1 vnumber="1"> css="font-weight:bold"> א וישלח יחזקיהו על כל ישראל ויהודה וגם אגרות כתב על אפרים ומנשה לבוא לבית יהוה בירושלם--לעשות פסח ליהוה אלהי ישראל
2 vnumber="2"> css="font-weight:bold"> ב ויועץ המלך ושריו וכל הקהל בירושלם לעשות הפסח בחדש השני
3 vnumber="3"> css="font-weight:bold"> ג כי לא יכלו לעשתו בעת ההיא כי הכהנים לא התקדשו למדי והעם לא נאספו לירושלם
4 vnumber="4"> css="font-weight:bold"> ד ויישר הדבר בעיני המלך ובעיני כל הקהל
5 vnumber="5"> css="font-weight:bold"> ה ויעמידו דבר להעביר קול בכל ישראל מבאר שבע ועד דן--לבוא לעשות פסח ליהוה אלהי ישראל בירושלם כי לא לרב עשו ככתוב
6 vnumber="6"> css="font-weight:bold"> ו וילכו הרצים באגרות מיד המלך ושריו בכל ישראל ויהודה וכמצות המלך לאמר בני ישראל שובו אל יהוה אלהי אברהם יצחק וישראל וישב אל הפליטה הנשארת לכם מכף מלכי אשור
7 vnumber="7"> css="font-weight:bold"> ז ואל תהיו כאבותיכם וכאחיכם אשר מעלו ביהוה אלהי אבותיהם ויתנם לשמה כאשר אתם ראים
8 vnumber="8"> css="font-weight:bold"> ח עתה אל תקשו ערפכם כאבותיכם תנו יד ליהוה ובאו למקדשו אשר הקדיש לעולם ועבדו את יהוה אלהיכם וישב מכם חרון אפו
9 vnumber="9"> css="font-weight:bold"> ט כי בשובכם על יהוה אחיכם ובניכם לרחמים לפני שוביהם ולשוב לארץ הזאת כי חנון ורחום יהוה אלהיכם ולא יסיר פנים מכם אם תשובו אליו {ס}
10 vnumber="10"> css="font-weight:bold"> י ויהיו הרצים עברים מעיר לעיר בארץ אפרים ומנשה--ועד זבלון ויהיו משחיקים עליהם ומלעגים בם
11 vnumber="11"> css="font-weight:bold"> יא אך אנשים מאשר ומנשה ומזבלון--נכנעו ויבאו לירושלם
12 vnumber="12"> css="font-weight:bold"> יב גם ביהודה היתה יד האלהים לתת להם לב אחד לעשות מצות המלך והשרים--בדבר יהוה
13 vnumber="13"> css="font-weight:bold"> יג ויאספו ירושלם עם רב לעשות את חג המצות בחדש השני--קהל לרב מאד
14 vnumber="14"> css="font-weight:bold"> יד ויקמו--ויסירו את המזבחות אשר בירושלם ואת כל המקטרות הסירו וישליכו לנחל קדרון
15 vnumber="15"> css="font-weight:bold"> טו וישחטו הפסח בארבעה עשר לחדש השני והכהנים והלוים נכלמו ויתקדשו ויביאו עלות בית יהוה
16 vnumber="16"> css="font-weight:bold"> טז ויעמדו על עמדם כמשפטם כתורת משה איש האלהים הכהנים זרקים את הדם מיד הלוים
17 vnumber="17"> css="font-weight:bold"> יז כי רבת בקהל אשר לא התקדשו והלוים על שחיטת הפסחים לכל לא טהור--להקדיש ליהוה
18 vnumber="18"> css="font-weight:bold"> יח כי מרבית העם רבת מאפרים ומנשה יששכר וזבלון לא הטהרו--כי אכלו את הפסח בלא ככתוב כי התפלל יחזקיהו עליהם לאמר יהוה הטוב יכפר בעד
19 vnumber="19"> css="font-weight:bold"> יט כל לבבו הכין לדרוש האלהים יהוה אלהי אבותיו ולא כטהרת הקדש {ס}
20 vnumber="20"> css="font-weight:bold"> כ וישמע יהוה אל יחזקיהו וירפא את העם {ס}
21 vnumber="21"> css="font-weight:bold"> כא ויעשו בני ישראל הנמצאים בירושלם את חג המצות שבעת ימים--בשמחה גדולה ומהללים ליהוה יום ביום הלוים והכהנים בכלי עז--ליהוה {ס}
22 vnumber="22"> css="font-weight:bold"> כב וידבר יחזקיהו על לב כל הלוים--המשכילים שכל טוב ליהוה ויאכלו את המועד שבעת הימים מזבחים זבחי שלמים ומתודים ליהוה אלהי אבותיהם {ס}
23 vnumber="23"> css="font-weight:bold"> כג ויועצו כל הקהל לעשות שבעת ימים אחרים ויעשו שבעת ימים שמחה
24 vnumber="24"> css="font-weight:bold"> כד כי חזקיהו מלך יהודה הרים לקהל אלף פרים ושבעת אלפים צאן {ס} והשרים הרימו לקהל פרים אלף וצאן עשרת אלפים ויתקדשו כהנים לרב
25 vnumber="25"> css="font-weight:bold"> כה וישמחו כל קהל יהודה והכהנים והלוים וכל הקהל הבאים מישראל והגרים הבאים מארץ ישראל והיושבים ביהודה
26 vnumber="26"> css="font-weight:bold"> כו ותהי שמחה גדולה בירושלם כי מימי שלמה בן דויד מלך ישראל לא כזאת בירושלם {ס}
27 vnumber="27"> css="font-weight:bold"> כז ויקמו הכהנים הלוים ויברכו את העם וישמע בקולם ותבוא תפלתם למעון קדשו לשמים {פ} br art="x-p"/>