1 vnumber="1"> ועזריהו בן עודד היתה עליו רוח אלהים
2 vnumber="2"> ויצא לפני אסא ויאמר לו שמעוני אסא וכל יהודה ובנימן יהוה עמכם בהיותכם עמו ואם תדרשהו ימצא לכם ואם תעזבהו יעזב אתכם {ס}
3 vnumber="3"> וימים רבים לישראל ללא אלהי אמת וללא כהן מורה--וללא תורה
4 vnumber="4"> וישב בצר לו על יהוה אלהי ישראל ויבקשהו וימצא להם
5 vnumber="5"> ובעתים ההם אין שלום ליוצא ולבא כי מהומת רבות על כל ישבי הארצות
6 vnumber="6"> וכתתו גוי בגוי ועיר בעיר כי אלהים הממם בכל צרה
7 vnumber="7"> ואתם חזקו ואל ירפו ידיכם כי יש שכר לפעלתכם {ס}
8 vnumber="8"> וכשמע אסא הדברים האלה והנבואה עדד הנביא התחזק ויעבר השקוצים מכל ארץ יהודה ובנימן ומן הערים אשר לכד מהר אפרים ויחדש את מזבח יהוה אשר לפני אולם יהוה
9 vnumber="9"> ויקבץ את כל יהודה ובנימן והגרים עמהם מאפרים ומנשה ומשמעון כי נפלו עליו מישראל לרב בראתם כי יהוה אלהיו עמו {פ} br
art="x-p"/>
10 vnumber="10"> ויקבצו ירושלם בחדש השלשי לשנת חמש עשרה למלכות אסא
11 vnumber="11"> ויזבחו ליהוה ביום ההוא מן השלל הביאו בקר שבע מאות וצאן שבעת אלפים
12 vnumber="12"> ויבאו בברית--לדרוש את יהוה אלהי אבותיהם בכל לבבם ובכל נפשם
13 vnumber="13"> וכל אשר לא ידרש ליהוה אלהי ישראל יומת--למן קטן ועד גדול למאיש ועד אשה
14 vnumber="14"> וישבעו ליהוה בקול גדול ובתרועה--ובחצצרות ובשופרות
15 vnumber="15"> וישמחו כל יהודה על השבועה כי בכל לבבם נשבעו ובכל רצונם בקשהו וימצא להם וינח יהוה להם מסביב
16 vnumber="16"> וגם מעכה אם אסא המלך הסירה מגבירה אשר עשתה לאשרה מפלצת ויכרת אסא את מפלצתה וידק וישרף בנחל קדרון
17 vnumber="17"> והבמות--לא סרו מישראל רק לבב אסא היה שלם כל ימיו
18 vnumber="18"> ויבא את קדשי אביו וקדשיו--בית האלהים כסף וזהב וכלים
19 vnumber="19"> ומלחמה לא היתה עד שנת שלשים וחמש למלכות אסא {פ} br
art="x-p"/>