1 vnumber="1"> css="font-weight:bold"> א והמלך שלמה אהב נשים נכריות רבות--ואת בת פרעה מואביות עמניות אדמית צדנית חתית
2 vnumber="2"> css="font-weight:bold"> ב מן הגוים אשר אמר יהוה אל בני ישראל לא תבאו בהם והם לא יבאו בכם אכן יטו את לבבכם אחרי אלהיהם--בהם דבק שלמה לאהבה
3 vnumber="3"> css="font-weight:bold"> ג ויהי לו נשים שרות שבע מאות ופלגשים שלש מאות ויטו נשיו את לבו
4 vnumber="4"> css="font-weight:bold"> ד ויהי לעת זקנת שלמה נשיו הטו את לבבו אחרי אלהים אחרים ולא היה לבבו שלם עם יהוה אלהיו כלבב דויד אביו
5 vnumber="5"> css="font-weight:bold"> ה וילך שלמה--אחרי עשתרת אלהי צדנים ואחרי מלכם שקץ עמנים
6 vnumber="6"> css="font-weight:bold"> ו ויעש שלמה הרע בעיני יהוה ולא מלא אחרי יהוה כדוד אביו {ס} art="x-p"/>
7 vnumber="7"> css="font-weight:bold"> ז אז יבנה שלמה במה לכמוש שקץ מואב בהר אשר על פני ירושלם ולמלך שקץ בני עמון
8 vnumber="8"> css="font-weight:bold"> ח וכן עשה לכל נשיו הנכריות מקטירות ומזבחות לאלהיהן
9 vnumber="9"> css="font-weight:bold"> ט ויתאנף יהוה בשלמה כי נטה לבבו מעם יהוה אלהי ישראל הנראה אליו פעמים
10 vnumber="10"> css="font-weight:bold"> י וצוה אליו על הדבר הזה לבלתי לכת אחרי אלהים אחרים ולא שמר את אשר צוה יהוה {פ} art="x-p"/>
11 vnumber="11"> css="font-weight:bold"> יא ויאמר יהוה לשלמה יען אשר היתה זאת עמך ולא שמרת בריתי וחקתי אשר צויתי עליך--קרע אקרע את הממלכה מעליך ונתתיה לעבדך
12 vnumber="12"> css="font-weight:bold"> יב אך בימיך לא אעשנה למען דוד אביך מיד בנך אקרענה
13 vnumber="13"> css="font-weight:bold"> יג רק את כל הממלכה לא אקרע שבט אחד אתן לבנך למען דוד עבדי ולמען ירושלם אשר בחרתי {ס} art="x-p"/>
14 vnumber="14"> css="font-weight:bold"> יד ויקם יהוה שטן לשלמה את הדד האדמי מזרע המלך הוא באדום
15 vnumber="15"> css="font-weight:bold"> טו ויהי בהיות דוד את אדום בעלות יואב שר הצבא לקבר את החללים ויך כל זכר באדום
16 vnumber="16"> css="font-weight:bold"> טז כי ששת חדשים ישב שם יואב וכל ישראל עד הכרית כל זכר באדום
17 vnumber="17"> css="font-weight:bold"> יז ויברח אדד הוא ואנשים אדמיים מעבדי אביו אתו--לבוא מצרים והדד נער קטן
18 vnumber="18"> css="font-weight:bold"> יח ויקמו ממדין ויבאו פארן ויקחו אנשים עמם מפארן ויבאו מצרים אל פרעה מלך מצרים ויתן לו בית ולחם אמר לו וארץ נתן לו
19 vnumber="19"> css="font-weight:bold"> יט וימצא הדד חן בעיני פרעה מאד ויתן לו אשה את אחות אשתו אחות תחפניס הגבירה
20 vnumber="20"> css="font-weight:bold"> כ ותלד לו אחות תחפניס את גנבת בנו ותגמלהו תחפנס בתוך בית פרעה ויהי גנבת בית פרעה בתוך בני פרעה
21 vnumber="21"> css="font-weight:bold"> כא והדד שמע במצרים כי שכב דוד עם אבתיו וכי מת יואב שר הצבא ויאמר הדד אל פרעה שלחני ואלך אל ארצי
22 vnumber="22"> css="font-weight:bold"> כב ויאמר לו פרעה כי מה אתה חסר עמי והנך מבקש ללכת אל ארצך ויאמר לא כי שלח תשלחני
23 vnumber="23"> css="font-weight:bold"> כג ויקם אלהים לו שטן את רזון בן אלידע אשר ברח מאת הדדעזר מלך צובה--אדניו
24 vnumber="24"> css="font-weight:bold"> כד ויקבץ עליו אנשים ויהי שר גדוד בהרג דוד אתם וילכו דמשק וישבו בה וימלכו בדמשק
25 vnumber="25"> css="font-weight:bold"> כה ויהי שטן לישראל כל ימי שלמה ואת הרעה אשר הדד ויקץ בישראל וימלך על ארם {פ} art="x-p"/>
26 vnumber="26"> css="font-weight:bold"> כו וירבעם בן נבט אפרתי מן הצרדה ושם אמו צרועה אשה אלמנה עבד לשלמה וירם יד במלך
27 vnumber="27"> css="font-weight:bold"> כז וזה הדבר אשר הרים יד במלך שלמה בנה את המלוא--סגר את פרץ עיר דוד אביו
28 vnumber="28"> css="font-weight:bold"> כח והאיש ירבעם גבור חיל וירא שלמה את הנער כי עשה מלאכה הוא ויפקד אתו לכל סבל בית יוסף {ס} art="x-p"/>
29 vnumber="29"> css="font-weight:bold"> כט ויהי בעת ההיא וירבעם יצא מירושלם וימצא אתו אחיה השילני הנביא בדרך והוא מתכסה בשלמה חדשה ושניהם לבדם בשדה
30 vnumber="30"> css="font-weight:bold"> ל ויתפש אחיה בשלמה החדשה אשר עליו ויקרעה--שנים עשר קרעים
31 vnumber="31"> css="font-weight:bold"> לא ויאמר לירבעם קח לך עשרה קרעים כי כה אמר יהוה אלהי ישראל הנני קרע את הממלכה מיד שלמה ונתתי לך את עשרה השבטים
32 vnumber="32"> css="font-weight:bold"> לב והשבט האחד יהיה לו--למען עבדי דוד ולמען ירושלם העיר אשר בחרתי בה מכל שבטי ישראל
33 vnumber="33"> css="font-weight:bold"> לג יען אשר עזבוני וישתחוו לעשתרת אלהי צדנין לכמוש אלהי מואב ולמלכם אלהי בני עמון ולא הלכו בדרכי לעשות הישר בעיני וחקתי ומשפטי--כדוד אביו
34 vnumber="34"> css="font-weight:bold"> לד ולא אקח את כל הממלכה מידו כי נשיא אשתנו כל ימי חייו למען דוד עבדי אשר בחרתי אתו אשר שמר מצותי וחקתי
35 vnumber="35"> css="font-weight:bold"> לה ולקחתי המלוכה מיד בנו ונתתיה לך את עשרת השבטים
36 vnumber="36"> css="font-weight:bold"> לו ולבנו אתן שבט אחד--למען היות ניר לדויד עבדי כל הימים לפני בירושלם העיר אשר בחרתי לי לשום שמי שם
37 vnumber="37"> css="font-weight:bold"> לז ואתך אקח--ומלכת בכל אשר תאוה נפשך והיית מלך על ישראל
38 vnumber="38"> css="font-weight:bold"> לח והיה אם תשמע את כל אשר אצוך והלכת בדרכי ועשית הישר בעיני לשמור חקותי ומצותי כאשר עשה דוד עבדי--והייתי עמך ובניתי לך בית נאמן כאשר בניתי לדוד ונתתי לך את ישראל
39 vnumber="39"> css="font-weight:bold"> לט ואענה את זרע דוד למען זאת--אך לא כל הימים {ס} art="x-p"/>
40 vnumber="40"> css="font-weight:bold"> מ ויבקש שלמה להמית את ירבעם ויקם ירבעם ויברח מצרים אל שישק מלך מצרים ויהי במצרים עד מות שלמה {ס} art="x-p"/>
41 vnumber="41"> css="font-weight:bold"> מא ויתר דברי שלמה וכל אשר עשה וחכמתו--הלוא הם כתבים על ספר דברי שלמה
42 vnumber="42"> css="font-weight:bold"> מב והימים אשר מלך שלמה בירושלם על כל ישראל--ארבעים שנה
43 vnumber="43"> css="font-weight:bold"> מג וישכב שלמה עם אבתיו ויקבר בעיר דוד אביו וימלך רחבעם בנו תחתיו {ס} art="x-p"/>