1 vnumber="1"> css="font-weight:bold"> א משא בבל--אשר חזה ישעיהו בן אמוץ
2 vnumber="2"> css="font-weight:bold"> ב על הר נשפה שאו נס הרימו קול להם הניפו יד ויבאו פתחי נדיבים
3 vnumber="3"> css="font-weight:bold"> ג אני צויתי למקדשי גם קראתי גבורי לאפי עליזי גאותי
4 vnumber="4"> css="font-weight:bold"> ד קול המון בהרים דמות עם רב קול שאון ממלכות גוים נאספים--יהוה צבאות מפקד צבא מלחמה
5 vnumber="5"> css="font-weight:bold"> ה באים מארץ מרחק מקצה השמים יהוה וכלי זעמו לחבל כל הארץ {ס} art="x-p"/>
6 vnumber="6"> css="font-weight:bold"> ו הילילו כי קרוב יום יהוה כשד משדי יבוא
7 vnumber="7"> css="font-weight:bold"> ז על כן כל ידים תרפינה וכל לבב אנוש ימס
8 vnumber="8"> css="font-weight:bold"> ח ונבהלו--צירים וחבלים יאחזון כיולדה יחילון איש אל רעהו יתמהו פני להבים פניהם
9 vnumber="9"> css="font-weight:bold"> ט הנה יום יהוה בא אכזרי ועברה וחרון אף--לשום הארץ לשמה וחטאיה ישמיד ממנה
10 vnumber="10"> css="font-weight:bold"> י כי כוכבי השמים וכסיליהם לא יהלו אורם חשך השמש בצאתו וירח לא יגיה אורו
11 vnumber="11"> css="font-weight:bold"> יא ופקדתי על תבל רעה ועל רשעים עונם והשבתי גאון זדים וגאות עריצים אשפיל
12 vnumber="12"> css="font-weight:bold"> יב אוקיר אנוש מפז ואדם מכתם אופיר
13 vnumber="13"> css="font-weight:bold"> יג על כן שמים ארגיז ותרעש הארץ ממקומה--בעברת יהוה צבאות וביום חרון אפו
14 vnumber="14"> css="font-weight:bold"> יד והיה כצבי מדח וכצאן ואין מקבץ איש אל עמו יפנו ואיש אל ארצו ינוסו
15 vnumber="15"> css="font-weight:bold"> טו כל הנמצא ידקר וכל הנספה יפול בחרב
16 vnumber="16"> css="font-weight:bold"> טז ועלליהם ירטשו לעיניהם ישסו בתיהם ונשיהם תשגלנה (תשכבנה)
17 vnumber="17"> css="font-weight:bold"> יז הנני מעיר עליהם את מדי אשר כסף לא יחשבו וזהב לא יחפצו בו
18 vnumber="18"> css="font-weight:bold"> יח וקשתות נערים תרטשנה ופרי בטן לא ירחמו על בנים לא תחוס עינם
19 vnumber="19"> css="font-weight:bold"> יט והיתה בבל צבי ממלכות תפארת גאון כשדים כמהפכת אלהים את סדם ואת עמרה
20 vnumber="20"> css="font-weight:bold"> כ לא תשב לנצח ולא תשכן עד דור ודור ולא יהל שם ערבי ורעים לא ירבצו שם
21 vnumber="21"> css="font-weight:bold"> כא ורבצו שם ציים ומלאו בתיהם אחים ושכנו שם בנות יענה ושעירים ירקדו שם
22 vnumber="22"> css="font-weight:bold"> כב וענה איים באלמנותיו ותנים בהיכלי ענג וקרוב לבוא עתה וימיה לא ימשכו art="x-p"/>