1 рмдрмерм╛рмкрм┐ рм╣рнЗ рмЖрморнНрмнрм░ рмжрм╛рм╕ рмпрм╛рмХрнБрмм рмУ рмЖрморнНрмнрм░ рмормирнЗрм╛рмирнАрмд рмЗрм╕рнНрм░рм╛рмПрм▓, рмПрммрнЗ рм╢рнБрмг;
2 рмпрнЗ рмдрнБрморнНрмнрмХрнБ рмирм┐рм░рнНрморм╛рмг рмХрм▓рнЗ рмУ рмЧрм░рнНрмнрм░рнБ рмдрнБрморнНрмнрмХрнБ рмЧрнЭрм┐рм▓рнЗ, рмпрнЗ рмдрнБрморнНрмнрм░ рм╕рм╛рм╣рм╛рмпрнНрнЯ рмХрм░рм┐рммрнЗ, рм╕рнЗрм╣рм┐ рм╕рмжрм╛рмкрнНрм░рмнрнБ рмПрм╣рм┐ рмХрмерм╛ рмХрм╣рмирнНрмдрм┐; рм╣рнЗ рмЖрморнНрмнрм░ рмжрм╛рм╕ рмпрм╛рмХрнБрмм, рм╣рнЗ рмЖрморнНрмнрм░ рмормирнЗрм╛рмирнАрмд рмпрм┐рм╢рнБрм░рнБрмг, рмнрнЯ рмХрм░ рмирм╛рм╣рм┐рмБ ред
3 рмХрм╛рм░рмг рмЖрморнНрмнрнЗ рмдрнГрм╖рм┐рмд рмЙрмкрм░рнЗ рмЬрм│ рмУ рм╢рнБрм╖рнНрмХ рмнрнВрморм┐ рмЙрмкрм░рнЗ рмЬрм│рм╕рнНрм░рнЗрм╛рмд рмврм╛рм│рм┐рммрм╛; рмЖрморнНрмнрнЗ рмдрнБрморнНрмн рммрмВрм╢ рмЙрмкрм░рнЗ рмЖрмкрмгрм╛ рмЖрмдрнНрморм╛ рмУ рмдрнБрморнНрмн рм╕рмирнНрмдрм╛рмирмЧрмг рмЙрмкрм░рнЗ рмЖрмкрмгрм╛ рмЖрм╢рнАрм░рнНрммрм╛рмж рмврм╛рм│рм┐рммрм╛;
4 рмдрм╣рм┐рмБрм░рнЗ рм╕рнЗрморм╛рмирнЗ рмЬрм│рм╕рнНрм░рнЗрм╛рмд рмирм┐рмХрмЯрм╕рнНрме рммрм╛рмЗрм╢рнА рммрнГрмХрнНрм╖ рмдрнБрм▓рнНрнЯ рмдрнГрмг рмормзрнНрнЯрм░рнЗ рмЕрмЩрнНрмХрнБрм░рм┐рмд рм╣рнЗрммрнЗ ред
5 рмПрмХ рмЬрмг рмХрм╣рм┐рмм, рмЖрморнНрмнрнЗ рм╕рмжрм╛рмкрнНрм░рмнрнБрмЩрнНрмХрм░; рмЕрмирнНрнЯ рмЬрмг рмпрм╛рмХрнБрмм рмирм╛рморм░рнЗ рмЖрмкрмгрм╛рмХрнБ рмЦрнНрнЯрм╛рмд рмХрм░рм┐рмм; рмЖрмЙ, рмЬрмгрнЗ рм╕рмжрм╛рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рм╕рнНрм╡рм╣рм╕рнНрмдрм░рнЗ рм╕рнНрм╡рм╛рмХрнНрм╖рм░ рмХрм░рм┐рмм рмУ рмЗрм╕рнНрм░рм╛рмПрм▓рнАрнЯ рмХрнБрм│ рмирм╛рморм░рнЗ рмЖрмкрмгрм╛рмХрнБ рмкрнНрм░рм╕рм┐рмжрнНрмз рмХрм░рм┐рмм ред
6 рм╕рмжрм╛рмкрнНрм░рмнрнБ, рмЗрм╕рнНрм░рм╛рмПрм▓рм░ рм░рм╛рмЬрм╛ рмУ рмдрм╛рм╣рм╛рм░ рморнБрмХрнНрмдрм┐рмжрм╛рмдрм╛ рм╕рнЗрнЦрмирнНрнЯрм╛рмзрм┐рмкрмдрм┐ рм╕рмжрм╛рмкрнНрм░рмнрнБ рмПрм╣рм┐ рмХрмерм╛ рмХрм╣рмирнНрмдрм┐; рмЖрморнНрмнрнЗ рмЖрмжрм┐ рмУ рмЖрморнНрмнрнЗ рмЕрмирнНрмд, рмкрнБрмгрм┐ рмЖрморнНрмн рмЫрнЬрм╛ рмкрм░рморнЗрм╢рнНрм╡рм░ рмЖрмЙ рмирм╛рм╣рм┐рмБ ред
7 рмЖрморнНрмнрнЗ рм╕рнЗрм╣рм┐ рмкрнБрм░рм╛рмдрми рм▓рнЗрм╛рмХрмЩрнНрмХрнБ рм╕рнНрмерм╛рмкрми рмХрм░рм┐рммрм╛ рм╕рморнЯрмарм╛рм░рнБ рмЖрморнНрмн рмдрнБрм▓рнНрнЯ рмХрм┐рмП рмЖрм╣рнНрм╡рм╛рми рмХрм░рм┐рмм рмУ рмдрм╛рм╣рм╛ рмкрнНрм░рмХрм╛рм╢ рмХрм░рм┐рмм рмУ рмпрмерм╛рмХрнНрм░рморнЗ рмЖрморнНрмн рмкрм╛рмЗрмБ рмдрм╛рм╣рм╛ рм╕рмЬрм╛рмЗрмм? рмкрнБрмгрм┐, рмпрм╛рм╣рм╛ рмпрм╛рм╣рм╛ рмирм┐рмХрмЯрммрм░рнНрмдрнНрмдрнА рмУ рмпрм╛рм╣рм╛ рмпрм╛рм╣рм╛ рмШрмЯрм┐рмм, рмдрм╛рм╣рм╛ рм╕рнЗрморм╛рмирнЗ рмкрнНрм░рмХрм╛рм╢ рмХрм░рмирнНрмдрнБ ред
8 рмдрнБрморнНрмнрнЗрморм╛рмирнЗ рмХрморнНрмкрм┐рмд рмХрм┐рмЕрммрм╛ рмнрнАрмд рм╣рнБрмЕ рмирм╛рм╣рм┐рмБ; рмЖрморнНрмнрнЗ рмХ╩╝рмг рмкрнВрм░рнНрммрм░рнБ рмдрнБрморнНрмнрморм╛рмирмЩрнНрмХ рмирм┐рмХрмЯрм░рнЗ рмкрнНрм░рмХрм╛рм╢ рмХрм░рм┐ рмирм╛рм╣рнБрмБ рмУ рмдрнБрморнНрмнрморм╛рмирмЩрнНрмХрнБ рмдрм╛рм╣рм╛ рмЬрмгрм╛рмЗ рмирм╛рм╣рнБрмБ? рмдрнБрморнНрмнрнЗрморм╛рмирнЗ рмЖрморнНрмнрм░ рм╕рм╛рмХрнНрм╖рнА ред рмЖрморнНрмн рмнрм┐рмирнНрми рмЖрмЙ рмХрм┐ рмкрм░рморнЗрм╢рнНрм╡рм░ рмЕрмЫрмирнНрмдрм┐? рмЕрмирнНрнЯ рм╢рнЗрнЦрм│ рмирм╛рм╣рм┐рмБ тЗз; рмЖрморнНрмнрнЗ рмХрм╛рм╣рм╛рмХрнБ рмЬрм╛рмгрнБ рмирм╛ ред
9 рмпрнЗрмЙрмБрморм╛рмирнЗ рмЦрнЗрм╛рмжрм┐рмд рмкрнНрм░рмдрм┐рморм╛ рмирм┐рм░рнНрморм╛рмг рмХрм░рмирнНрмдрм┐, рм╕рнЗрм╕рморм╕рнНрмдрнЗ рмЕрм╕рм╛рм░ рмУ рм╕рнЗрморм╛рмирмЩрнНрмХрм░ рмормирнЗрм╛рм╣рм░ рммрм┐рм╖рнЯ-рморм╛рми рмЙрмкрмХрм╛рм░рмХ рмирнЗрм╛рм╣рм┐рмм; рм╕рнЗрморм╛рмирнЗ рмпрнЗрмкрм░рм┐ рм▓рмЬрнНрмЬрм┐рмд рм╣рнЗрммрнЗ, рмПрмерм┐рмкрм╛рмЗрмБ рм╕рнЗрморм╛рмирмЩрнНрмХрм░ рмирм┐рмЬ рм╕рм╛рмХрнНрм╖рнАрмЧрмг рмжрнЗрмЦрмирнНрмдрм┐ рмирм╛рм╣рм┐рмБ, рмХрм┐рмЕрммрм╛ рмЬрм╛рмгрмирнНрмдрм┐ рмирм╛рм╣рм┐рмБред
10 рмпрм╛рм╣рм╛ рмХрнЗрнЧрмгрм╕рм┐ рммрм┐рм╖рнЯрм░рнЗ рмЙрмкрмХрм╛рм░рмХ рмирнБрм╣рнЗрмБ, рмПрмкрм░рм┐ рмжрнЗрммрмдрм╛ рмХрм┐рмП рмирм┐рм░рнНрморм╛рмг рмХрм░рм┐рмЕрмЫрм┐, рмЕрммрм╛ рмЦрнЗрм╛рмжрм┐рмд рмкрнНрм░рмдрм┐рморм╛ рмХрм┐рмП рмЫрм╛рмЮрнНрмЪрм░рнЗ рмврм╛рм│рм┐рмЕрмЫрм┐?
11 рмжрнЗрмЦ, рмдрм╛рм╣рм╛рм░ рм╕рм╣рм╛рнЯ рм╕рморм╕рнНрмдрнЗ рм▓рмЬрнНрмЬрм┐рмд рм╣рнЗрммрнЗ; рмкрнБрмгрм┐, рм╢рм┐рм│рнНрмкрмХрм╛рм░рнАрморм╛рмирнЗ рмормирнБрм╖рнНрнЯрморм╛рмдрнНрм░; рм╕рнЗрм╕рморм╕рнНрмдрнЗ рмПрмХрмдрнНрм░ рм╣рнЗрмЙрмирнНрмдрнБ, рм╕рнЗрморм╛рмирнЗ рмЫрм┐рнЬрм╛ рм╣рнЗрмЙрмирнНрмдрнБ; рм╕рнЗрморм╛рмирнЗ рмХрморнНрмкрм┐рмд рм╣рнЗрммрнЗ, рм╕рнЗрморм╛рмирнЗ рмПрмХрм╛ рммрнЗрм│рнЗ рм▓рмЬрнНрмЬрм┐рмд рм╣рнЗрммрнЗ ред
12 рмХрм░рнНрмормХрм╛рм░ рм▓рнЗрнЧрм╣ рмЕрм╕рнНрмдрнНрм░ рмирм┐рм░рнНрморм╛рмг рмХрм░рм┐ рмдрмкрнНрмд рмЕрмЩрнНрмЧрм╛рм░рм░рнЗ рмХрм░рнНрмо рмХрм░рнЗ рмУ рм╣рм╛рмдрнБрнЬрм┐рм░рнЗ рмдрм╛рм╣рм╛ рмЧрнЭрм┐ рмирм┐рмЬрм░ рммрм│рм┐рм╖рнНрма рммрм╛рм╣рнБрм░рнЗ рмдрм╛рм╣рм╛ рмкрнНрм░рм╕рнНрмдрнБрмд рмХрм░рнЗрмирнНрмд рм╣рмБ, рм╕рнЗ рмХрнНрм╖рнБрмзрм┐рмд рм╣рнБрмП рмУ рмдрм╛рм╣рм╛рм░ рммрм│ рмКрмгрм╛ рмкрнЬрм┐рмпрм╛рмП, рм╕рнЗ рмЬрм│рмкрм╛рми рми рмХрм░рм┐ рмХрнНрм│рм╛; рм╣рнБрмП ред
13 рм╕рнВрмдрнНрм░рмзрм░ рм╕рнВрмдрм╛ рмЯрм╛рмгрнЗ; рм╕рнЗ рм╕рм┐рмирнНрмжрнБрм░ рмжрнНрм╡рм╛рм░рм╛ рмЪрм┐рм╣рнНрми рмжрм┐рмП, рм╕рнЗ рм░рмирнНрмжрм╛ рммрнБрм▓рм╛рмЗ рмЖрмХрнГрмдрм┐ рмХрм░рм┐ рмХрморнНрмкрм╛рм╕ рмжрнНрм╡рм╛рм░рм╛ рмЪрм┐рм╣рнНрми рмжрм┐рмП рмУ рмЧрнГрм╣рм░рнЗ рммрм╛рм╕ рмХрм░рм╛рмЗрммрм╛ рмирм┐рмормирнНрмдрнЗ рмормирнБрм╖рнНрнЯрм░ рмЖрмХрнГрмдрм┐ рмУ рм╕рнЗрнЧрмирнНрмжрм░рнНрмпрнНрнЯ рмЕрмирнБрм╕рм╛рм░рнЗ рмдрм╛рм╣рм╛ рмирм┐рм░рнНрморм╛рмг рмХрм░рнЗ ред
14 рм╕рнЗ рмЖрмкрмгрм╛ рмирм┐рмормирнНрмдрнЗ рмПрм░рм╕ рммрнГрмХрнНрм╖ рмХрм╛рмЯрнЗ, рмдрм░рнНрм╕рм╛ рмУ рмЕрм▓рнЗрм╛рмирнН рммрнГрмХрнНрм╖ рмирм┐рмП, рм╕рнЗ рммрмирммрнГрмХрнНрм╖ рмормзрнНрнЯрм░рнБ рмЧрнЗрм╛рмЯрм┐рмП рммрнГрмХрнНрм╖ рмЖрмкрмгрм╛ рмкрм╛рмЗрмБ рмжрнГрнЭ рмХрм░рнЗ; рм╕рнЗ рмжрнЗрммрмжрм╛рм░рнБ рммрнГрмХрнНрм╖ рм░рнЗрм╛рмкрмг рмХрм░рнЗ рмУ рммрнГрм╖рнНрмЯрм┐ рмдрм╛рм╣рм╛ рммрнЭрм╛рмП ред
15 рмПрмЙрмдрнНрмдрм╛рм░рнЗ рмдрм╛рм╣рм╛ рмормирнБрм╖рнНрнЯрм░ рмЬрм╛рм│рнЗрмгрм┐ рмХрм╛рм╖рнНрма рм╣рнБрмП; рм╕рнЗ рмдрм╣рм┐рмБрм░рнБ рмХрм┐рмЫрм┐ рмирнЗрмЗ рмЕрмЧрнНрмирм┐ рмдрм╛рмк рмирм┐рмП; рмЖрмЙ, рм╕рнЗ рмдрм╛рм╣рм╛ рмЬрм╛рм│рм┐ рм░рнБрмЯрнА рмкрм╛рмХ рмХрм░рнЗ; рмЖрм╣рнБрм░рм┐, рмЧрнЗрм╛рмЯрм┐рмП рмжрнЗрммрмдрм╛ рмХрм░рм┐ рмдрм╛рм╣рм╛ рмкрнВрмЬрм╛ рмХрм░рнЗ; рм╕рнЗ рмЧрнЗрм╛рмЯрм┐рмП рмЦрнЗрм╛рмжрм┐рмд рмкрнНрм░рмдрм┐рморм╛ рмХрм░рм┐ рмдрм╛рм╣рм╛ рмЖрмЧрм░рнЗ рмжрмгрнНрмдрммрмд рмХрм░рнЗ ред
16 рм╕рнЗ рмдрм╣рм┐рмБрм░рнБ рмПрмХ рмЕрмВрм╢ рмЕрмЧрнНрмирм┐рм░рнЗ рмкрнЗрм╛рнЬрнЗ; рмЕрмирнНрнЯ рмЕрмВрм╢рм░рнЗ рм╕рнЗ рморм╛рмВрм╕ (рмкрм╛рмХ рмХрм░рм┐) рмнрнЗрм╛рмЬрми рмХрм░рнЗ рмУ рм╢рнВрм▓рнНрнЯрморм╛рмВрм╕ рмкрнНрм░рм╕рнНрмдрнБрмд рмХрм░рм┐ рмдрнГрмкрнНрмд рм╣рнБрмП, рмЖрм╣рнБрм░рм┐ рм╕рнЗ рмЕрмЧрнНрмирм┐ рмдрм╛рмк рмирнЗрмЗ рмХрм╣рнЗ, рмЖрмГ, рмЖрморнНрмнрнЗ рмЙрм╖рнНрмг рм╣рнЗрм▓рнБ, рмЖрморнНрмнрнЗ рмЕрмЧрнНрмирм┐ рмжрнЗрмЦрм┐рм▓рнБ ред
17 рмкрнБрмгрм┐, рм╕рнЗ рмдрм╣рм┐рмБрм░ рмЕрммрм╢рм┐рм╖рнНрмЯрм╛рмВрм╢ рмжрнНрм╡рм╛рм░рм╛ рмПрмХ рмжрнЗрммрмдрм╛, рмЖрмкрмгрм╛рм░ рмЦрнЗрм╛рмжрм┐рмд рмкрнНрм░рмдрм┐рморм╛ рмирм┐рм░рнНрморм╛рмг рмХрм░рнЗ; рм╕рнЗ рмдрм╛рм╣рм╛ рмЖрмЧрм░рнЗ рмжрмгрнНрмдрммрмд рмХрм░рм┐ рмкрнВрмЬрм╛ рмХрм░рнЗ рмУ рмдрм╛рм╣рм╛ рмирм┐рмХрмЯрм░рнЗ рмкрнНрм░рм╛рм░рнНрмермирм╛ рмХрм░рм┐ рмХрм╣рнЗ, рмЖрморнНрмнрмХрнБ рмЙрмжрнНрмзрм╛рм░ рмХрм░, рмдрнБрморнНрмнрнЗ рмЖрморнНрмнрм░ рмжрнЗрммрмдрм╛ ред
18 рм╕рнЗрморм╛рмирнЗ рмЬрм╛рмгрмирнНрмдрм┐ рмирм╛рм╣рм┐рмБ, рмХрм┐рмЕрммрм╛ рммрм┐рммрнЗрмЪрмирм╛ рмХрм░рмирнНрмдрм┐ рмирм╛рм╣рм┐рмБ, рмХрм╛рм░рмг рм╕рнЗрморм╛рмирнЗ рмпрнЗрмкрм░рм┐ рмжрнЗрмЦрм┐ рми рмкрм╛рм░рм┐рммрнЗ, рмПрмерм┐рмкрм╛рмЗрмБ рм╕рнЗрморм╛рмирмЩрнНрмХрм░ рмЪрмХрнНрм╖рнБ рмУ рм╕рнЗрморм╛рмирнЗ рмпрнЗрмкрм░рм┐ рммрнБрмЭрм┐ рми рмкрм╛рм░рм┐рммрнЗ, рмПрмерм┐рмкрм╛рмЗрмБ рм╕рнЗрморм╛рмирмЩрнНрмХрм░ рмЪрм┐рмдрнНрмд рм╕рнЗ рморнБрмжрнНрм░рм┐рмд рмХрм░рм┐рмЕрмЫрмирнНрмдрм┐ ред
19 рмХрнЗрм╣рм┐ рмормирнЗ рмХрм░рнЗ рмирм╛рм╣рм┐рмБ, рмХрм┐рмЕрммрм╛ рмПрм╣рм╛ рмХрм╣рм┐рммрм╛ рмкрм╛рмЗрмБ рмХрм╛рм╣рм╛рм░рм┐ рмЬрнНрмЮрм╛рми рмХрм┐ рммрнБрмжрнНрмзрм┐ рмирм╛рм╣рм┐рмБ рмпрнЗ, рмпрм╣рм┐рмБрм░ рмПрмХ рмЕрмВрм╢ рмирнЗрмЗ рмЖрморнНрмнрнЗ рмЕрмЧрнНрмирм┐рм░рнЗ рмжрмЧрнНрмз рмХрм░рм┐рмЕрмЫрнБ рмУ рмпрм╣рм┐рмБрм░ рмЬрнНрм╡рм│; рмЕрмЩрнНрмЧрм╛рм░ рмирнЗрмЗ рм░рнЗрм╛рмЯрнА рмкрм╛рмХ рмХрм░рм┐рмЕрмЫрнБ рмУ рморм╛рмВрм╕ рмкрм╛рмХ рмХрм░рм┐ рмнрнЗрм╛рмЬрми рмХрм░рм┐рмЕрмЫрнБ, рмдрм╣рм┐рмБрм░ рмЕрммрм╢рм┐рм╖рнНрмЯрм╛рмВрм╢ рмирнЗрмЗ рмХрм┐ рмШрнГрмгрм╛рмпрнЗрм╛рмЧрнНрнЯ рммрм╕рнНрмдрнБ рмирм┐рм░рнНрморм╛рмг рмХрм░рм┐рммрм╛? рмЖрморнНрмнрнЗ рмХрм┐ рмЦрмгрнНрмдрнЗ рмХрм╛рм╖рнНрма рмЖрмЧрм░рнЗ рмжрмгрнНрмдрммрмд рмХрм░рм┐рммрм╛?
20 рм╕рнЗ рмнрм╕рнНрмо рмнрнЗрм╛рмЬрми рмХрм░рнЗ; рм╕рнЗ рмпрнЗрмкрм░рм┐ рмЖрмкрмгрм╛ рмкрнНрм░рм╛рмг рмЙрмжрнНрмзрм╛рм░ рмХрм░рм┐ рми рмкрм╛рм░рнЗ, рмХрм┐рмЕрммрм╛ рмЖрморнНрмн рмжрмХрнНрм╖рм┐рмг рм╣рм╕рнНрмдрм░рнЗ рмХрм┐ рморм┐рмернНрнЯрм╛ рмирм╛рм╣рм┐рмБ, рмПрм╣рм╛ рмХрм╣рм┐ рми рмкрм╛рм░рнЗ, рмПрмерм┐рмкрм╛рмЗрмБ рмнрнНрм░рм╛рмирнНрмд рмЪрм┐рмдрнНрмд рмдрм╛рм╣рм╛рмХрнБ рммрм┐рмкрмермЧрм╛рморнА рмХрм░рм┐рмЕрмЫрм┐ ред
21 рм╣рнЗ рмпрм╛рмХрнБрмм, рм╣рнЗ рмЗрм╕рнНрм░рм╛рмПрм▓, рмдрнБрморнНрмнрнЗ рмПрм╣рм┐рм╕рммрнБ рмХрмерм╛ рм╕рнНрморм░рмг рмХрм░, рмХрм╛рм░рмг рмдрнБрморнНрмнрнЗ рмЖрморнНрмнрм░ рмжрм╛рм╕; рмЖрморнНрмнрнЗ рмдрнБрморнНрмнрмХрнБ рмЧрнЭрм┐рмЕрмЫрнБ; рмдрнБрморнНрмнрнЗ рмЖрморнНрмнрм░ рмжрм╛рм╕; рм╣рнЗ рмЗрм╕рнНрм░рм╛рмПрм▓, рмдрнБрморнНрмнрнЗ рмЖрморнНрмн рмжрнНрм╡рм╛рм░рм╛ рммрм┐рм╕рнНрморнГрмд рмирнЗрм╛рм╣рм┐рмм ред
22 рмЖрморнНрмнрнЗ рмдрнБрморнНрмнрм░ рмЕрмзрм░рнНрморм╕рммрнБ рмирм┐рммрм┐рнЬ рмХрнБрм╣рнБрнЬрм┐рм░ рмирнНрнЯрм╛рнЯ рмУ рмдрнБрморнНрмнрм░ рмкрм╛рмкрм╕рммрнБ рморнЗрмШ рмкрм░рм┐ рморм╛рм░рнНрмЬрмирм╛ рмХрм░рм┐рмЕрмЫрнБрмирнНрмд рмЖрморнНрмн рмирм┐рмХрмЯрмХрнБ рмлрнЗрм░рм┐ рмЖрм╕; рмХрм╛рм░рмг рмЖрморнНрмнрнЗ рмдрнБрморнНрмнрмХрнБ рморнБрмХрнНрмд рмХрм░рм┐рмЕрмЫрнБред
23 рм╣рнЗ рмЖрмХрм╛рм╢рмормгрнНрмдрм│, рмЧрм╛рми рмХрм░, рмХрм╛рм░рмг рм╕рмжрм╛рмкрнНрм░рмнрнБ рмПрм╣рм╛ рм╕рм╛рмзрми рмХрм░рм┐рмЕрмЫрмирнНрмдрм┐; рм╣рнЗ рмкрнГрмерм┐рммрнАрм░ рмЕрмзрмГрм╕рнНрмерм╛рмирм╕рмХрм│, рмЖрмирмирнНрмжрмзрнНрм╡рмирм┐ рмХрм░; рм╣рнЗ рмкрм░рнНрммрмдрмЧрмг, рм╣рнЗ рмЕрм░рмгрнНрнЯ рмУ рмдрмирнНрмормзрнНрнЯрм╕рнНрме рмкрнНрм░рмдрнНрнЯрнЗрмХ рммрнГрмХрнНрм╖, рмдрнБрморнНрмнрнЗрморм╛рмирнЗ рмЙрмЪрнНрмЪрм╕рнНрм╡рм░рм░рнЗ рмЧрм╛рми рмХрм░рмирнНрмд рмХрм╛рм░рмг рм╕рмжрм╛рмкрнНрм░рмнрнБ рмпрм╛рмХрнБрммрмХрнБ рморнБрмХрнНрмд рмХрм░рм┐рмЕрмЫрмирнНрмдрм┐ рмУ рмЗрм╕рнНрм░рм╛рмПрм▓ рмормзрнНрнЯрм░рнЗ рмЖрмкрмгрм╛рмХрнБ рмЧрнЗрнЧрм░рммрм╛рмирнНрм╡рм┐рмд рмХрм░рм┐рммрнЗ ред
24 рмдрнБрморнНрмнрм░ рморнБрмХрнНрмдрм┐рмжрм╛рмдрм╛ рм╕рмжрм╛рмкрнНрм░рмнрнБ, рмЧрм░рнНрмнрм░рнБ рмпрнЗ рмдрнБрморнНрмнрмХрнБ рмЧрнЭрм┐рм▓рнЗ, рм╕рнЗ рмПрм╣рм╛ рмХрм╣рмирнНрмдрм┐; рмЖрморнНрмнрнЗ рм╕рмжрм╛рмкрнНрм░рмнрнБ, рмЖрморнНрмнрнЗ рм╕рммрнБ рмХрм╛рм░рнНрмпрнНрнЯ рм╕рм╛рмзрми рмХрм░рнБ; рмЖрморнНрмнрнЗ рмПрмХрм╛рмХрнА рмЖрмХрм╛рм╢рмормгрнНрмдрм│ рммрм┐рм╕рнНрмдрм╛рм░ рмХрм░рнБ; рмЖрморнНрмнрнЗ рмкрнГрмерм┐рммрнАрмХрм┐ рмкрнНрм░рм╕рм╛рм░ рмХрм░рнБ; рмЖрморнНрмнрм░ рм╕рмЩрнНрмЧрнА рмХрм┐рмП?
25 рмЖрморнНрмнрнЗ рморм┐рмернНрнЯрм╛рммрм╛рмжрнАрморм╛рмирмЩрнНрмХрм░ (рмжрмдрнНрмд) рм▓рмХрнНрм╖рмгрм╕рммрнБ рммрм┐рмлрм│ рмХрм░рнБ рмУ рмормирнНрмдрнНрм░рмЬрнНрмЮрморм╛рмирмЩрнНрмХрнБ рмЙрмирнНрмормдрнНрмд рмХрм░рнБ; рмЖрморнНрмнрнЗ рмЬрнНрмЮрм╛рмирнАрморм╛рмирмЩрнНрмХрнБ рмкрмЫрмХрнБ рм╣рмЯрм╛рмЗ рмжрнЗрмЙ рмУ рм╕рнЗрморм╛рмирмЩрнНрмХрм░ рмЬрнНрмЮрм╛рми рморнВрм░рнНрмЦрмдрм╛ рмХрм░рнБ;
26 рмЖрморнНрмнрнЗ рмЖрмкрмгрм╛ рмжрм╛рм╕рм░ рммрм╛рмХрнНрнЯ рмжрнГрнЭ рмХрм░рнБ рмУ рмЖрмкрмгрм╛ рмжрнВрмдрмЧрмгрм░ рмормирнНрмдрнНрм░рмгрм╛ рм╕рм┐рмжрнНрмз рмХрм░рнБрмирнНрмд рмЖрморнНрмнрнЗ рмпрм┐рм░рнВрм╢рм╛рм▓рмо рммрм┐рм╖рнЯрм░рнЗ рмХрм╣рнБ, рмдрм╛рм╣рм╛ рммрм╕рмдрм┐рммрм┐рм╢рм┐рм╖рнНрмЯ рм╣рнЗрмм рмУ рмпрм┐рм╣рнБрмжрм╛рм░ рмирмЧрм░рморм╛рмирмЩрнНрмХ рммрм┐рм╖рнЯрм░рнЗ рмХрм╣рнБ, рм╕рнЗрм╕рммрнБ рмкрнБрмирм░рнНрмирм┐рм░рнНрморм┐рмд рм╣рнЗрмм, рмкрнБрмгрм┐ рмЖрморнНрмнрнЗ рмдрм╣рм┐рмБрм░ рмЙрмЬрм╛рнЬ рм╕рнНрмерм╛рмирм╕рммрнБ рмкрнБрмирм░рнНрммрм╛рм░ рмкрмдрнНрмдрми рмХрм░рм┐рммрм╛;
27 рмЖрморнНрмнрнЗ рмЕрмЧрм╛рмз рмЬрм│рмХрнБ рмХрм╣рнБ, рм╢рнБрм╖рнНрмХ рм╣рнБрмЕ; рмкрнБрмгрм┐, рмЖрморнНрмнрнЗ рмдрнБрморнНрмнрм░ рмирмжрмирмжрнАрм╕рммрнБ рм╢рнБрм╖рнНрмХ рмХрм░рм┐рммрм╛рмирнНрмд
28 рмЖрморнНрмнрнЗ рмХрнЗрм╛рм░рм╕рнН рммрм┐рм╖рнЯрм░рнЗ рмХрм╣рнБ, рм╕рнЗ рмЖрморнНрмн рмкрм▓рм░ рмкрм╛рм│рмХ рмУ рмЖрморнНрмнрм░ рмЗрм╖рнНрмЯ рм╕рм╛рмзрми рмХрм░рм┐рмм; рм╕рнЗ рмпрм┐рм░рнВрм╢рм╛рм▓рмо рммрм┐рм╖рнЯрм░рнЗ рмХрм╣рм┐рмм, рмдрм╛рм╣рм╛ рмкрнБрмирм░рнНрмирм┐рм░рнНрморм┐рмд рм╣рнЗрмм рмУ рмормирнНрмжрм┐рм░рмХрнБ рмХрм╣рм┐рмм, рмдрнБрморнНрмнрм░ рмнрм┐рмдрнНрмдрм┐рморнВрм│ рм╕рнНрмерм╛рмкрм┐рмд рм╣рнЗрмм ред