1 א למנצח מזמור לדוד
2 ב שמע-אלהים קולי בשיחי מפחד אויב תצר חיי
3 ג תסתירני מסוד מרעים מרגשת פעלי און
4 ד אשר שננו כחרב לשונם דרכו חצם דבר מר
5 ה לירת במסתרים תם פתאם ירהו ולא ייראו
6 ו יחזקו-למו דבר רע-- יספרו לטמון מוקשים אמרו מי יראה-למו
7 ז יחפשו עולת-- תמנו חפש מחפש וקרב איש ולב עמק
8 ח וירם אלהים חץ פתאום--היו מכותם
9 ט ויכשילוהו עלימו לשונם יתנדדו כל-ראה בם
10 י וייראו כל-אדם ויגידו פעל אלהים ומעשהו השכילו ( ) יא ישמח צדיק ביהוה וחסה בו ויתהללו כל-ישרי-לב