1 vnumber="1"> css="font-weight:bold"> א ויהי ליהושפט עשר וכבוד לרב ויתחתן לאחאב
2 vnumber="2"> css="font-weight:bold"> ב וירד לקץ שנים אל אחאב לשמרון ויזבח לו אחאב צאן ובקר לרב ולעם אשר עמו ויסיתהו לעלות אל רמת גלעד
3 vnumber="3"> css="font-weight:bold"> ג ויאמר אחאב מלך ישראל אל יהושפט מלך יהודה התלך עמי רמת גלעד ויאמר לו כמוני כמוך וכעמך עמי--ועמך במלחמה
4 vnumber="4"> css="font-weight:bold"> ד ויאמר יהושפט אל מלך ישראל דרש נא כיום את דבר יהוה
5 vnumber="5"> css="font-weight:bold"> ה ויקבץ מלך ישראל את הנבאים ארבע מאות איש ויאמר אלהם הנלך אל רמת גלעד למלחמה אם אחדל ויאמרו עלה ויתן האלהים ביד המלך
6 vnumber="6"> css="font-weight:bold"> ו ויאמר יהושפט האין פה נביא ליהוה עוד ונדרשה מאתו
7 vnumber="7"> css="font-weight:bold"> ז ויאמר מלך ישראל אל יהושפט עוד איש אחד לדרוש את יהוה מאתו ואני שנאתיהו כי איננו מתנבא עלי לטובה כי כל ימיו לרעה--הוא מיכיהו בן ימלא ויאמר יהושפט אל יאמר המלך כן
8 vnumber="8"> css="font-weight:bold"> ח ויקרא מלך ישראל אל סריס אחד ויאמר מהר מיכהו (מיכיהו) בן ימלא
9 vnumber="9"> css="font-weight:bold"> ט ומלך ישראל ויהושפט מלך יהודה יושבים איש על כסאו מלבשים בגדים וישבים בגרן--פתח שער שמרון וכל הנביאים--מתנבאים לפניהם
10 vnumber="10"> css="font-weight:bold"> י ויעש לו צדקיהו בן כנענה קרני ברזל ויאמר כה אמר יהוה באלה תנגח את ארם עד כלותם
11 vnumber="11"> css="font-weight:bold"> יא וכל הנבאים--נבאים כן לאמר עלה רמת גלעד והצלח ונתן יהוה ביד המלך
12 vnumber="12"> css="font-weight:bold"> יב והמלאך אשר הלך לקרא למיכיהו דבר אליו לאמר הנה דברי הנבאים פה אחד טוב אל המלך ויהי נא דברך כאחד מהם ודברת טוב
13 vnumber="13"> css="font-weight:bold"> יג ויאמר מיכיהו חי יהוה--כי את אשר יאמר אלהי אתו אדבר
14 vnumber="14"> css="font-weight:bold"> יד ויבא אל המלך ויאמר המלך אליו מיכה הנלך אל רמת גלעד למלחמה אם אחדל ויאמר עלו והצליחו וינתנו בידכם
15 vnumber="15"> css="font-weight:bold"> טו ויאמר אליו המלך עד כמה פעמים אני משביעך אשר לא תדבר אלי רק אמת--בשם יהוה
16 vnumber="16"> css="font-weight:bold"> טז ויאמר ראיתי את כל ישראל נפוצים על ההרים--כצאן אשר אין להן רעה ויאמר יהוה לא אדנים לאלה ישובו איש לביתו בשלום
17 vnumber="17"> css="font-weight:bold"> יז ויאמר מלך ישראל אל יהושפט הלא אמרתי אליך לא יתנבא עלי טוב כי אם לרע {ס}
18 vnumber="18"> css="font-weight:bold"> יח ויאמר לכן שמעו דבר יהוה ראיתי את יהוה יושב על כסאו וכל צבא השמים עמדים על ימינו ושמאלו
19 vnumber="19"> css="font-weight:bold"> יט ויאמר יהוה מי יפתה את אחאב מלך ישראל ויעל ויפל ברמות גלעד ויאמר--זה אמר ככה וזה אמר ככה
20 vnumber="20"> css="font-weight:bold"> כ ויצא הרוח ויעמד לפני יהוה ויאמר אני אפתנו ויאמר יהוה אליו במה
21 vnumber="21"> css="font-weight:bold"> כא ויאמר אצא והייתי לרוח שקר בפי כל נביאיו ויאמר תפתה וגם תוכל--צא ועשה כן
22 vnumber="22"> css="font-weight:bold"> כב ועתה הנה נתן יהוה רוח שקר בפי נביאיך אלה ויהוה דבר עליך רעה {ס}
23 vnumber="23"> css="font-weight:bold"> כג ויגש צדקיהו בן כנענה ויך את מיכיהו על הלחי ויאמר אי זה הדרך עבר רוח יהוה מאתי--לדבר אתך
24 vnumber="24"> css="font-weight:bold"> כד ויאמר מיכיהו הנך ראה ביום ההוא אשר תבוא חדר בחדר להחבא
25 vnumber="25"> css="font-weight:bold"> כה ויאמר מלך ישראל קחו את מיכיהו והשיבהו אל אמון שר העיר--ואל יואש בן המלך
26 vnumber="26"> css="font-weight:bold"> כו ואמרתם כה אמר המלך שימו זה בית הכלא והאכלהו לחם לחץ ומים לחץ עד שובי בשלום
27 vnumber="27"> css="font-weight:bold"> כז ויאמר מיכיהו--אם שוב תשוב בשלום לא דבר יהוה בי ויאמר שמעו עמים כלם
28 vnumber="28"> css="font-weight:bold"> כח ויעל מלך ישראל ויהושפט מלך יהודה אל רמת גלעד
29 vnumber="29"> css="font-weight:bold"> כט ויאמר מלך ישראל אל יהושפט התחפש ובוא במלחמה ואתה לבש בגדיך ויתחפש מלך ישראל ויבאו במלחמה
30 vnumber="30"> css="font-weight:bold"> ל ומלך ארם צוה את שרי הרכב אשר לו לאמר לא תלחמו את הקטן את הגדול כי אם את מלך ישראל לבדו
31 vnumber="31"> css="font-weight:bold"> לא ויהי כראות שרי הרכב את יהושפט והמה אמרו מלך ישראל הוא ויסבו עליו להלחם ויזעק יהושפט ויהוה עזרו ויסיתם אלהים ממנו
32 vnumber="32"> css="font-weight:bold"> לב ויהי כראות שרי הרכב כי לא היה מלך ישראל--וישובו מאחריו
33 vnumber="33"> css="font-weight:bold"> לג ואיש משך בקשת לתמו ויך את מלך ישראל בין הדבקים ובין השרין ויאמר לרכב הפך ידיך (ידך) והוצאתני מן המחנה--כי החליתי
34 vnumber="34"> css="font-weight:bold"> לד ותעל המלחמה ביום ההוא ומלך ישראל היה מעמיד במרכבה נכח ארם עד הערב וימת לעת בוא השמש art="x-p"/>