1 vnumber="1"> וידבר יהוה אל משה לאמר
2 vnumber="2"> ביום החדש הראשון באחד לחדש תקים את משכן אהל מועד
3 vnumber="3"> ושמת שם את ארון העדות וסכת על הארן את הפרכת
4 vnumber="4"> והבאת את השלחן וערכת את ערכו והבאת את המנרה והעלית את נרתיה
5 vnumber="5"> ונתתה את מזבח הזהב לקטרת לפני ארון העדת ושמת את מסך הפתח למשכן
6 vnumber="6"> ונתתה את מזבח העלה לפני פתח משכן אהל מועד
7 vnumber="7"> ונתת את הכיר בין אהל מועד ובין המזבח ונתת שם מים
8 vnumber="8"> ושמת את החצר סביב ונתת את מסך שער החצר
9 vnumber="9"> ולקחת את שמן המשחה ומשחת את המשכן ואת כל אשר בו וקדשת אתו ואת כל כליו והיה קדש
10 vnumber="10"> ומשחת את מזבח העלה ואת כל כליו וקדשת את המזבח והיה המזבח קדש קדשים
11 vnumber="11"> ומשחת את הכיר ואת כנו וקדשת אתו
12 vnumber="12"> והקרבת את אהרן ואת בניו אל פתח אהל מועד ורחצת אתם במים
13 vnumber="13"> והלבשת את אהרן את בגדי הקדש ומשחת אתו וקדשת אתו וכהן לי
14 vnumber="14"> ואת בניו תקריב והלבשת אתם כתנת
15 vnumber="15"> ומשחת אתם כאשר משחת את אביהם וכהנו לי והיתה להית להם משחתם לכהנת עולם--לדרתם
16 vnumber="16"> ויעש משה ככל אשר צוה יהוה אתו--כן עשה {ס}
art="x-p"/>
17 vnumber="17"> ויהי בחדש הראשון בשנה השנית--באחד לחדש הוקם המשכן
18 vnumber="18"> ויקם משה את המשכן ויתן את אדניו וישם את קרשיו ויתן את בריחיו ויקם את עמודיו
19 vnumber="19"> ויפרש את האהל על המשכן וישם את מכסה האהל עליו מלמעלה--כאשר צוה יהוה את משה {ס}
art="x-p"/>
20 vnumber="20"> ויקח ויתן את העדת אל הארן וישם את הבדים על הארן ויתן את הכפרת על הארן מלמעלה
21 vnumber="21"> ויבא את הארן אל המשכן וישם את פרכת המסך ויסך על ארון העדות--כאשר צוה יהוה את משה {ס}
art="x-p"/>
22 vnumber="22"> ויתן את השלחן באהל מועד על ירך המשכן צפנה מחוץ לפרכת
23 vnumber="23"> ויערך עליו ערך לחם לפני יהוה--כאשר צוה יהוה את משה {ס}
art="x-p"/>
24 vnumber="24"> וישם את המנרה באהל מועד נכח השלחן על ירך המשכן נגבה
25 vnumber="25"> ויעל הנרת לפני יהוה--כאשר צוה יהוה את משה {ס}
art="x-p"/>
26 vnumber="26"> וישם את מזבח הזהב באהל מועד לפני הפרכת
27 vnumber="27"> ויקטר עליו קטרת סמים--כאשר צוה יהוה את משה {ס}
art="x-p"/>
28 vnumber="28"> וישם את מסך הפתח למשכן
29 vnumber="29"> ואת מזבח העלה שם פתח משכן אהל מועד ויעל עליו את העלה ואת המנחה--כאשר צוה יהוה את משה {ס}
art="x-p"/>
30 vnumber="30"> וישם את הכיר בין אהל מועד ובין המזבח ויתן שמה מים לרחצה
31 vnumber="31"> ורחצו ממנו משה ואהרן ובניו את ידיהם ואת רגליהם
32 vnumber="32"> בבאם אל אהל מועד ובקרבתם אל המזבח--ירחצו כאשר צוה יהוה את משה {ס}
art="x-p"/>
33 vnumber="33"> ויקם את החצר סביב למשכן ולמזבח ויתן את מסך שער החצר ויכל משה את המלאכה {פ}
art="x-p"/>
34 vnumber="34"> ויכס הענן את אהל מועד וכבוד יהוה מלא את המשכן
35 vnumber="35"> ולא יכל משה לבוא אל אהל מועד--כי שכן עליו הענן וכבוד יהוה מלא את המשכן
36 vnumber="36"> ובהעלות הענן מעל המשכן יסעו בני ישראל בכל מסעיהם
37 vnumber="37"> ואם לא יעלה הענן--ולא יסעו עד יום העלתו
38 vnumber="38"> כי ענן יהוה על המשכן יומם ואש תהיה לילה בו--לעיני כל בית ישראל בכל מסעיהם {ש}
art="x-p"/>