1 vnumber="1"> css="font-weight:bold"> א והיה מספר בני ישראל כחול הים אשר לא ימד ולא יספר והיה במקום אשר יאמר להם לא עמי אתם יאמר להם בני אל חי
2 vnumber="2"> css="font-weight:bold"> ב ונקבצו בני יהודה ובני ישראל יחדו ושמו להם ראש אחד ועלו מן הארץ כי גדול יום יזרעאל
3 vnumber="3"> css="font-weight:bold"> ג אמרו לאחיכם עמי ולאחותיכם רחמה
4 vnumber="4"> css="font-weight:bold"> ד ריבו באמכם ריבו--כי היא לא אשתי ואנכי לא אישה ותסר זנוניה מפניה ונאפופיה מבין שדיה
5 vnumber="5"> css="font-weight:bold"> ה פן אפשיטנה ערמה--והצגתיה כיום הולדה ושמתיה כמדבר ושתה כארץ ציה והמתיה בצמא
6 vnumber="6"> css="font-weight:bold"> ו ואת בניה לא ארחם כי בני זנונים המה
7 vnumber="7"> css="font-weight:bold"> ז כי זנתה אמם הבישה הורתם כי אמרה אלכה אחרי מאהבי נתני לחמי ומימי צמרי ופשתי שמני ושקויי
8 vnumber="8"> css="font-weight:bold"> ח לכן הנני שך את דרכך בסירים וגדרתי את גדרה ונתיבותיה לא תמצא
9 vnumber="9"> css="font-weight:bold"> ט ורדפה את מאהביה ולא תשיג אתם ובקשתם ולא תמצא ואמרה אלכה ואשובה אל אישי הראשון--כי טוב לי אז מעתה
10 vnumber="10"> css="font-weight:bold"> י והיא לא ידעה כי אנכי נתתי לה הדגן והתירוש והיצהר וכסף הרביתי לה וזהב עשו לבעל
11 vnumber="11"> css="font-weight:bold"> יא לכן אשוב--ולקחתי דגני בעתו ותירושי במועדו והצלתי צמרי ופשתי לכסות את ערותה
12 vnumber="12"> css="font-weight:bold"> יב ועתה אגלה את נבלתה לעיני מאהביה ואיש לא יצילנה מידי
13 vnumber="13"> css="font-weight:bold"> יג והשבתי כל משושה חגה חדשה ושבתה--וכל מועדה
14 vnumber="14"> css="font-weight:bold"> יד והשמתי גפנה ותאנתה אשר אמרה אתנה המה לי אשר נתנו לי מאהבי ושמתים ליער ואכלתם חית השדה
15 vnumber="15"> css="font-weight:bold"> טו ופקדתי עליה את ימי הבעלים אשר תקטיר להם ותעד נזמה וחליתה ותלך אחרי מאהביה ואתי שכחה נאם יהוה {ס} art="x-p"/>
16 vnumber="16"> css="font-weight:bold"> טז לכן הנה אנכי מפתיה והלכתיה המדבר ודברתי על לבה
17 vnumber="17"> css="font-weight:bold"> יז ונתתי לה את כרמיה משם ואת עמק עכור לפתח תקוה וענתה שמה כימי נעוריה וכיום עלותה מארץ מצרים
18 vnumber="18"> css="font-weight:bold"> יח והיה ביום ההוא נאם יהוה תקראי אישי ולא תקראי לי עוד בעלי
19 vnumber="19"> css="font-weight:bold"> יט והסרתי את שמות הבעלים מפיה ולא יזכרו עוד בשמם
20 vnumber="20"> css="font-weight:bold"> כ וכרתי להם ברית ביום ההוא עם חית השדה ועם עוף השמים ורמש האדמה וקשת וחרב ומלחמה אשבור מן הארץ והשכבתים לבטח
21 vnumber="21"> css="font-weight:bold"> כא וארשתיך לי לעולם וארשתיך לי בצדק ובמשפט ובחסד וברחמים
22 vnumber="22"> css="font-weight:bold"> כב וארשתיך לי באמונה וידעת את יהוה {פ} art="x-p"/>
23 vnumber="23"> css="font-weight:bold"> כג והיה ביום ההוא אענה נאם יהוה--אענה את השמים והם יענו את הארץ (Hosea 2:24) css="font-weight:bold"> כד והארץ תענה את הדגן ואת התירוש ואת היצהר והם יענו את יזרעאל (Hosea 2:25) css="font-weight:bold"> כה וזרעתיה לי בארץ ורחמתי את לא רחמה ואמרתי ללא עמי עמי אתה והוא יאמר אלהי {פ} art="x-p"/>