1 vnumber="1"> וישבני אל פתח הבית והנה מים יצאים מתחת מפתן הבית קדימה כי פני הבית קדים והמים ירדים מתחת מכתף הבית הימנית מנגב למזבח
2 vnumber="2"> ויוצאני דרך שער צפונה ויסבני דרך חוץ אל שער החוץ דרך הפונה קדים והנה מים מפכים מן הכתף הימנית
3 vnumber="3"> בצאת האיש קדים וקו בידו וימד אלף באמה ויעברני במים מי אפסים
4 vnumber="4"> וימד אלף ויעברני במים מים ברכים וימד אלף ויעברני מי מתנים
5 vnumber="5"> וימד אלף--נחל אשר לא אוכל לעבר כי גאו המים מי שחו נחל אשר לא יעבר
6 vnumber="6"> ויאמר אלי הראית בן אדם ויולכני וישבני שפת הנחל
7 vnumber="7"> בשובני--והנה אל שפת הנחל עץ רב מאד מזה ומזה
8 vnumber="8"> ויאמר אלי המים האלה יוצאים אל הגלילה הקדמונה וירדו על הערבה ובאו הימה אל הימה המוצאים ונרפאו המים
9 vnumber="9"> והיה כל נפש חיה אשר ישרץ אל כל אשר יבוא שם נחלים יחיה והיה הדגה רבה מאד כי באו שמה המים האלה וירפאו וחי--כל אשר יבוא שמה הנחל
10 vnumber="10"> והיה יעמדו (עמדו) עליו דוגים מעין גדי ועד עין עגלים--משטוח לחרמים יהיו למינה תהיה דגתם כדגת הים הגדול רבה מאד
11 vnumber="11"> בצאתו וגבאיו ולא ירפאו למלח נתנו
12 vnumber="12"> ועל הנחל יעלה על שפתו מזה ומזה כל עץ מאכל לא יבול עלהו ולא יתם פריו לחדשיו יבכר--כי מימיו מן המקדש המה יוצאים והיו (והיה) פריו למאכל ועלהו לתרופה {פ}
art="x-p"/>
13 vnumber="13"> כה אמר אדני יהוה גה גבול אשר תתנחלו את הארץ לשני עשר שבטי ישראל--יוסף חבלים
14 vnumber="14"> ונחלתם אותה איש כאחיו אשר נשאתי את ידי לתתה לאבתיכם ונפלה הארץ הזאת לכם--בנחלה
15 vnumber="15"> וזה גבול הארץ לפאת צפונה מן הים הגדול הדרך חתלן--לבוא צדדה
16 vnumber="16"> חמת ברותה סברים אשר בין גבול דמשק ובין גבול חמת חצר התיכון אשר אל גבול חורן
17 vnumber="17"> והיה גבול מן הים חצר עינון גבול דמשק וצפון צפונה וגבול חמת ואת פאת צפון
18 vnumber="18"> ופאת קדים מבין חורן ומבין דמשק ומבין הגלעד ומבין ארץ ישראל הירדן--מגבול על הים הקדמוני תמדו ואת פאת קדימה
19 vnumber="19"> ופאת נגב תימנה מתמר עד מי מריבות קדש נחלה אל הים הגדול ואת פאת תימנה נגבה
20 vnumber="20"> ופאת ים הים הגדול מגבול עד נכח לבוא חמת זאת פאת ים
21 vnumber="21"> וחלקתם את הארץ הזאת לכם--לשבטי ישראל
22 vnumber="22"> והיה תפלו אותה בנחלה לכם ולהגרים הגרים בתוככם אשר הולדו בנים בתוככם והיו לכם כאזרח בבני ישראל--אתכם יפלו בנחלה בתוך שבטי ישראל
23 vnumber="23"> והיה בשבט אשר גר הגר אתו--שם תתנו נחלתו נאם אדני יהוה {פ}
art="x-p"/>