1 vnumber="1"> css="font-weight:bold"> א ויקרא משה אל כל ישראל ויאמר אלהם שמע ישראל את החקים ואת המשפטים אשר אנכי דבר באזניכם היום ולמדתם אתם ושמרתם לעשתם
2 vnumber="2"> css="font-weight:bold"> ב יהוה אלהינו כרת עמנו ברית--בחרב
3 vnumber="3"> css="font-weight:bold"> ג לא את אבתינו כרת יהוה את הברית הזאת כי אתנו אנחנו אלה פה היום כלנו חיים
4 vnumber="4"> css="font-weight:bold"> ד פנים בפנים דבר יהוה עמכם בהר--מתוך האש
5 vnumber="5"> css="font-weight:bold"> ה אנכי עמד בין יהוה וביניכם בעת ההוא להגיד לכם את דבר יהוה כי יראתם מפני האש ולא עליתם בהר לאמר {ס} art="x-p"/>
6 vnumber="6"> css="font-weight:bold"> ו אנכי יהוה אלהיך אשר הוצאתיך מארץ מצרים מבית עבדים לא יהיה לך אלהים אחרים על פני
7 vnumber="7"> css="font-weight:bold"> ז לא תעשה לך פסל כל תמונה אשר בשמים ממעל ואשר בארץ מתחת--ואשר במים מתחת לארץ
8 vnumber="8"> css="font-weight:bold"> ח לא תשתחוה להם ולא תעבדם כי אנכי יהוה אלהיך אל קנא--פקד עון אבות על בנים ועל שלשים ועל רבעים לשנאי
9 vnumber="9"> css="font-weight:bold"> ט ועשה חסד לאלפים--לאהבי ולשמרי מצותו (מצותי) {ס} art="x-p"/>
10 vnumber="10"> css="font-weight:bold"> י לא תשא את שם יהוה אלהיך לשוא כי לא ינקה יהוה את אשר ישא את שמו לשוא {ס} art="x-p"/>
11 vnumber="11"> css="font-weight:bold"> יא שמור את יום השבת לקדשו כאשר צוך יהוה אלהיך
12 vnumber="12"> css="font-weight:bold"> יב ששת ימים תעבד ועשית כל מלאכתך
13 vnumber="13"> css="font-weight:bold"> יג ויום השביעי--שבת ליהוה אלהיך לא תעשה כל מלאכה אתה ובנך ובתך ועבדך ואמתך ושורך וחמרך וכל בהמתך וגרך אשר בשעריך--למען ינוח עבדך ואמתך כמוך
14 vnumber="14"> css="font-weight:bold"> יד וזכרת כי עבד היית בארץ מצרים ויצאך יהוה אלהיך משם ביד חזקה ובזרע נטויה על כן צוך יהוה אלהיך לעשות את יום השבת {ס} art="x-p"/>
15 vnumber="15"> css="font-weight:bold"> טו כבד את אביך ואת אמך כאשר צוך יהוה אלהיך--למען יאריכן ימיך ולמען ייטב לך על האדמה אשר יהוה אלהיך נתן לך {ס} art="x-p"/>
16 vnumber="16"> css="font-weight:bold"> טז לא תרצח {ס} ולא תנאף {ס} ולא תגנב {ס} ולא תענה ברעך עד שוא {ס} art="x-p"/>
17 vnumber="17"> css="font-weight:bold"> יז ולא תחמד אשת רעך {ס} ולא תתאוה בית רעך שדהו ועבדו ואמתו שורו וחמרו וכל אשר לרעך {ס} art="x-p"/>
18 vnumber="18"> css="font-weight:bold"> יח את הדברים האלה דבר יהוה אל כל קהלכם בהר מתוך האש הענן והערפל--קול גדול ולא יסף ויכתבם על שני לחת אבנים ויתנם אלי
19 vnumber="19"> css="font-weight:bold"> יט ויהי כשמעכם את הקול מתוך החשך וההר בער באש ותקרבון אלי כל ראשי שבטיכם וזקניכם
20 vnumber="20"> css="font-weight:bold"> כ ותאמרו הן הראנו יהוה אלהינו את כבדו ואת גדלו ואת קלו שמענו מתוך האש היום הזה ראינו כי ידבר אלהים את האדם וחי
21 vnumber="21"> css="font-weight:bold"> כא ועתה למה נמות כי תאכלנו האש הגדלה הזאת אם יספים אנחנו לשמע את קול יהוה אלהינו עוד--ומתנו
22 vnumber="22"> css="font-weight:bold"> כב כי מי כל בשר אשר שמע קול אלהים חיים מדבר מתוך האש כמנו--ויחי
23 vnumber="23"> css="font-weight:bold"> כג קרב אתה ושמע את כל אשר יאמר יהוה אלהינו ואת תדבר אלינו את כל אשר ידבר יהוה אלהינו אליך--ושמענו ועשינו
24 vnumber="24"> css="font-weight:bold"> כד וישמע יהוה את קול דבריכם בדברכם אלי ויאמר יהוה אלי שמעתי את קול דברי העם הזה אשר דברו אליך--היטיבו כל אשר דברו
25 vnumber="25"> css="font-weight:bold"> כה מי יתן והיה לבבם זה להם ליראה אתי ולשמר את כל מצותי--כל הימים למען ייטב להם ולבניהם לעלם
26 vnumber="26"> css="font-weight:bold"> כו לך אמר להם שובו לכם לאהליכם
27 vnumber="27"> css="font-weight:bold"> כז ואתה פה עמד עמדי ואדברה אליך את כל המצוה והחקים והמשפטים אשר תלמדם ועשו בארץ אשר אנכי נתן להם לרשתה
28 vnumber="28"> css="font-weight:bold"> כח ושמרתם לעשות כאשר צוה יהוה אלהיכם אתכם לא תסרו ימין ושמאל
29 vnumber="29"> css="font-weight:bold"> כט בכל הדרך אשר צוה יהוה אלהיכם אתכם--תלכו למען תחיון וטוב לכם והארכתם ימים בארץ אשר תירשון art="x-p"/>