1 vnumber="1"> css="font-weight:bold"> א ויצו את אשר על ביתו לאמר מלא את אמתחת האנשים אכל כאשר יוכלון שאת ושים כסף איש בפי אמתחתו
2 vnumber="2"> css="font-weight:bold"> ב ואת גביעי גביע הכסף תשים בפי אמתחת הקטן ואת כסף שברו ויעש כדבר יוסף אשר דבר
3 vnumber="3"> css="font-weight:bold"> ג הבקר אור והאנשים שלחו המה וחמריהם
4 vnumber="4"> css="font-weight:bold"> ד הם יצאו את העיר לא הרחיקו ויוסף אמר לאשר על ביתו קום רדף אחרי האנשים והשגתם ואמרת אלהם למה שלמתם רעה תחת טובה
5 vnumber="5"> css="font-weight:bold"> ה הלוא זה אשר ישתה אדני בו והוא נחש ינחש בו הרעתם אשר עשיתם
6 vnumber="6"> css="font-weight:bold"> ו וישגם וידבר אלהם את הדברים האלה
7 vnumber="7"> css="font-weight:bold"> ז ויאמרו אליו--למה ידבר אדני כדברים האלה חלילה לעבדיך מעשות כדבר הזה
8 vnumber="8"> css="font-weight:bold"> ח הן כסף אשר מצאנו בפי אמתחתינו--השיבנו אליך מארץ כנען ואיך נגנב מבית אדניך כסף או זהב
9 vnumber="9"> css="font-weight:bold"> ט אשר ימצא אתו מעבדיך ומת וגם אנחנו נהיה לאדני לעבדים
10 vnumber="10"> css="font-weight:bold"> י ויאמר גם עתה כדבריכם כן הוא אשר ימצא אתו יהיה לי עבד ואתם תהיו נקים
11 vnumber="11"> css="font-weight:bold"> יא וימהרו ויורדו איש את אמתחתו--ארצה ויפתחו איש אמתחתו
12 vnumber="12"> css="font-weight:bold"> יב ויחפש--בגדול החל ובקטן כלה וימצא הגביע באמתחת בנימן
13 vnumber="13"> css="font-weight:bold"> יג ויקרעו שמלתם ויעמס איש על חמרו וישבו העירה
14 vnumber="14"> css="font-weight:bold"> יד ויבא יהודה ואחיו ביתה יוסף והוא עודנו שם ויפלו לפניו ארצה
15 vnumber="15"> css="font-weight:bold"> טו ויאמר להם יוסף מה המעשה הזה אשר עשיתם הלוא ידעתם כי נחש ינחש איש אשר כמני
16 vnumber="16"> css="font-weight:bold"> טז ויאמר יהודה מה נאמר לאדני מה נדבר ומה נצטדק האלהים מצא את עון עבדיך--הננו עבדים לאדני גם אנחנו גם אשר נמצא הגביע בידו
17 vnumber="17"> css="font-weight:bold"> יז ויאמר--חלילה לי מעשות זאת האיש אשר נמצא הגביע בידו הוא יהיה לי עבד ואתם עלו לשלום אל אביכם {ס} art="x-p"/>
18 vnumber="18"> css="font-weight:bold"> יח ויגש אליו יהודה ויאמר בי אדני ידבר נא עבדך דבר באזני אדני ואל יחר אפך בעבדך כי כמוך כפרעה
19 vnumber="19"> css="font-weight:bold"> יט אדני שאל את עבדיו לאמר היש לכם אב או אח
20 vnumber="20"> css="font-weight:bold"> כ ונאמר אל אדני יש לנו אב זקן וילד זקנים קטן ואחיו מת ויותר הוא לבדו לאמו ואביו אהבו
21 vnumber="21"> css="font-weight:bold"> כא ותאמר אל עבדיך הורדהו אלי ואשימה עיני עליו
22 vnumber="22"> css="font-weight:bold"> כב ונאמר אל אדני לא יוכל הנער לעזב את אביו ועזב את אביו ומת
23 vnumber="23"> css="font-weight:bold"> כג ותאמר אל עבדיך אם לא ירד אחיכם הקטן אתכם--לא תספון לראות פני
24 vnumber="24"> css="font-weight:bold"> כד ויהי כי עלינו אל עבדך אבי ונגד לו--את דברי אדני
25 vnumber="25"> css="font-weight:bold"> כה ויאמר אבינו שבו שברו לנו מעט אכל
26 vnumber="26"> css="font-weight:bold"> כו ונאמר לא נוכל לרדת אם יש אחינו הקטן אתנו וירדנו--כי לא נוכל לראות פני האיש ואחינו הקטן איננו אתנו
27 vnumber="27"> css="font-weight:bold"> כז ויאמר עבדך אבי אלינו אתם ידעתם כי שנים ילדה לי אשתי
28 vnumber="28"> css="font-weight:bold"> כח ויצא האחד מאתי ואמר אך טרף טרף ולא ראיתיו עד הנה
29 vnumber="29"> css="font-weight:bold"> כט ולקחתם גם את זה מעם פני וקרהו אסון--והורדתם את שיבתי ברעה שאלה
30 vnumber="30"> css="font-weight:bold"> ל ועתה כבאי אל עבדך אבי והנער איננו אתנו ונפשו קשורה בנפשו
31 vnumber="31"> css="font-weight:bold"> לא והיה כראותו כי אין הנער--ומת והורידו עבדיך את שיבת עבדך אבינו ביגון--שאלה
32 vnumber="32"> css="font-weight:bold"> לב כי עבדך ערב את הנער מעם אבי לאמר אם לא אביאנו אליך וחטאתי לאבי כל הימים
33 vnumber="33"> css="font-weight:bold"> לג ועתה ישב נא עבדך תחת הנער--עבד לאדני והנער יעל עם אחיו
34 vnumber="34"> css="font-weight:bold"> לד כי איך אעלה אל אבי והנער איננו אתי פן אראה ברע אשר ימצא את אבי art="x-p"/>