1 vnumber="1"> css="font-weight:bold"> א וידבר יהוה אל משה לאמר
2 vnumber="2"> css="font-weight:bold"> ב ביום החדש הראשון באחד לחדש תקים את משכן אהל מועד
3 vnumber="3"> css="font-weight:bold"> ג ושמת שם את ארון העדות וסכת על הארן את הפרכת
4 vnumber="4"> css="font-weight:bold"> ד והבאת את השלחן וערכת את ערכו והבאת את המנרה והעלית את נרתיה
5 vnumber="5"> css="font-weight:bold"> ה ונתתה את מזבח הזהב לקטרת לפני ארון העדת ושמת את מסך הפתח למשכן
6 vnumber="6"> css="font-weight:bold"> ו ונתתה את מזבח העלה לפני פתח משכן אהל מועד
7 vnumber="7"> css="font-weight:bold"> ז ונתת את הכיר בין אהל מועד ובין המזבח ונתת שם מים
8 vnumber="8"> css="font-weight:bold"> ח ושמת את החצר סביב ונתת את מסך שער החצר
9 vnumber="9"> css="font-weight:bold"> ט ולקחת את שמן המשחה ומשחת את המשכן ואת כל אשר בו וקדשת אתו ואת כל כליו והיה קדש
10 vnumber="10"> css="font-weight:bold"> י ומשחת את מזבח העלה ואת כל כליו וקדשת את המזבח והיה המזבח קדש קדשים
11 vnumber="11"> css="font-weight:bold"> יא ומשחת את הכיר ואת כנו וקדשת אתו
12 vnumber="12"> css="font-weight:bold"> יב והקרבת את אהרן ואת בניו אל פתח אהל מועד ורחצת אתם במים
13 vnumber="13"> css="font-weight:bold"> יג והלבשת את אהרן את בגדי הקדש ומשחת אתו וקדשת אתו וכהן לי
14 vnumber="14"> css="font-weight:bold"> יד ואת בניו תקריב והלבשת אתם כתנת
15 vnumber="15"> css="font-weight:bold"> טו ומשחת אתם כאשר משחת את אביהם וכהנו לי והיתה להית להם משחתם לכהנת עולם--לדרתם
16 vnumber="16"> css="font-weight:bold"> טז ויעש משה ככל אשר צוה יהוה אתו--כן עשה {ס} art="x-p"/>
17 vnumber="17"> css="font-weight:bold"> יז ויהי בחדש הראשון בשנה השנית--באחד לחדש הוקם המשכן
18 vnumber="18"> css="font-weight:bold"> יח ויקם משה את המשכן ויתן את אדניו וישם את קרשיו ויתן את בריחיו ויקם את עמודיו
19 vnumber="19"> css="font-weight:bold"> יט ויפרש את האהל על המשכן וישם את מכסה האהל עליו מלמעלה--כאשר צוה יהוה את משה {ס} art="x-p"/>
20 vnumber="20"> css="font-weight:bold"> כ ויקח ויתן את העדת אל הארן וישם את הבדים על הארן ויתן את הכפרת על הארן מלמעלה
21 vnumber="21"> css="font-weight:bold"> כא ויבא את הארן אל המשכן וישם את פרכת המסך ויסך על ארון העדות--כאשר צוה יהוה את משה {ס} art="x-p"/>
22 vnumber="22"> css="font-weight:bold"> כב ויתן את השלחן באהל מועד על ירך המשכן צפנה מחוץ לפרכת
23 vnumber="23"> css="font-weight:bold"> כג ויערך עליו ערך לחם לפני יהוה--כאשר צוה יהוה את משה {ס} art="x-p"/>
24 vnumber="24"> css="font-weight:bold"> כד וישם את המנרה באהל מועד נכח השלחן על ירך המשכן נגבה
25 vnumber="25"> css="font-weight:bold"> כה ויעל הנרת לפני יהוה--כאשר צוה יהוה את משה {ס} art="x-p"/>
26 vnumber="26"> css="font-weight:bold"> כו וישם את מזבח הזהב באהל מועד לפני הפרכת
27 vnumber="27"> css="font-weight:bold"> כז ויקטר עליו קטרת סמים--כאשר צוה יהוה את משה {ס} art="x-p"/>
28 vnumber="28"> css="font-weight:bold"> כח וישם את מסך הפתח למשכן
29 vnumber="29"> css="font-weight:bold"> כט ואת מזבח העלה שם פתח משכן אהל מועד ויעל עליו את העלה ואת המנחה--כאשר צוה יהוה את משה {ס} art="x-p"/>
30 vnumber="30"> css="font-weight:bold"> ל וישם את הכיר בין אהל מועד ובין המזבח ויתן שמה מים לרחצה
31 vnumber="31"> css="font-weight:bold"> לא ורחצו ממנו משה ואהרן ובניו את ידיהם ואת רגליהם
32 vnumber="32"> css="font-weight:bold"> לב בבאם אל אהל מועד ובקרבתם אל המזבח--ירחצו כאשר צוה יהוה את משה {ס} art="x-p"/>
33 vnumber="33"> css="font-weight:bold"> לג ויקם את החצר סביב למשכן ולמזבח ויתן את מסך שער החצר ויכל משה את המלאכה {פ} art="x-p"/>
34 vnumber="34"> css="font-weight:bold"> לד ויכס הענן את אהל מועד וכבוד יהוה מלא את המשכן
35 vnumber="35"> css="font-weight:bold"> לה ולא יכל משה לבוא אל אהל מועד--כי שכן עליו הענן וכבוד יהוה מלא את המשכן
36 vnumber="36"> css="font-weight:bold"> לו ובהעלות הענן מעל המשכן יסעו בני ישראל בכל מסעיהם
37 vnumber="37"> css="font-weight:bold"> לז ואם לא יעלה הענן--ולא יסעו עד יום העלתו
38 vnumber="38"> css="font-weight:bold"> לח כי ענן יהוה על המשכן יומם ואש תהיה לילה בו--לעיני כל בית ישראל בכל מסעיהם {ש} art="x-p"/>