1 vnumber="1"> כדבר אפרים רתת נשא הוא בישראל ויאשם בבעל וימת
2 vnumber="2"> ועתה יוספו לחטא ויעשו להם מסכה מכספם כתבונם עצבים מעשה חרשים כלה להם הם אמרים זבחי אדם עגלים ישקון
3 vnumber="3"> לכן יהיו כענן בקר וכטל משכים הלך כמץ יסער מגרן וכעשן מארבה
4 vnumber="4"> ואנכי יהוה אלהיך מארץ מצרים ואלהים זולתי לא תדע ומושיע אין בלתי
5 vnumber="5"> אני ידעתיך במדבר--בארץ תלאבות
6 vnumber="6"> כמרעיתם וישבעו--שבעו וירם לבם על כן שכחוני
7 vnumber="7"> ואהי להם כמו שחל--כנמר על דרך אשור
8 vnumber="8"> אפגשם כדב שכול ואקרע סגור לבם ואכלם שם כלביא חית השדה תבקעם
9 vnumber="9"> שחתך ישראל כי בי בעזרך
10 vnumber="10"> אהי מלכך אפוא ויושיעך בכל עריך ושפטיך--אשר אמרת תנה לי מלך ושרים
11 vnumber="11"> אתן לך מלך באפי ואקח בעברתי {פ}
art="x-p"/>
12 vnumber="12"> צרור עון אפרים צפונה חטאתו
13 vnumber="13"> חבלי יולדה יבאו לו הוא בן לא חכם כי עת לא יעמד במשבר בנים
14 vnumber="14"> מיד שאול אפדם ממות אגאלם אהי דבריך מות אהי קטבך שאול--נחם יסתר מעיני
15 vnumber="15"> כי הוא בין אחים יפריא יבוא קדים רוח יהוה ממדבר עלה ויבוש מקורו ויחרב מעינו--הוא ישסה אוצר כל כלי חמדה
art="x-p"/>