1 vnumber="1"> css="font-weight:bold"> א ויברך אלהים את נח ואת בניו ויאמר להם פרו ורבו ומלאו את הארץ
2 vnumber="2"> css="font-weight:bold"> ב ומוראכם וחתכם יהיה על כל חית הארץ ועל כל עוף השמים בכל אשר תרמש האדמה ובכל דגי הים בידכם נתנו
3 vnumber="3"> css="font-weight:bold"> ג כל רמש אשר הוא חי לכם יהיה לאכלה כירק עשב נתתי לכם את כל
4 vnumber="4"> css="font-weight:bold"> ד אך בשר בנפשו דמו לא תאכלו
5 vnumber="5"> css="font-weight:bold"> ה ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו--אדרש את נפש האדם
6 vnumber="6"> css="font-weight:bold"> ו שפך דם האדם באדם דמו ישפך כי בצלם אלהים עשה את האדם
7 vnumber="7"> css="font-weight:bold"> ז ואתם פרו ורבו שרצו בארץ ורבו בה {ס} art="x-p"/>
8 vnumber="8"> css="font-weight:bold"> ח ויאמר אלהים אל נח ואל בניו אתו לאמר
9 vnumber="9"> css="font-weight:bold"> ט ואני הנני מקים את בריתי אתכם ואת זרעכם אחריכם
10 vnumber="10"> css="font-weight:bold"> י ואת כל נפש החיה אשר אתכם בעוף בבהמה ובכל חית הארץ אתכם מכל יצאי התבה לכל חית הארץ
11 vnumber="11"> css="font-weight:bold"> יא והקמתי את בריתי אתכם ולא יכרת כל בשר עוד ממי המבול ולא יהיה עוד מבול לשחת הארץ
12 vnumber="12"> css="font-weight:bold"> יב ויאמר אלהים זאת אות הברית אשר אני נתן ביני וביניכם ובין כל נפש חיה אשר אתכם--לדרת עולם
13 vnumber="13"> css="font-weight:bold"> יג את קשתי נתתי בענן והיתה לאות ברית ביני ובין הארץ
14 vnumber="14"> css="font-weight:bold"> יד והיה בענני ענן על הארץ ונראתה הקשת בענן
15 vnumber="15"> css="font-weight:bold"> טו וזכרתי את בריתי אשר ביני וביניכם ובין כל נפש חיה בכל בשר ולא יהיה עוד המים למבול לשחת כל בשר
16 vnumber="16"> css="font-weight:bold"> טז והיתה הקשת בענן וראיתיה לזכר ברית עולם בין אלהים ובין כל נפש חיה בכל בשר אשר על הארץ
17 vnumber="17"> css="font-weight:bold"> יז ויאמר אלהים אל נח זאת אות הברית אשר הקמתי ביני ובין כל בשר אשר על הארץ {פ} art="x-p"/>
18 vnumber="18"> css="font-weight:bold"> יח ויהיו בני נח היצאים מן התבה--שם וחם ויפת וחם הוא אבי כנען
19 vnumber="19"> css="font-weight:bold"> יט שלשה אלה בני נח ומאלה נפצה כל הארץ
20 vnumber="20"> css="font-weight:bold"> כ ויחל נח איש האדמה ויטע כרם
21 vnumber="21"> css="font-weight:bold"> כא וישת מן היין וישכר ויתגל בתוך אהלה
22 vnumber="22"> css="font-weight:bold"> כב וירא חם אבי כנען את ערות אביו ויגד לשני אחיו בחוץ
23 vnumber="23"> css="font-weight:bold"> כג ויקח שם ויפת את השמלה וישימו על שכם שניהם וילכו אחרנית ויכסו את ערות אביהם ופניהם אחרנית וערות אביהם לא ראו
24 vnumber="24"> css="font-weight:bold"> כד וייקץ נח מיינו וידע את אשר עשה לו בנו הקטן
25 vnumber="25"> css="font-weight:bold"> כה ויאמר ארור כנען עבד עבדים יהיה לאחיו
26 vnumber="26"> css="font-weight:bold"> כו ויאמר ברוך יהוה אלהי שם ויהי כנען עבד למו
27 vnumber="27"> css="font-weight:bold"> כז יפת אלהים ליפת וישכן באהלי שם ויהי כנען עבד למו
28 vnumber="28"> css="font-weight:bold"> כח ויחי נח אחר המבול שלש מאות שנה וחמשים שנה
29 vnumber="29"> css="font-weight:bold"> כט ויהיו כל ימי נח תשע מאות שנה וחמשים שנה וימת {פ} art="x-p"/>