1 vnumber="1"> css="font-weight:bold"> א ויעש יאשיהו בירושלם פסח ליהוה וישחטו הפסח בארבעה עשר לחדש הראשון
2 vnumber="2"> css="font-weight:bold"> ב ויעמד הכהנים על משמרותם ויחזקם לעבודת בית יהוה {ס}
3 vnumber="3"> css="font-weight:bold"> ג ויאמר ללוים המבונים (המבינים) לכל ישראל הקדושים ליהוה תנו את ארון הקדש בבית אשר בנה שלמה בן דויד מלך ישראל--אין לכם משא בכתף עתה עבדו את יהוה אלהיכם ואת עמו ישראל
4 vnumber="4"> css="font-weight:bold"> ד והכונו (והכינו) לבית אבותיכם כמחלקותיכם--בכתב דויד מלך ישראל ובמכתב שלמה בנו
5 vnumber="5"> css="font-weight:bold"> ה ועמדו בקדש לפלוגת בית האבות לאחיכם בני העם--וחלקת בית אב ללוים
6 vnumber="6"> css="font-weight:bold"> ו ושחטו הפסח והתקדשו והכינו לאחיכם לעשות כדבר יהוה ביד משה {פ} br art="x-p"/>
7 vnumber="7"> css="font-weight:bold"> ז וירם יאשיהו לבני העם צאן כבשים ובני עזים הכל לפסחים לכל הנמצא למספר שלשים אלף ובקר שלשת אלפים אלה מרכוש המלך {ס}
8 vnumber="8"> css="font-weight:bold"> ח ושריו לנדבה לעם לכהנים וללוים--הרימו חלקיה וזכריהו ויחיאל נגידי בית האלהים לכהנים נתנו לפסחים אלפים ושש מאות ובקר שלש מאות
9 vnumber="9"> css="font-weight:bold"> ט וכונניהו (וכנניהו) ושמעיהו ונתנאל אחיו וחשביהו ויעיאל ויוזבד--שרי הלוים הרימו ללוים לפסחים חמשת אלפים ובקר חמש מאות
10 vnumber="10"> css="font-weight:bold"> י ותכון העבודה ויעמדו הכהנים על עמדם והלוים על מחלקותם כמצות המלך
11 vnumber="11"> css="font-weight:bold"> יא וישחטו הפסח ויזרקו הכהנים מידם והלוים מפשיטים
12 vnumber="12"> css="font-weight:bold"> יב ויסירו העלה לתתם למפלגות לבית אבות לבני העם להקריב ליהוה ככתוב בספר משה וכן לבקר
13 vnumber="13"> css="font-weight:bold"> יג ויבשלו הפסח באש כמשפט והקדשים בשלו בסירות ובדודים ובצלחות ויריצו לכל בני העם
14 vnumber="14"> css="font-weight:bold"> יד ואחר הכינו להם ולכהנים--כי הכהנים בני אהרן בהעלות העולה והחלבים עד לילה והלוים הכינו להם ולכהנים בני אהרן
15 vnumber="15"> css="font-weight:bold"> טו והמשררים בני אסף על מעמדם כמצות דויד ואסף והימן וידתון חוזה המלך והשערים לשער ושער אין להם לסור מעל עבדתם--כי אחיהם הלוים הכינו להם
16 vnumber="16"> css="font-weight:bold"> טז ותכון כל עבודת יהוה ביום ההוא לעשות הפסח והעלות עלות על מזבח יהוה--כמצות המלך יאשיהו
17 vnumber="17"> css="font-weight:bold"> יז ויעשו בני ישראל הנמצאים את הפסח בעת ההיא ואת חג המצות שבעת ימים
18 vnumber="18"> css="font-weight:bold"> יח ולא נעשה פסח כמהו בישראל מימי שמואל הנביא וכל מלכי ישראל לא עשו כפסח אשר עשה יאשיהו והכהנים והלוים וכל יהודה וישראל הנמצא ויושבי ירושלם {ס}
19 vnumber="19"> css="font-weight:bold"> יט בשמונה עשרה שנה למלכות יאשיהו--נעשה הפסח הזה
20 vnumber="20"> css="font-weight:bold"> כ אחרי כל זאת אשר הכין יאשיהו את הבית עלה נכו מלך מצרים להלחם בכרכמיש על פרת ויצא לקראתו יאשיהו
21 vnumber="21"> css="font-weight:bold"> כא וישלח אליו מלאכים לאמר מה לי ולך מלך יהודה לא עליך אתה היום כי אל בית מלחמתי ואלהים אמר לבהלני חדל לך מאלהים אשר עמי ואל ישחיתך
22 vnumber="22"> css="font-weight:bold"> כב ולא הסב יאשיהו פניו ממנו כי להלחם בו התחפש ולא שמע אל דברי נכו מפי אלהים ויבא להלחם בבקעת מגדו
23 vnumber="23"> css="font-weight:bold"> כג וירו הירים למלך יאשיהו ויאמר המלך לעבדיו העבירוני כי החליתי מאד
24 vnumber="24"> css="font-weight:bold"> כד ויעבירהו עבדיו מן המרכבה וירכיבהו על רכב המשנה אשר לו ויוליכהו ירושלם וימת ויקבר בקברות אבתיו וכל יהודה וירושלם מתאבלים על יאשיהו {פ} br art="x-p"/>
25 vnumber="25"> css="font-weight:bold"> כה ויקונן ירמיהו על יאשיהו ויאמרו כל השרים והשרות בקינותיהם על יאשיהו עד היום ויתנום לחק על ישראל והנם כתובים על הקינות
26 vnumber="26"> css="font-weight:bold"> כו ויתר דברי יאשיהו וחסדיו--ככתוב בתורת יהוה
27 vnumber="27"> css="font-weight:bold"> כז ודבריו הראשנים והאחרנים--הנם כתובים על ספר מלכי ישראל ויהודה art="x-p"/>