1 vnumber="1"> css="font-weight:bold"> א ויהי דבר יהוה אלי לאמר
2 vnumber="2"> css="font-weight:bold"> ב בן אדם--הנבא ואמרת כה אמר אדני יהוה הילילו הה ליום
3 vnumber="3"> css="font-weight:bold"> ג כי קרוב יום וקרוב יום ליהוה יום ענן עת גוים יהיה
4 vnumber="4"> css="font-weight:bold"> ד ובאה חרב במצרים והיתה חלחלה בכוש בנפל חלל במצרים ולקחו המונה ונהרסו יסדותיה
5 vnumber="5"> css="font-weight:bold"> ה כוש ופוט ולוד וכל הערב וכוב ובני ארץ הברית--אתם בחרב יפלו {פ} art="x-p"/>
6 vnumber="6"> css="font-weight:bold"> ו כה אמר יהוה ונפלו סמכי מצרים וירד גאון עזה ממגדל סונה בחרב יפלו בה--נאם אדני יהוה
7 vnumber="7"> css="font-weight:bold"> ז ונשמו בתוך ארצות נשמות ועריו בתוך ערים נחרבות תהיינה
8 vnumber="8"> css="font-weight:bold"> ח וידעו כי אני יהוה בתתי אש במצרים ונשברו כל עזריה
9 vnumber="9"> css="font-weight:bold"> ט ביום ההוא יצאו מלאכים מלפני בצים להחריד את כוש בטח והיתה חלחלה בהם ביום מצרים כי הנה באה {ס} art="x-p"/>
10 vnumber="10"> css="font-weight:bold"> י כה אמר אדני יהוה והשבתי את המון מצרים ביד נבוכדראצר מלך בבל
11 vnumber="11"> css="font-weight:bold"> יא הוא ועמו אתו עריצי גוים--מובאים לשחת הארץ והריקו חרבותם על מצרים ומלאו את הארץ חלל
12 vnumber="12"> css="font-weight:bold"> יב ונתתי יארים חרבה ומכרתי את הארץ ביד רעים והשמתי ארץ ומלאה ביד זרים--אני יהוה דברתי {ס} art="x-p"/>
13 vnumber="13"> css="font-weight:bold"> יג כה אמר אדני יהוה והאבדתי גלולים והשבתי אלילים מנף ונשיא מארץ מצרים לא יהיה עוד ונתתי יראה בארץ מצרים
14 vnumber="14"> css="font-weight:bold"> יד והשמתי את פתרוס ונתתי אש בצען ועשיתי שפטים בנא
15 vnumber="15"> css="font-weight:bold"> טו ושפכתי חמתי על סין מעוז מצרים והכרתי את המון נא
16 vnumber="16"> css="font-weight:bold"> טז ונתתי אש במצרים--חול תחיל (תחול) סין ונא תהיה להבקע ונף צרי יומם
17 vnumber="17"> css="font-weight:bold"> יז בחורי און ופי בסת בחרב יפלו והנה בשבי תלכנה
18 vnumber="18"> css="font-weight:bold"> יח ובתחפנחס חשך היום בשברי שם את מטות מצרים ונשבת בה גאון עזה היא ענן יכסנה ובנותיה בשבי תלכנה
19 vnumber="19"> css="font-weight:bold"> יט ועשיתי שפטים במצרים וידעו כי אני יהוה {פ} art="x-p"/>
20 vnumber="20"> css="font-weight:bold"> כ ויהי באחת עשרה שנה בראשון בשבעה לחדש היה דבר יהוה אלי לאמר
21 vnumber="21"> css="font-weight:bold"> כא בן אדם את זרוע פרעה מלך מצרים שברתי והנה לא חבשה לתת רפאות לשום חתול לחבשה לחזקה--לתפש בחרב {ס} art="x-p"/>
22 vnumber="22"> css="font-weight:bold"> כב לכן כה אמר אדני יהוה הנני אל פרעה מלך מצרים ושברתי את זרעתיו את החזקה ואת הנשברת והפלתי את החרב מידו
23 vnumber="23"> css="font-weight:bold"> כג והפצותי את מצרים בגוים וזריתם בארצות
24 vnumber="24"> css="font-weight:bold"> כד וחזקתי את זרעות מלך בבל ונתתי את חרבי בידו ושברתי את זרעות פרעה ונאק נאקות חלל לפניו
25 vnumber="25"> css="font-weight:bold"> כה והחזקתי את זרעות מלך בבל וזרעות פרעה תפלנה וידעו כי אני יהוה בתתי חרבי ביד מלך בבל ונטה אותה אל ארץ מצרים
26 vnumber="26"> css="font-weight:bold"> כו והפצותי את מצרים בגוים וזריתי אותם בארצות וידעו כי אני יהוה {פ} art="x-p"/>