1 vnumber="1"> מזמור לאסף br אלהים באו גוים בנחלתך-- טמאו את היכל קדשך br שמו את-ירושלם לעיים br
2 vnumber="2"> נתנו את-נבלת עבדיך-- מאכל לעוף השמים br בשר חסידיך לחיתו-ארץ br
3 vnumber="3"> שפכו דמם כמים--סביבות ירושלם ואין קובר br
4 vnumber="4"> היינו חרפה לשכנינו לעג וקלס לסביבותינו br
5 vnumber="5"> עד-מה יהוה תאנף לנצח תבער כמו-אש קנאתך br
6 vnumber="6"> שפך חמתך-- אל הגוים אשר לא-ידעוך br ועל ממלכות-- אשר בשמך לא קראו br
7 vnumber="7"> כי אכל את-יעקב ואת-נוהו השמו br
8 vnumber="8"> אל-תזכר-לנו עונת ראשנים br מהר יקדמונו רחמיך-- כי דלונו מאד br
9 vnumber="9"> עזרנו אלהי ישענו-- על-דבר כבוד-שמך br והצילנו וכפר על-חטאתינו למען שמך br
10 vnumber="10"> למה יאמרו הגוים-- איה אלהיהם br יודע בגיים (בגוים) לעינינו נקמת דם-עבדיך השפוך br
11 vnumber="11"> תבוא לפניך אנקת אסיר כגדל זרועך--הותר בני תמותה br
12 vnumber="12"> והשב לשכנינו שבעתים אל-חיקם br חרפתם אשר חרפוך אדני br
13 vnumber="13"> ואנחנו עמך וצאן מרעיתך-- נודה לך לעולם br לדר ודר-- נספר תהלתך
art="x-p"/>