1 vnumber="1"> css="font-weight:bold"> א ויהי דבר יהוה אלי לאמר
2 vnumber="2"> css="font-weight:bold"> ב בן אדם מה יהיה עץ הגפן מכל עץ--הזמורה אשר היה בעצי היער
3 vnumber="3"> css="font-weight:bold"> ג היקח ממנו עץ לעשות למלאכה אם יקחו ממנו יתד לתלות עליו כל כלי
4 vnumber="4"> css="font-weight:bold"> ד הנה לאש נתן לאכלה את שני קצותיו אכלה האש ותוכו נחר--היצלח למלאכה
5 vnumber="5"> css="font-weight:bold"> ה הנה בהיותו תמים לא יעשה למלאכה אף כי אש אכלתהו ויחר ונעשה עוד למלאכה {ס} art="x-p"/>
6 vnumber="6"> css="font-weight:bold"> ו לכן כה אמר אדני יהוה כאשר עץ הגפן בעץ היער אשר נתתיו לאש לאכלה--כן נתתי את ישבי ירושלם
7 vnumber="7"> css="font-weight:bold"> ז ונתתי את פני בהם--מהאש יצאו והאש תאכלם וידעתם כי אני יהוה בשומי את פני בהם
8 vnumber="8"> css="font-weight:bold"> ח ונתתי את הארץ שממה--יען מעלו מעל נאם אדני יהוה {פ} art="x-p"/>