1 vnumber="1"> css="font-weight:bold"> א ויהי דבר יהוה אלי לאמר
2 vnumber="2"> css="font-weight:bold"> ב ואתה בן אדם התשפט התשפט את עיר הדמים והודעתה את כל תועבותיה
3 vnumber="3"> css="font-weight:bold"> ג ואמרת כה אמר אדני יהוה עיר שפכת דם בתוכה לבוא עתה ועשתה גלולים עליה לטמאה
4 vnumber="4"> css="font-weight:bold"> ד בדמך אשר שפכת אשמת ובגלוליך אשר עשית טמאת ותקריבי ימיך ותבוא עד שנותיך על כן נתתיך חרפה לגוים וקלסה לכל הארצות
5 vnumber="5"> css="font-weight:bold"> ה הקרבות והרחקות ממך יתקלסו בך--טמאת השם רבת המהומה
6 vnumber="6"> css="font-weight:bold"> ו הנה נשיאי ישראל איש לזרעו היו בך למען שפך דם
7 vnumber="7"> css="font-weight:bold"> ז אב ואם הקלו בך לגר עשו בעשק בתוכך יתום ואלמנה הונו בך
8 vnumber="8"> css="font-weight:bold"> ח קדשי בזית ואת שבתתי חללת
9 vnumber="9"> css="font-weight:bold"> ט אנשי רכיל היו בך למען שפך דם ואל ההרים אכלו בך זמה עשו בתוכך
10 vnumber="10"> css="font-weight:bold"> י ערות אב גלה בך טמאת הנדה ענו בך
11 vnumber="11"> css="font-weight:bold"> יא ואיש את אשת רעהו עשה תועבה ואיש את כלתו טמא בזמה ואיש את אחתו בת אביו ענה בך
12 vnumber="12"> css="font-weight:bold"> יב שחד לקחו בך למען שפך דם נשך ותרבית לקחת ותבצעי רעיך בעשק ואתי שכחת נאם אדני יהוה
13 vnumber="13"> css="font-weight:bold"> יג והנה הכיתי כפי אל בצעך אשר עשית ועל דמך אשר היו בתוכך
14 vnumber="14"> css="font-weight:bold"> יד היעמד לבך אם תחזקנה ידיך לימים אשר אני עשה אותך אני יהוה דברתי ועשיתי
15 vnumber="15"> css="font-weight:bold"> טו והפיצותי אותך בגוים וזריתיך בארצות והתמתי טמאתך ממך
16 vnumber="16"> css="font-weight:bold"> טז ונחלת בך לעיני גוים וידעת כי אני יהוה {פ} art="x-p"/>
17 vnumber="17"> css="font-weight:bold"> יז ויהי דבר יהוה אלי לאמר
18 vnumber="18"> css="font-weight:bold"> יח בן אדם היו לי בית ישראל לסוג (לסיג) כלם נחשת ובדיל וברזל ועופרת בתוך כור--סגים כסף היו {ס} art="x-p"/>
19 vnumber="19"> css="font-weight:bold"> יט לכן כה אמר אדני יהוה יען היות כלכם לסגים לכן הנני קבץ אתכם אל תוך ירושלם
20 vnumber="20"> css="font-weight:bold"> כ קבצת כסף ונחשת וברזל ועופרת ובדיל אל תוך כור לפחת עליו אש להנתיך כן אקבץ באפי ובחמתי והנחתי והתכתי אתכם
21 vnumber="21"> css="font-weight:bold"> כא וכנסתי אתכם ונפחתי עליכם באש עברתי ונתכתם בתוכה
22 vnumber="22"> css="font-weight:bold"> כב כהתוך כסף בתוך כור כן תתכו בתוכה וידעתם כי אני יהוה שפכתי חמתי עליכם {פ} art="x-p"/>
23 vnumber="23"> css="font-weight:bold"> כג ויהי דבר יהוה אלי לאמר
24 vnumber="24"> css="font-weight:bold"> כד בן אדם--אמר לה את ארץ לא מטהרה היא לא גשמה ביום זעם
25 vnumber="25"> css="font-weight:bold"> כה קשר נביאיה בתוכה כארי שואג טרף טרף נפש אכלו חסן ויקר יקחו--אלמנותיה הרבו בתוכה
26 vnumber="26"> css="font-weight:bold"> כו כהניה חמסו תורתי ויחללו קדשי--בין קדש לחל לא הבדילו ובין הטמא לטהור לא הודיעו ומשבתותי העלימו עיניהם ואחל בתוכם
27 vnumber="27"> css="font-weight:bold"> כז שריה בקרבה כזאבים טרפי טרף--לשפך דם לאבד נפשות למען בצע בצע
28 vnumber="28"> css="font-weight:bold"> כח ונביאיה טחו להם תפל--חזים שוא וקסמים להם כזב אמרים כה אמר אדני יהוה ויהוה לא דבר
29 vnumber="29"> css="font-weight:bold"> כט עם הארץ עשקו עשק וגזלו גזל ועני ואביון הונו ואת הגר עשקו בלא משפט
30 vnumber="30"> css="font-weight:bold"> ל ואבקש מהם איש גדר גדר ועמד בפרץ לפני בעד הארץ--לבלתי שחתה ולא מצאתי
31 vnumber="31"> css="font-weight:bold"> לא ואשפך עליהם זעמי באש עברתי כליתים דרכם בראשם נתתי נאם אדני יהוה {פ} art="x-p"/>