1 vnumber="1"> css="font-weight:bold"> א וידבר אלהים את כל הדברים האלה לאמר {ס} art="x-p"/>
2 vnumber="2"> css="font-weight:bold"> ב אנכי יהוה אלהיך אשר הוצאתיך מארץ מצרים מבית עבדים לא יהיה לך אלהים אחרים על פני
3 vnumber="3"> css="font-weight:bold"> ג לא תעשה לך פסל וכל תמונה אשר בשמים ממעל ואשר בארץ מתחת--ואשר במים מתחת לארץ
4 vnumber="4"> css="font-weight:bold"> ד לא תשתחוה להם ולא תעבדם כי אנכי יהוה אלהיך אל קנא--פקד עון אבת על בנים על שלשים ועל רבעים לשנאי
5 vnumber="5"> css="font-weight:bold"> ה ועשה חסד לאלפים--לאהבי ולשמרי מצותי {ס} art="x-p"/>
6 vnumber="6"> css="font-weight:bold"> ו לא תשא את שם יהוה אלהיך לשוא כי לא ינקה יהוה את אשר ישא את שמו לשוא {פ} art="x-p"/>
7 vnumber="7"> css="font-weight:bold"> ז זכור את יום השבת לקדשו
8 vnumber="8"> css="font-weight:bold"> ח ששת ימים תעבד ועשית כל מלאכתך
9 vnumber="9"> css="font-weight:bold"> ט ויום השביעי--שבת ליהוה אלהיך לא תעשה כל מלאכה אתה ובנך ובתך עבדך ואמתך ובהמתך וגרך אשר בשעריך
10 vnumber="10"> css="font-weight:bold"> י כי ששת ימים עשה יהוה את השמים ואת הארץ את הים ואת כל אשר בם וינח ביום השביעי על כן ברך יהוה את יום השבת--ויקדשהו {ס} art="x-p"/>
11 vnumber="11"> css="font-weight:bold"> יא כבד את אביך ואת אמך--למען יארכון ימיך על האדמה אשר יהוה אלהיך נתן לך {ס} art="x-p"/>
12 vnumber="12"> css="font-weight:bold"> יב לא תרצח {ס} לא תנאף {ס} לא תגנב {ס} לא תענה ברעך עד שקר {ס} art="x-p"/>
13 vnumber="13"> css="font-weight:bold"> יג לא תחמד בית רעך {ס} לא תחמד אשת רעך ועבדו ואמתו ושורו וחמרו וכל אשר לרעך {פ} art="x-p"/>
14 vnumber="14"> css="font-weight:bold"> יד וכל העם ראים את הקולת ואת הלפידם ואת קול השפר ואת ההר עשן וירא העם וינעו ויעמדו מרחק
15 vnumber="15"> css="font-weight:bold"> טו ויאמרו אל משה דבר אתה עמנו ונשמעה ואל ידבר עמנו אלהים פן נמות
16 vnumber="16"> css="font-weight:bold"> טז ויאמר משה אל העם אל תיראו כי לבעבור נסות אתכם בא האלהים ובעבור תהיה יראתו על פניכם--לבלתי תחטאו
17 vnumber="17"> css="font-weight:bold"> יז ויעמד העם מרחק ומשה נגש אל הערפל אשר שם האלהים {ס} art="x-p"/>
18 vnumber="18"> css="font-weight:bold"> יח ויאמר יהוה אל משה כה תאמר אל בני ישראל אתם ראיתם--כי מן השמים דברתי עמכם
19 vnumber="19"> css="font-weight:bold"> יט לא תעשון אתי אלהי כסף ואלהי זהב לא תעשו לכם
20 vnumber="20"> css="font-weight:bold"> כ מזבח אדמה תעשה לי וזבחת עליו את עלתיך ואת שלמיך את צאנך ואת בקרך בכל המקום אשר אזכיר את שמי אבוא אליך וברכתיך
21 vnumber="21"> css="font-weight:bold"> כא ואם מזבח אבנים תעשה לי לא תבנה אתהן גזית כי חרבך הנפת עליה ותחללה
22 vnumber="22"> css="font-weight:bold"> כב ולא תעלה במעלת על מזבחי אשר לא תגלה ערותך עליו {פ} art="x-p"/>