1 vnumber="1"> למנצח מזמור לדוד br
2 vnumber="2"> השמים מספרים כבוד-אל ומעשה ידיו מגיד הרקיע br
3 vnumber="3"> יום ליום יביע אמר ולילה ללילה יחוה-דעת br
4 vnumber="4"> אין-אמר ואין דברים בלי נשמע קולם br
5 vnumber="5"> בכל-הארץ יצא קום ובקצה תבל מליהם br לשמש שם-אהל בהם br
6 vnumber="6"> והוא--כחתן יצא מחפתו ישיש כגבור לרוץ ארח br
7 vnumber="7"> מקצה השמים מוצאו--ותקופתו על-קצותם ואין נסתר מחמתו br
8 vnumber="8"> תורת יהוה תמימה משיבת נפש עדות יהוה נאמנה מחכימת פתי br
9 vnumber="9"> פקודי יהוה ישרים משמחי-לב מצות יהוה ברה מאירת עינים br
10 vnumber="10"> יראת יהוה טהורה--עומדת לעד משפטי-יהוה אמת צדקו יחדו br
11 vnumber="11"> הנחמדים--מזהב ומפז רב ומתוקים מדבש ונפת צופים br
12 vnumber="12"> גם-עבדך נזהר בהם בשמרם עקב רב br
13 vnumber="13"> שגיאות מי-יבין מנסתרות נקני br
14 vnumber="14"> גם מזדים חשך עבדך-- אל-ימשלו-בי אז איתם br ונקיתי מפשע רב br (Psalms 19:15) יהיו לרצון אמרי-פי והגיון לבי לפניך br יהוה צורי וגאלי
art="x-p"/>