1 vnumber="1"> css="font-weight:bold"> א ויהי בארבע עשרה שנה למלך חזקיהו עלה סנחריב מלך אשור על כל ערי יהודה הבצרות--ויתפשם
2 vnumber="2"> css="font-weight:bold"> ב וישלח מלך אשור את רבשקה מלכיש ירושלמה אל המלך חזקיהו בחיל כבד ויעמד בתעלת הברכה העליונה במסלת שדה כובס
3 vnumber="3"> css="font-weight:bold"> ג ויצא אליו אליקים בן חלקיהו אשר על הבית--ושבנא הספר ויואח בן אסף המזכיר
4 vnumber="4"> css="font-weight:bold"> ד ויאמר אליהם רבשקה אמרו נא אל חזקיהו כה אמר המלך הגדול מלך אשור מה הבטחון הזה אשר בטחת
5 vnumber="5"> css="font-weight:bold"> ה אמרתי אך דבר שפתים עצה וגבורה למלחמה עתה על מי בטחת כי מרדת בי
6 vnumber="6"> css="font-weight:bold"> ו הנה בטחת על משענת הקנה הרצוץ הזה על מצרים אשר יסמך איש עליו ובא בכפו ונקבה כן פרעה מלך מצרים לכל הבטחים עליו
7 vnumber="7"> css="font-weight:bold"> ז וכי תאמר אלי אל יהוה אלהינו בטחנו הלוא הוא אשר הסיר חזקיהו את במתיו ואת מזבחתיו ויאמר ליהודה ולירושלם לפני המזבח הזה תשתחוו
8 vnumber="8"> css="font-weight:bold"> ח ועתה התערב נא את אדני המלך אשור ואתנה לך אלפים סוסים--אם תוכל לתת לך רכבים עליהם
9 vnumber="9"> css="font-weight:bold"> ט ואיך תשיב את פני פחת אחד עבדי אדני--הקטנים ותבטח לך על מצרים לרכב ולפרשים
10 vnumber="10"> css="font-weight:bold"> י ועתה המבלעדי יהוה עליתי על הארץ הזאת להשחיתה יהוה אמר אלי עלה אל הארץ הזאת והשחיתה {ס} art="x-p"/>
11 vnumber="11"> css="font-weight:bold"> יא ויאמר אליקים ושבנא ויואח אל רבשקה דבר נא אל עבדיך ארמית--כי שמעים אנחנו ואל תדבר אלינו יהודית באזני העם אשר על החומה
12 vnumber="12"> css="font-weight:bold"> יב ויאמר רבשקה האל אדניך ואליך שלחני אדני לדבר את הדברים האלה הלא על האנשים הישבים על החומה לאכל את חראיהם (צואתם) ולשתות את שיניהם (מימי רגליהם) עמכם
13 vnumber="13"> css="font-weight:bold"> יג ויעמד רבשקה ויקרא בקול גדול יהודית ויאמר--שמעו את דברי המלך הגדול מלך אשור
14 vnumber="14"> css="font-weight:bold"> יד כה אמר המלך אל ישא לכם חזקיהו כי לא יוכל להציל אתכם
15 vnumber="15"> css="font-weight:bold"> טו ואל יבטח אתכם חזקיהו אל יהוה לאמר הצל יצילנו יהוה לא תנתן העיר הזאת ביד מלך אשור
16 vnumber="16"> css="font-weight:bold"> טז אל תשמעו אל חזקיהו {פ} br br כי כה אמר המלך אשור עשו אתי ברכה וצאו אלי ואכלו איש גפנו ואיש תאנתו ושתו איש מי בורו
17 vnumber="17"> css="font-weight:bold"> יז עד באי ולקחתי אתכם אל ארץ כארצכם ארץ דגן ותירוש ארץ לחם וכרמים
18 vnumber="18"> css="font-weight:bold"> יח פן יסית אתכם חזקיהו לאמר יהוה יצילנו ההצילו אלהי הגוים איש את ארצו מיד מלך אשור
19 vnumber="19"> css="font-weight:bold"> יט איה אלהי חמת וארפד--איה אלהי ספרוים וכי הצילו את שמרון מידי
20 vnumber="20"> css="font-weight:bold"> כ מי בכל אלהי הארצות האלה אשר הצילו את ארצם מידי כי יציל יהוה את ירושלם מידי
21 vnumber="21"> css="font-weight:bold"> כא ויחרישו ולא ענו אתו דבר כי מצות המלך היא לאמר לא תענהו
22 vnumber="22"> css="font-weight:bold"> כב ויבא אליקים בן חלקיהו אשר על הבית ושבנא הספר ויואח בן אסף המזכיר אל חזקיהו--קרועי בגדים ויגידו לו את דברי רבשקה {ס} art="x-p"/>