1 vnumber="1"> css="font-weight:bold"> א ואלה המשפטים אשר תשים לפניהם
2 vnumber="2"> css="font-weight:bold"> ב כי תקנה עבד עברי שש שנים יעבד ובשבעת--יצא לחפשי חנם
3 vnumber="3"> css="font-weight:bold"> ג אם בגפו יבא בגפו יצא אם בעל אשה הוא ויצאה אשתו עמו
4 vnumber="4"> css="font-weight:bold"> ד אם אדניו יתן לו אשה וילדה לו בנים או בנות--האשה וילדיה תהיה לאדניה והוא יצא בגפו
5 vnumber="5"> css="font-weight:bold"> ה ואם אמר יאמר העבד אהבתי את אדני את אשתי ואת בני לא אצא חפשי
6 vnumber="6"> css="font-weight:bold"> ו והגישו אדניו אל האלהים והגישו אל הדלת או אל המזוזה ורצע אדניו את אזנו במרצע ועבדו לעלם {ס} art="x-p"/>
7 vnumber="7"> css="font-weight:bold"> ז וכי ימכר איש את בתו לאמה--לא תצא כצאת העבדים
8 vnumber="8"> css="font-weight:bold"> ח אם רעה בעיני אדניה אשר לא (לו) יעדה--והפדה לעם נכרי לא ימשל למכרה בבגדו בה
9 vnumber="9"> css="font-weight:bold"> ט ואם לבנו ייעדנה--כמשפט הבנות יעשה לה
10 vnumber="10"> css="font-weight:bold"> י אם אחרת יקח לו--שארה כסותה וענתה לא יגרע
11 vnumber="11"> css="font-weight:bold"> יא ואם שלש אלה--לא יעשה לה ויצאה חנם אין כסף {ס} art="x-p"/>
12 vnumber="12"> css="font-weight:bold"> יב מכה איש ומת מות יומת
13 vnumber="13"> css="font-weight:bold"> יג ואשר לא צדה והאלהים אנה לידו--ושמתי לך מקום אשר ינוס שמה {ס} art="x-p"/>
14 vnumber="14"> css="font-weight:bold"> יד וכי יזד איש על רעהו להרגו בערמה--מעם מזבחי תקחנו למות {ס} art="x-p"/>
15 vnumber="15"> css="font-weight:bold"> טו ומכה אביו ואמו מות יומת {ס} art="x-p"/>
16 vnumber="16"> css="font-weight:bold"> טז וגנב איש ומכרו ונמצא בידו מות יומת {ס} art="x-p"/>
17 vnumber="17"> css="font-weight:bold"> יז ומקלל אביו ואמו מות יומת {ס} art="x-p"/>
18 vnumber="18"> css="font-weight:bold"> יח וכי יריבן אנשים--והכה איש את רעהו באבן או באגרף ולא ימות ונפל למשכב
19 vnumber="19"> css="font-weight:bold"> יט אם יקום והתהלך בחוץ על משענתו--ונקה המכה רק שבתו יתן ורפא ירפא {ס} art="x-p"/>
20 vnumber="20"> css="font-weight:bold"> כ וכי יכה איש את עבדו או את אמתו בשבט ומת תחת ידו--נקם ינקם
21 vnumber="21"> css="font-weight:bold"> כא אך אם יום או יומים יעמד--לא יקם כי כספו הוא {ס} art="x-p"/>
22 vnumber="22"> css="font-weight:bold"> כב וכי ינצו אנשים ונגפו אשה הרה ויצאו ילדיה ולא יהיה אסון--ענוש יענש כאשר ישית עליו בעל האשה ונתן בפללים
23 vnumber="23"> css="font-weight:bold"> כג ואם אסון יהיה--ונתתה נפש תחת נפש
24 vnumber="24"> css="font-weight:bold"> כד עין תחת עין שן תחת שן יד תחת יד רגל תחת רגל
25 vnumber="25"> css="font-weight:bold"> כה כויה תחת כויה פצע תחת פצע חבורה תחת חבורה {ס} art="x-p"/>
26 vnumber="26"> css="font-weight:bold"> כו וכי יכה איש את עין עבדו או את עין אמתו--ושחתה לחפשי ישלחנו תחת עינו
27 vnumber="27"> css="font-weight:bold"> כז ואם שן עבדו או שן אמתו יפיל--לחפשי ישלחנו תחת שנו {פ} art="x-p"/>
28 vnumber="28"> css="font-weight:bold"> כח וכי יגח שור את איש או את אשה ומת--סקול יסקל השור ולא יאכל את בשרו ובעל השור נקי
29 vnumber="29"> css="font-weight:bold"> כט ואם שור נגח הוא מתמל שלשם והועד בבעליו ולא ישמרנו והמית איש או אשה--השור יסקל וגם בעליו יומת
30 vnumber="30"> css="font-weight:bold"> ל אם כפר יושת עליו--ונתן פדין נפשו ככל אשר יושת עליו
31 vnumber="31"> css="font-weight:bold"> לא או בן יגח או בת יגח--כמשפט הזה יעשה לו
32 vnumber="32"> css="font-weight:bold"> לב אם עבד יגח השור או אמה--כסף שלשים שקלים יתן לאדניו והשור יסקל {ס} art="x-p"/>
33 vnumber="33"> css="font-weight:bold"> לג וכי יפתח איש בור או כי יכרה איש בר--ולא יכסנו ונפל שמה שור או חמור
34 vnumber="34"> css="font-weight:bold"> לד בעל הבור ישלם כסף ישיב לבעליו והמת יהיה לו {ס} art="x-p"/>
35 vnumber="35"> css="font-weight:bold"> לה וכי יגף שור איש את שור רעהו ומת--ומכרו את השור החי וחצו את כספו וגם את המת יחצון
36 vnumber="36"> css="font-weight:bold"> לו או נודע כי שור נגח הוא מתמול שלשם ולא ישמרנו בעליו--שלם ישלם שור תחת השור והמת יהיה לו {ס} art="x-p"/> (Exodus 21:37) css="font-weight:bold"> לז כי יגנב איש שור או שה וטבחו או מכרו--חמשה בקר ישלם תחת השור וארבע צאן תחת השה art="x-p"/>