1 vnumber="1"> css="font-weight:bold"> א ויפל יוסף על פני אביו ויבך עליו וישק לו
2 vnumber="2"> css="font-weight:bold"> ב ויצו יוסף את עבדיו את הרפאים לחנט את אביו ויחנטו הרפאים את ישראל
3 vnumber="3"> css="font-weight:bold"> ג וימלאו לו ארבעים יום כי כן ימלאו ימי החנטים ויבכו אתו מצרים שבעים יום
4 vnumber="4"> css="font-weight:bold"> ד ויעברו ימי בכיתו וידבר יוסף אל בית פרעה לאמר אם נא מצאתי חן בעיניכם--דברו נא באזני פרעה לאמר
5 vnumber="5"> css="font-weight:bold"> ה אבי השביעני לאמר הנה אנכי מת--בקברי אשר כריתי לי בארץ כנען שמה תקברני ועתה אעלה נא ואקברה את אבי--ואשובה
6 vnumber="6"> css="font-weight:bold"> ו ויאמר פרעה עלה וקבר את אביך כאשר השביעך
7 vnumber="7"> css="font-weight:bold"> ז ויעל יוסף לקבר את אביו ויעלו אתו כל עבדי פרעה זקני ביתו וכל זקני ארץ מצרים
8 vnumber="8"> css="font-weight:bold"> ח וכל בית יוסף ואחיו ובית אביו רק טפם וצאנם ובקרם--עזבו בארץ גשן
9 vnumber="9"> css="font-weight:bold"> ט ויעל עמו גם רכב גם פרשים ויהי המחנה כבד מאד
10 vnumber="10"> css="font-weight:bold"> י ויבאו עד גרן האטד אשר בעבר הירדן ויספדו שם מספד גדול וכבד מאד ויעש לאביו אבל שבעת ימים
11 vnumber="11"> css="font-weight:bold"> יא וירא יושב הארץ הכנעני את האבל בגרן האטד ויאמרו אבל כבד זה למצרים על כן קרא שמה אבל מצרים אשר בעבר הירדן
12 vnumber="12"> css="font-weight:bold"> יב ויעשו בניו לו--כן כאשר צום
13 vnumber="13"> css="font-weight:bold"> יג וישאו אתו בניו ארצה כנען ויקברו אתו במערת שדה המכפלה אשר קנה אברהם את השדה לאחזת קבר מאת עפרן החתי--על פני ממרא
14 vnumber="14"> css="font-weight:bold"> יד וישב יוסף מצרימה הוא ואחיו וכל העלים אתו לקבר את אביו אחרי קברו את אביו
15 vnumber="15"> css="font-weight:bold"> טו ויראו אחי יוסף כי מת אביהם ויאמרו לו ישטמנו יוסף והשב ישיב לנו את כל הרעה אשר גמלנו אתו
16 vnumber="16"> css="font-weight:bold"> טז ויצוו אל יוסף לאמר אביך צוה לפני מותו לאמר
17 vnumber="17"> css="font-weight:bold"> יז כה תאמרו ליוסף אנא שא נא פשע אחיך וחטאתם כי רעה גמלוך ועתה שא נא לפשע עבדי אלהי אביך ויבך יוסף בדברם אליו
18 vnumber="18"> css="font-weight:bold"> יח וילכו גם אחיו ויפלו לפניו ויאמרו הננו לך לעבדים
19 vnumber="19"> css="font-weight:bold"> יט ויאמר אלהם יוסף אל תיראו כי התחת אלהים אני
20 vnumber="20"> css="font-weight:bold"> כ ואתם חשבתם עלי רעה אלהים חשבה לטבה למען עשה כיום הזה להחית עם רב
21 vnumber="21"> css="font-weight:bold"> כא ועתה אל תיראו--אנכי אכלכל אתכם ואת טפכם וינחם אותם וידבר על לבם
22 vnumber="22"> css="font-weight:bold"> כב וישב יוסף במצרים הוא ובית אביו ויחי יוסף מאה ועשר שנים
23 vnumber="23"> css="font-weight:bold"> כג וירא יוסף לאפרים בני שלשים גם בני מכיר בן מנשה--ילדו על ברכי יוסף
24 vnumber="24"> css="font-weight:bold"> כד ויאמר יוסף אל אחיו אנכי מת ואלהים פקד יפקד אתכם והעלה אתכם מן הארץ הזאת אל הארץ אשר נשבע לאברהם ליצחק וליעקב
25 vnumber="25"> css="font-weight:bold"> כה וישבע יוסף את בני ישראל לאמר פקד יפקד אלהים אתכם והעלתם את עצמתי מזה
26 vnumber="26"> css="font-weight:bold"> כו וימת יוסף בן מאה ועשר שנים ויחנטו אתו ויישם בארון במצרים {ש} art="x-p"/>