1 vnumber="1"> ישב בסתר עליון בצל שדי יתלונן br
2 vnumber="2"> אמר--ליהוה מחסי ומצודתי אלהי אבטח-בו br
3 vnumber="3"> כי הוא יצילך מפח יקוש מדבר הוות br
4 vnumber="4"> באברתו יסך לך--ותחת-כנפיו תחסה צנה וסחרה אמתו br
5 vnumber="5"> לא-תירא מפחד לילה מחץ יעוף יומם br
6 vnumber="6"> מדבר באפל יהלך מקטב ישוד צהרים br
7 vnumber="7"> יפל מצדך אלף--ורבבה מימינך אליך לא יגש br
8 vnumber="8"> רק בעיניך תביט ושלמת רשעים תראה br
9 vnumber="9"> כי-אתה יהוה מחסי עליון שמת מעונך br
10 vnumber="10"> לא-תאנה אליך רעה ונגע לא-יקרב באהלך br
11 vnumber="11"> כי מלאכיו יצוה-לך לשמרך בכל-דרכיך br
12 vnumber="12"> על-כפים ישאונך פן-תגף באבן רגלך br
13 vnumber="13"> על-שחל ופתן תדרך תרמס כפיר ותנין br
14 vnumber="14"> כי בי חשק ואפלטהו אשגבהו כי-ידע שמי br
15 vnumber="15"> יקראני ואענהו--עמו-אנכי בצרה אחלצהו ואכבדהו br
16 vnumber="16"> ארך ימים אשביעהו ואראהו בישועתי
art="x-p"/>