1 vnumber="1"> ועשית את המזבח עצי שטים חמש אמות ארך וחמש אמות רחב רבוע יהיה המזבח ושלש אמות קמתו
2 vnumber="2"> ועשית קרנתיו על ארבע פנתיו--ממנו תהיין קרנתיו וצפית אתו נחשת
3 vnumber="3"> ועשית סירתיו לדשנו ויעיו ומזרקתיו ומזלגתיו ומחתתיו לכל כליו תעשה נחשת
4 vnumber="4"> ועשית לו מכבר מעשה רשת נחשת ועשית על הרשת ארבע טבעת נחשת על ארבע קצותיו
5 vnumber="5"> ונתתה אתה תחת כרכב המזבח--מלמטה והיתה הרשת עד חצי המזבח
6 vnumber="6"> ועשית בדים למזבח בדי עצי שטים וצפית אתם נחשת
7 vnumber="7"> והובא את בדיו בטבעת והיו הבדים על שתי צלעת המזבח--בשאת אתו
8 vnumber="8"> נבוב לחת תעשה אתו כאשר הראה אתך בהר כן יעשו {ס}
art="x-p"/>
9 vnumber="9"> ועשית את חצר המשכן--לפאת נגב תימנה קלעים לחצר שש משזר מאה באמה ארך לפאה האחת
10 vnumber="10"> ועמדיו עשרים ואדניהם עשרים נחשת ווי העמדים וחשקיהם כסף
11 vnumber="11"> וכן לפאת צפון בארך קלעים מאה ארך ועמדו עשרים ואדניהם עשרים נחשת ווי העמדים וחשקיהם כסף
12 vnumber="12"> ורחב החצר לפאת ים קלעים חמשים אמה עמדיהם עשרה ואדניהם עשרה
13 vnumber="13"> ורחב החצר לפאת קדמה מזרחה--חמשים אמה
14 vnumber="14"> וחמש עשרה אמה קלעים לכתף עמדיהם שלשה ואדניהם שלשה
15 vnumber="15"> ולכתף השנית--חמש עשרה קלעים עמדיהם שלשה ואדניהם שלשה
16 vnumber="16"> ולשער החצר מסך עשרים אמה תכלת וארגמן ותולעת שני ושש משזר--מעשה רקם עמדיהם ארבעה ואדניהם ארבעה
17 vnumber="17"> כל עמודי החצר סביב מחשקים כסף וויהם כסף ואדניהם נחשת
18 vnumber="18"> ארך החצר מאה באמה ורחב חמשים בחמשים וקמה חמש אמות--שש משזר ואדניהם נחשת
19 vnumber="19"> לכל כלי המשכן בכל עבדתו וכל יתדתיו וכל יתדת החצר נחשת {ס}
art="x-p"/>
20 vnumber="20"> ואתה תצוה את בני ישראל ויקחו אליך שמן זית זך כתית--למאור להעלת נר תמיד
21 vnumber="21"> באהל מועד מחוץ לפרכת אשר על העדת יערך אתו אהרן ובניו מערב עד בקר--לפני יהוה חקת עולם לדרתם מאת בני ישראל {ס}
art="x-p"/>