1 vnumber="1"> בעת ההוא אמר יהוה אלי פסל לך שני לוחת אבנים כראשנים ועלה אלי ההרה ועשית לך ארון עץ
2 vnumber="2"> ואכתב על הלחת את הדברים אשר היו על הלחת הראשנים אשר שברת ושמתם בארון
3 vnumber="3"> ואעש ארון עצי שטים ואפסל שני לחת אבנים כראשנים ואעל ההרה ושני הלחת בידי
4 vnumber="4"> ויכתב על הלחת כמכתב הראשון את עשרת הדברים אשר דבר יהוה אליכם בהר מתוך האש ביום הקהל ויתנם יהוה אלי
5 vnumber="5"> ואפן וארד מן ההר ואשם את הלחת בארון אשר עשיתי ויהיו שם כאשר צוני יהוה
6 vnumber="6"> ובני ישראל נסעו מבארת בני יעקן--מוסרה שם מת אהרן ויקבר שם ויכהן אלעזר בנו תחתיו
7 vnumber="7"> משם נסעו הגדגדה ומן הגדגדה יטבתה ארץ נחלי מים
8 vnumber="8"> בעת ההוא הבדיל יהוה את שבט הלוי לשאת את ארון ברית יהוה--לעמד לפני יהוה לשרתו ולברך בשמו עד היום הזה
9 vnumber="9"> על כן לא היה ללוי חלק ונחלה--עם אחיו יהוה הוא נחלתו כאשר דבר יהוה אלהיך לו
10 vnumber="10"> ואנכי עמדתי בהר כימים הראשנים--ארבעים יום וארבעים לילה וישמע יהוה אלי גם בפעם ההוא--לא אבה יהוה השחיתך
11 vnumber="11"> ויאמר יהוה אלי קום לך למסע לפני העם ויבאו ויירשו את הארץ אשר נשבעתי לאבתם לתת להם {פ}
art="x-p"/>
12 vnumber="12"> ועתה ישראל--מה יהוה אלהיך שאל מעמך כי אם ליראה את יהוה אלהיך ללכת בכל דרכיו ולאהבה אתו ולעבד את יהוה אלהיך בכל לבבך ובכל נפשך
13 vnumber="13"> לשמר את מצות יהוה ואת חקתיו אשר אנכי מצוך היום--לטוב לך
14 vnumber="14"> הן ליהוה אלהיך השמים ושמי השמים הארץ וכל אשר בה
15 vnumber="15"> רק באבתיך חשק יהוה לאהבה אותם ויבחר בזרעם אחריהם בכם מכל העמים--כיום הזה
16 vnumber="16"> ומלתם את ערלת לבבכם וערפכם--לא תקשו עוד
17 vnumber="17"> כי יהוה אלהיכם--הוא אלהי האלהים ואדני האדנים האל הגדל הגבר והנורא אשר לא ישא פנים ולא יקח שחד
18 vnumber="18"> עשה משפט יתום ואלמנה ואהב גר לתת לו לחם ושמלה
19 vnumber="19"> ואהבתם את הגר כי גרים הייתם בארץ מצרים
20 vnumber="20"> את יהוה אלהיך תירא אתו תעבד ובו תדבק ובשמו תשבע
21 vnumber="21"> הוא תהלתך והוא אלהיך--אשר עשה אתך את הגדלת ואת הנוראת האלה אשר ראו עיניך
22 vnumber="22"> בשבעים נפש ירדו אבתיך מצרימה ועתה שמך יהוה אלהיך ככוכבי השמים לרב
art="x-p"/>