1 vnumber="1"> יהוה מלך תגל הארץ ישמחו איים רבים br
2 vnumber="2"> ענן וערפל סביביו צדק ומשפט מכון כסאו br
3 vnumber="3"> אש לפניו תלך ותלהט סביב צריו br
4 vnumber="4"> האירו ברקיו תבל ראתה ותחל הארץ br
5 vnumber="5"> הרים--כדונג נמסו מלפני יהוה מלפני אדון כל-הארץ br
6 vnumber="6"> הגידו השמים צדקו וראו כל-העמים כבודו br
7 vnumber="7"> יבשו כל-עבדי פסל-- המתהללים באלילים br השתחוו-לו כל-אלהים br
8 vnumber="8"> שמעה ותשמח ציון ותגלנה בנות יהודה-- br למען משפטיך יהוה br
9 vnumber="9"> כי-אתה יהוה עליון על-כל-הארץ br מאד נעלית על-כל-אלהים br
10 vnumber="10"> אהבי יהוה שנאו-רע br שמר נפשות חסידיו מיד רשעים יצילם br
11 vnumber="11"> אור זרע לצדיק ולישרי-לב שמחה br
12 vnumber="12"> שמחו צדיקים ביהוה והודו לזכר קדשו
art="x-p"/>