1 vnumber="1"> css="font-weight:bold"> א ויסף אברהם ויקח אשה ושמה קטורה
2 vnumber="2"> css="font-weight:bold"> ב ותלד לו את זמרן ואת יקשן ואת מדן ואת מדין--ואת ישבק ואת שוח
3 vnumber="3"> css="font-weight:bold"> ג ויקשן ילד את שבא ואת דדן ובני דדן היו אשורם ולטושם ולאמים
4 vnumber="4"> css="font-weight:bold"> ד ובני מדין עיפה ועפר וחנך ואבידע ואלדעה כל אלה בני קטורה
5 vnumber="5"> css="font-weight:bold"> ה ויתן אברהם את כל אשר לו ליצחק
6 vnumber="6"> css="font-weight:bold"> ו ולבני הפילגשים אשר לאברהם נתן אברהם מתנת וישלחם מעל יצחק בנו בעודנו חי קדמה אל ארץ קדם
7 vnumber="7"> css="font-weight:bold"> ז ואלה ימי שני חיי אברהם--אשר חי מאת שנה ושבעים שנה וחמש שנים
8 vnumber="8"> css="font-weight:bold"> ח ויגוע וימת אברהם בשיבה טובה זקן ושבע ויאסף אל עמיו
9 vnumber="9"> css="font-weight:bold"> ט ויקברו אתו יצחק וישמעאל בניו אל מערת המכפלה אל שדה עפרן בן צחר החתי אשר על פני ממרא
10 vnumber="10"> css="font-weight:bold"> י השדה אשר קנה אברהם מאת בני חת--שמה קבר אברהם ושרה אשתו
11 vnumber="11"> css="font-weight:bold"> יא ויהי אחרי מות אברהם ויברך אלהים את יצחק בנו וישב יצחק עם באר לחי ראי {פ} art="x-p"/>
12 vnumber="12"> css="font-weight:bold"> יב ואלה תלדת ישמעאל בן אברהם אשר ילדה הגר המצרית שפחת שרה--לאברהם
13 vnumber="13"> css="font-weight:bold"> יג ואלה שמות בני ישמעאל בשמתם לתולדתם בכר ישמעאל נבית וקדר ואדבאל ומבשם
14 vnumber="14"> css="font-weight:bold"> יד ומשמע ודומה ומשא
15 vnumber="15"> css="font-weight:bold"> טו חדד ותימא יטור נפיש וקדמה
16 vnumber="16"> css="font-weight:bold"> טז אלה הם בני ישמעאל ואלה שמתם בחצריהם ובטירתם--שנים עשר נשיאם לאמתם
17 vnumber="17"> css="font-weight:bold"> יז ואלה שני חיי ישמעאל--מאת שנה ושלשים שנה ושבע שנים ויגוע וימת ויאסף אל עמיו
18 vnumber="18"> css="font-weight:bold"> יח וישכנו מחוילה עד שור אשר על פני מצרים באכה אשורה על פני כל אחיו נפל {פ} art="x-p"/>
19 vnumber="19"> css="font-weight:bold"> יט ואלה תולדת יצחק בן אברהם אברהם הוליד את יצחק
20 vnumber="20"> css="font-weight:bold"> כ ויהי יצחק בן ארבעים שנה בקחתו את רבקה בת בתואל הארמי מפדן ארם--אחות לבן הארמי לו לאשה
21 vnumber="21"> css="font-weight:bold"> כא ויעתר יצחק ליהוה לנכח אשתו כי עקרה הוא ויעתר לו יהוה ותהר רבקה אשתו
22 vnumber="22"> css="font-weight:bold"> כב ויתרצצו הבנים בקרבה ותאמר אם כן למה זה אנכי ותלך לדרש את יהוה
23 vnumber="23"> css="font-weight:bold"> כג ויאמר יהוה לה שני גיים (גוים) בבטנך ושני לאמים ממעיך יפרדו ולאם מלאם יאמץ ורב יעבד צעיר
24 vnumber="24"> css="font-weight:bold"> כד וימלאו ימיה ללדת והנה תומם בבטנה
25 vnumber="25"> css="font-weight:bold"> כה ויצא הראשון אדמוני כלו כאדרת שער ויקראו שמו עשו
26 vnumber="26"> css="font-weight:bold"> כו ואחרי כן יצא אחיו וידו אחזת בעקב עשו ויקרא שמו יעקב ויצחק בן ששים שנה בלדת אתם
27 vnumber="27"> css="font-weight:bold"> כז ויגדלו הנערים ויהי עשו איש ידע ציד איש שדה ויעקב איש תם ישב אהלים
28 vnumber="28"> css="font-weight:bold"> כח ויאהב יצחק את עשו כי ציד בפיו ורבקה אהבת את יעקב
29 vnumber="29"> css="font-weight:bold"> כט ויזד יעקב נזיד ויבא עשו מן השדה והוא עיף
30 vnumber="30"> css="font-weight:bold"> ל ויאמר עשו אל יעקב הלעיטני נא מן האדם האדם הזה--כי עיף אנכי על כן קרא שמו אדום
31 vnumber="31"> css="font-weight:bold"> לא ויאמר יעקב מכרה כיום את בכרתך לי
32 vnumber="32"> css="font-weight:bold"> לב ויאמר עשו הנה אנכי הולך למות ולמה זה לי בכרה
33 vnumber="33"> css="font-weight:bold"> לג ויאמר יעקב השבעה לי כיום וישבע לו וימכר את בכרתו ליעקב
34 vnumber="34"> css="font-weight:bold"> לד ויעקב נתן לעשו לחם ונזיד עדשים ויאכל וישת ויקם וילך ויבז עשו את הבכרה {פ} art="x-p"/>