1 vnumber="1"> וידבר יהוה אל משה לאמר
2 vnumber="2"> צו את בני ישראל ויקחו אליך שמן זית זך כתית--למאור להעלת נר תמיד
3 vnumber="3"> מחוץ לפרכת העדת באהל מועד יערך אתו אהרן מערב עד בקר לפני יהוה--תמיד חקת עולם לדרתיכם
4 vnumber="4"> על המנרה הטהרה יערך את הנרות לפני יהוה תמיד {פ}
art="x-p"/>
5 vnumber="5"> ולקחת סלת--ואפית אתה שתים עשרה חלות שני עשרנים יהיה החלה האחת
6 vnumber="6"> ושמת אותם שתים מערכות שש המערכת על השלחן הטהר לפני יהוה
7 vnumber="7"> ונתת על המערכת לבנה זכה והיתה ללחם לאזכרה אשה ליהוה
8 vnumber="8"> ביום השבת ביום השבת יערכנו לפני יהוה--תמיד מאת בני ישראל ברית עולם
9 vnumber="9"> והיתה לאהרן ולבניו ואכלהו במקום קדש כי קדש קדשים הוא לו מאשי יהוה--חק עולם {ס}
art="x-p"/>
10 vnumber="10"> ויצא בן אשה ישראלית והוא בן איש מצרי בתוך בני ישראל וינצו במחנה בן הישראלית ואיש הישראלי
11 vnumber="11"> ויקב בן האשה הישראלית את השם ויקלל ויביאו אתו אל משה ושם אמו שלמית בת דברי למטה דן
12 vnumber="12"> ויניחהו במשמר לפרש להם על פי יהוה {פ}
art="x-p"/>
13 vnumber="13"> וידבר יהוה אל משה לאמר
14 vnumber="14"> הוצא את המקלל אל מחוץ למחנה וסמכו כל השמעים את ידיהם על ראשו ורגמו אתו כל העדה
15 vnumber="15"> ואל בני ישראל תדבר לאמר איש איש כי יקלל אלהיו ונשא חטאו
16 vnumber="16"> ונקב שם יהוה מות יומת רגום ירגמו בו כל העדה כגר כאזרח--בנקבו שם יומת
17 vnumber="17"> ואיש כי יכה כל נפש אדם--מות יומת
18 vnumber="18"> ומכה נפש בהמה ישלמנה--נפש תחת נפש
19 vnumber="19"> ואיש כי יתן מום בעמיתו--כאשר עשה כן יעשה לו
20 vnumber="20"> שבר תחת שבר עין תחת עין שן תחת שן--כאשר יתן מום באדם כן ינתן בו
21 vnumber="21"> ומכה בהמה ישלמנה ומכה אדם יומת
22 vnumber="22"> משפט אחד יהיה לכם כגר כאזרח יהיה כי אני יהוה אלהיכם
23 vnumber="23"> וידבר משה אל בני ישראל ויוציאו את המקלל אל מחוץ למחנה וירגמו אתו אבן ובני ישראל עשו כאשר צוה יהוה את משה {פ}
art="x-p"/>