1 vnumber="1"> תפלה לדוד br הטה-יהוה אזנך ענני-- כי-עני ואביון אני br
2 vnumber="2"> שמרה נפשי כי-חסיד אני br הושע עבדך אתה אלהי-- הבוטח אליך br
3 vnumber="3"> חנני אדני כי אליך אקרא כל-היום br
4 vnumber="4"> שמח נפש עבדך כי אליך אדני נפשי אשא br
5 vnumber="5"> כי-אתה אדני טוב וסלח ורב-חסד לכל-קראיך br
6 vnumber="6"> האזינה יהוה תפלתי והקשיבה בקול תחנונותי br
7 vnumber="7"> ביום צרתי אקראך כי תענני br
8 vnumber="8"> אין-כמוך באלהים אדני ואין כמעשיך br
9 vnumber="9"> כל-גוים אשר עשית--יבואו וישתחוו לפניך אדני ויכבדו לשמך br
10 vnumber="10"> כי-גדול אתה ועשה נפלאות אתה אלהים לבדך br
11 vnumber="11"> הורני יהוה דרכך-- אהלך באמתך br יחד לבבי ליראה שמך br
12 vnumber="12"> אודך אדני אלהי--בכל-לבבי ואכבדה שמך לעולם br
13 vnumber="13"> כי-חסדך גדול עלי והצלת נפשי משאול תחתיה br
14 vnumber="14"> אלהים זדים קמו-עלי ועדת עריצים בקשו נפשי br ולא שמוך לנגדם br
15 vnumber="15"> ואתה אדני אל-רחום וחנון ארך אפים ורב-חסד ואמת br
16 vnumber="16"> פנה אלי וחנני תנה-עזך לעבדך והושיעה לבן-אמתך br
17 vnumber="17"> עשה-עמי אות לטובה br ויראו שנאי ויבשו-- כי-אתה יהוה עזרתני ונחמתני
art="x-p"/>