"> ערב לאיש לחם שקר ואחר ימלא-פיהו חצץ br
18 vnumber="18"> מחשבות בעצה תכון ובתחבלות עשה מלחמה br
19 vnumber="19"> גולה-סוד הולך רכיל ולפתה שפתיו לא תתערב br
20 vnumber="20"> מקלל אביו ואמו-- ידעך נרו באישון (באשון) חשך br
21 vnumber="21"> נחלה מבחלת (מבהלת) בראשונה ואחריתה לא תברך br
22 vnumber="22"> אל-תאמר אשלמה-רע קוה ליהוה וישע לך br
23 vnumber="23"> תועבת יהוה אבן ואבן ומאזני מרמה לא-טוב br
24 vnumber="24"> מיהוה מצעדי-גבר ואדם מה-יבין דרכו br
25 vnumber="25"> מוקש אדם ילע קדש ואחר נדרים לבקר br
26 vnumber="26"> מזרה רשעים מלך חכם וישב עליהם אופן br
27 vnumber="27"> נר יהוה נשמת אדם חפש כל-חדרי-בטן br
28 vnumber="28"> חסד ואמת יצרו-מלך וסעד בחסד כסאו br
29 vnumber="29"> תפארת בחורים כחם והדר זקנים שיבה br
30 vnumber="30"> חברות פצע תמריק (תמרוק) ברע ומכות חדרי-בטן
art="x-p"/>